40 секундага сыйган миллиард жыл. Окумуштуулар Жердин эволюциясын көрсөттү

302
(жаңыланган 10:32 12.02.2021)
Геофизиктер Жер планетасында тектоникалык плиталар акыркы бир миллиард жыл ичинде кантип кыймылдаганын видеого түшүрүштү.

Тасма Earth-Science Reviews илимий журналында жарыяланган жаңы изилдөөнүн жыйынтыгынын негизинде даярдалган. Илимий иштин алкагында планетанын ар кайсы тарабындагы окумуштуулар Жердин өзгөрүшү боюнча маалыматтарды беришкен. Алар чогултулуп, иштелип чыккан соң Жер акыркы миллиард жыл ичинде кантип өзгөргөнү билинген.

"Жердин үстүңкү катмары плиталардан туруп, алар ар дайым бири-бири менен кагылыша берет. Негизи плиталар адамдын тырмагы өскөндөй ылдамдыкта кыймылдайт. Бирок миллиард жылды 40 секундага батырып койгондо жер кыртышы бийлеп жаткандай көрүнүп калат", — деди Сидней университетинде иштеген окумуштуу Сабин Захирович.

Видеонун авторлорунун айтымында, бул маалыматтар Жердин жылышы аркылуу климаттын кантип өзгөрүп жатканын билүүгө шарт түзөт.

302
Белгилер:
изилдөө, кыймыл, планета, жер
Тема боюнча
Жерге коркунуч жараткан астероид жакындап келе жатат

Чарт жарылган муздар асманды көздөй атылып. Сестенткен видео

327
(жаңыланган 21:53 07.03.2021)
Тыптынч жаткан дарыянын бетиндеги муздардын чарт этип катуу үн чыгара жарылып, андан соң асманга ылай аралашкан суу менен кошо атылганы жай турган кишини катуу чочуткудай. Көргөн кишини кайдыгер калтырбаган видео Москва облусунда тартылган.

Россиянын Коргоо министрлиги Москва облусундагы Иневка дарыясына тоңгон муздарды жардырганын RT маалымдады.

Бул дарыянын чет жакасында жайгашкан калктуу жерлерди суу ташкындарынан сактоо боюнча алдын алган иштердин алкагында жасалган.

Аскердик инженерлер музду оюп, жардыргыч заттарды суунун алдына коюп жаткандыгын видеодон көрүүгө болот. Маалыматта аталган иштер кылдаттыкты жана так эсептөөлөрдү талап кылары жазылган.

Адистер туурасы бир чакырым болгон дарыянын нугун муздан арылтуу үчүн 200 кг жардыргыч заттарды пайдаланган.

327
Белгилер:
жардыруу, муз, дарыя, Москва, Россия
Тема боюнча
КамАЗ унааларынын пианисттин коштоосундагы "бийи". Видео

Тегеренип тээп, намысын бербей кармашып... Соңку UFC турниринен кызыктуу видео

254
(жаңыланган 16:57 07.03.2021)
UFC уюмунун кезектеги турниринде айрым мушкерлер күтүүсүз жерден чемпион аталса, кээ бири карьерасында биринчи жолу жеңилүү ызасын тартып, дагы бири ишенимдүү түрдө утту.

Эл көптөн күткөн Лас-Вегастагы UFC 259 турнири жыйынтыкталды. Кеченин башкы беттешинде польшалык Ян Блахович жаңы зеландиялык Исраэль Адесаньяны утуп, наамын коргоп калды. Адесанья биринчи жолу утулду (20:1).

Аманда Нуньес азырынча ага татыктуу атаандаш жок экенин тастыктады. Ага караганда бойлуу, сөөк-саактуу келген Меган Андерсон биринчи раундда эле өзүн көрсөтө алган жок.

UFC чемпиону Петр Ян наамын коргогон кармашта атаандашына тыюу салынган соккуну колдонгону үчүн беттештен четтетилип, ордуна америкалык Алджамейн Стерлинг чемпион болду.

Спорттук кечедеги дагы башка кызыктуу учурларды видеодон көрүңүз.

254
Белгилер:
видео, беттешүү, мушкер, Петр Ян, Аманда Нуньес, UFC
Тема боюнча
UFC мушкерлери Нуньес менен Андерсондун көз караштар таймашы. Видео
Спортко кайткыс кылып сабаган! Нуньес Роузини уткан беттеш толугу менен жарыяланды
Жеңил атлетчилер марафон учурунда. Архив

Кыргызстандык жеңил атлетчилер Беларуста бир нече медаль алышты

0
(жаңыланган 00:16 08.03.2021)
Аталган спорттук иш-чарада кыргызстандык спортчулар баш-аягы эки алтын, бир күмүш жана үч коло медаль алышты.

БИШКЕК, 8-мар. — Sputnik. Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды. Бул тууралуу КРдин Жеңил атлетика федерациясынан билдиришти.

Кыргызстанские легкоатлеты во время соревнований в Беларуси
© Фото / пресс-служба федерации легкая атлетика КР
Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды

Маалыматка ылайык, Минск шаарындагы мелдеште узундукка секирүү боюнча Светлана Майер биринчи орунга жетип алтын медалга татыган. Анастасия Бондаренко 200 жана 60 метрге чуркап коло менен күмүш медаль алса, ал эми Артем Слесаренко 60 метрге чуркап коло медалга ээ болгон.

Дагы бир жөө күлүк Калыс Таштанов 1500 метр аралыкта марага биринчи жетип алтын, 800 метр аралыкта үчүнчү келип коло медалды байге куржунуна салган.

Аталган спорттук иш-чарада кыргызстандык спортчулар жалпы эки алтын, бир күмүш жана үч коло медаль алышты. 

0
Белгилер:
медаль, мелдеш, жеңил атлетика, Беларусь
Тема боюнча
Надыров: Ысык-Көл марафонунун байге фонду 1 млн. 44 миң сомду түзөт
ШКУнун эл аралык марафону 15-майда Чолпон-Ата шаарында старт алат