Адвокат Zoom аркылуу жыйынга мышыктын маскасы менен чыгып күлкүгө калды

196
(жаңыланган 18:39 10.02.2021)
Техастык адвокат Род Понтон соттун Zoom аркылуу онлайн-жыйынына виртуалдуу маска менен чыга калып элди күлдүргөн.

Видео YouTube каналындагы соттук трансляцияга жарыяланды. Адвокатка видеочатта өзү отурганын далилдөөгө туура келген.

"Мен бул жерде, түз эфирдемин, мышык эмесмин", — деген адвокат

NBC News жазганына караганда, адвокат адашып кетип фильтрди басып алып, маанайы жок мышыктын образында чыгып калган. Ал 30 секунддай масканы өчүрүп коюуга аракет жасаса да андан майнап чыккан эмес. Акыры юрист жыйынды ушундай образда улантууга даяр экенин билдирген. Понтондун маектештери окуяга юмор менен карашкан. Адвокат фильтрди анын ассистенти колдонуп жүргөнүн айткан.

196
Белгилер:
АКШ, видео, мышык, адвокат
Тема боюнча
Чырылдап жиберди. Тамагын кызганган кундуздун видеосу

Параплан менен акробатикалык трюк жасаган гимнасттар. Видео

52
Россиялык эки гимнаст параплан менен учуп баратып акробатикалык трюк көрсөттү. Алар абада учуп баратканына карабай коргоочу каражаттарды колдонушкан эмес.

Россиянын Бердск шаарынын спортчулары дээрлик 600 метр бийиктикте туруп өнөрүн тартуулашкан.

Алар дүйнөдө биринчи болуп асманга көтөрүлгөн учурда концерттик программасын аткарганы белгиленет. Гимнасттар муну менен эле чектелбей, дагы да көп ыкмаларды жасай турганын айтышкан.

52
Белгилер:
учуу, гимнастчылар, параплан, Россия
Тема боюнча
3 500 метр бийиктиктен парашют менен секирген КР десанттары. Сүрөт түрмөк
500 метр бийиктиктен кулаган франциялык спортчулардын видеосу

Эне жүрөгүн элжиреткен "Шумкарлар". Аскерлер айымдарга белек беришти. Видео

129
Ички иштер министрлигинин "Шумкар" атайын багыттагы полкунун аскерлери энелерин жана көчөдөн өтүп бараткан айымдарды куттуктады.

8-март — Аялдардын эл аралык майрамын утурлай жоокерлер өз апаларын, эжелерин айттырбай барып куттуктап, кубантышкан.

Энелердин жүрөгү элжиреп "силер бактылуу болсоңор, мен бактылуумун" деп алкап жатканын көрүүгө болот. Ал эми көчөдө баратып аскерлердин колунан гүл, открытка алган айымдар көңүлү көтөрүлүп рахматын айтышты.

"Жаздын алгачкы күнү менен келген бул майрамда сиздерге бакыт-таалай, бекем ден соолук, узун өмүр каалайбыз. Бар болуңуздар, кымбаттуу, нур жүздүү, ай-чырайлуу айымдар!" — деп жазылган маалымат кызматы тараткан билдирүүдө.

Видео Ички иштер министрлигинин YouTube каналына жайгаштырылган.

129
Белгилер:
майрам, куттуктоо, айым, эне, Аскер
Тема боюнча
Инспекторлор айдоочу айымдарды ыр окуп, шоколад тартуулап куттуктады. Сүрөт
Кыргызстандык кыздардын көбү канча жашында турмушка чыгат. Статистика
Кыргызстандын президенти Садыр Жапаров

Жапаров Өзбекстанга мамлекеттик сапар менен бармай болду

21
(жаңыланган 16:27 09.03.2021)
Сапардын алкагында соода-экономикалык мамилелерди өнүктүрүү максатында кыргыз-өзбек бизнес форумун өткөрүү пландалууда.

БИШКЕК, 9-мар. — Sputnik. Кыргызстандын мамлекет башчысы Садыр Жапаров 11-12-март күндөрү Өзбекстанга мамлекеттик сапары менен барат. Бул тууралуу президенттин маалымат кызматынан билдиришти.

Иш сапардын алкагында Садыр Жапаров Өзбекстандын президенти Шавкат Мирзиёев менен сүйлөшүүлөрдү жүргүзөт.

"Мамлекет башчылары эки жана көп тараптуу кызматташуунун актуалдуу маселелерин, ошондой эле мындан аркы өнүгүүнүн жана натыйжалуу өз ара алака түзүүнүн келечегин талкуулашат", — деп айтылат маалыматта.

Сапардын жүрүшүндө Садыр Жапаровдун Өзбекстандын Олий Мажлисинин сенатынын төрайымы Танзила Нарбаева, Олий Мажлистин мыйзам чыгаруу палатасынын төрагасы Нурдинжон Исмоилов жана Өзбекстандын премьер-министри Абдулла Арипов менен жолугушуулары пландаштырылууда.

Мындан тышкары, соода-экономикалык мамилелерди өнүктүрүү максатында кыргыз-өзбек бизнес форумун өткөрүү пландалууда.

21
Белгилер:
мамлекеттик сапар, президент, Өзбекстан, Кыргызстан
Тема боюнча
Коңшулук мамилени арттыралы. Жапаров Өзбекстандын ТИМ башчысын кабыл алды