Көчкүнү видеого тартып жаткан турист калың кар алдында калды. Видео

750
АКШда бир турист кар көчкүнү тартып жатып, анын алдында калды. Көчкү дагы бир нече адамды басып калган.

The Daily Mail булагы жазгандай, окуя Юта штатынын Уинта тоосунда болгон. Майлз Пенроуз туугандары, достору менен тоого чыккан. Карда жүрүүчү унаа менен көңүл ачып жатып силкинүүнү байкашат. Адегенде жер титирөө деп ойлошкон, ал учурда бийиктен агып жөнөгөн кар көчкүнү көрүп калышкан.

Туристтердин бири смартфонун алып чыгып, окуяны видеого тарта баштайт. Көздү ачып жумганча кар көчкү алардын баарын басып калган. Кардын алдында калганына карабай телефондогу видео жаздыруу улана берген.

Пенроуздун айтымында, ал көчкүнүн үстүңкү катмарында калып, өз күчү менен чыккан. Ал эми видеого тартып жаткан адамды калың кар басып калган. Ага карабай колундагы смартфонун түшүргөн эмес. Дагы экөө көчкү жетпеген аралыкка качып кетүүгө үлгүрүшкөн. Бактыга жараша, туристтерден эч ким катуу жабыркаган эмес.

750
Белгилер:
кар, АКШ, окуя, көчкү, туризм
Тема боюнча
Чырылдап жиберди. Тамагын кызганган кундуздун видеосу

20 жылга кесилет! ИИМдин РФтеги өкүлчүлүгү курьер кызматына жамынгандарга кайрылды

169
(жаңыланган 13:37 01.03.2021)
ИИМдин РФтеги өкүлчүлүгү Россиянын аймагында эмгектенип жүргөн мекендештерге билбестиктен мыйзамсыз иштерге кабылып калбас үчүн кыраакы болууга чакырып, ал эми бир катарларына эскертүү берди.

"Россия Федерациясынын аймагында жашап, эмгектенип жаткан мекендештерге кайрылуу. Акыркы күндөрү Россия Федерациясынын аймагында мекендештерибиз "курьер" кызматында иштеп, баңгизатын мыйзамсыз ташууга көмөктөш болуп калган учурлар көп катталууда", — деп айтылат маалыматта.

ИИМ мыйзамсыз иштер адатта Россияда "Телеграмм" жана Hydro сайты аркылуу жүргүзүлүп жатканын билдирген.

"Мыйзамсыз буюмдарды ташууда: буюртма берүүчү тараптын буйругу менен белгиленген жерден мыйзамсыз заттарды алып, белгисиз кабыл алуучуга, тактап айтканда, жашыруун жайларга коюп кетүү болуп саналат. Бул кызмат "Телеграмм" жана Hydro сайты аркылуу жүргүзүлөт.

Ал эми расмий курьерлик кызмат: жумуш берүүчүдөн буюмду алып, белгилүү кабыл алуучуга жеткирип берүү болуп саналат жана бул кызмат тиркеме аркылуу ачык-айкын жүргүзүлөт.

Тилекке каршы, биздин кээ бир мекендештер оңой жана тез аранын ичинде чоң акча табууну көздөп мыйзамсыз заттарды, буюмдарды ташып жатышат", — деп айтылат маалыматтарда.

Өкүлчүлүк курьерлик кызматка жамынып, баңгизатын мыйзамсыз жеткирүү менен алектенген жарандарга да кайрылып, эскертүү берген.

"Бул кооптуу ишти бир же эки жолу аткарып "мени кармаса курьермин деп кутулам же эч ким байкабаса, иштин жагдайларын билбесе кайра аткарсам болот" деген кыска түшүнүктөн алыс болуш керек! Себеби алыста үмүт артып, жол карап күткөн ата-эненин, бир туугандардын көз жашы да жардам бере албайт. Бул кылмыш үчүн Россиянын мыйзамдарында 20 жылга чейинки эркинен ажыратуу жазасы каралган. Мыйзамсыз жана өмүрүңүз үчүн кооптуу ишти жасаардан мурда терең ойлонуңуз, урматтуу мекендеш", — деп айтылат кайрылууда.

ИИМ бул кайрылуунун видео версиясын да жасап тараткан.

169
Белгилер:
баңги зат, ИИМ, Россия, Кыргызстан
Тема боюнча
Абактарга чейин тараткан. Ошто баңгизат саткан аскер кызматкери кармалды

Тегеренип тээп, жыгылганын баса калып... Түндө өткөн UFC турниринин видеосу

175
(жаңыланган 15:59 28.02.2021)
Кечээ Абсолюттук мушкерлер уюмунун кезектеги беттеши өтүп, кеченин башкы беттешинде франциялык Сирил Ган суринамдык Жаирзиньо Розенструйкту утту.

Лас-Вегаста өткөн UFC Fight Night 186 мелдешинин кызыктуу учурлары UFC Russia YouTube каналына жүктөлдү.

Оор салмактагы мушкерлер Ган менен Розенструйк беттештин убактысы бүткүчө кармашып, аягында калыстар жеңишти франциялык спортчуга ыйгарган. Спорт күйөрмандары суринамдык мушкер мурдагыдай нокауттарын көрсөтө алган жок деп сындашкан.

Турнирдин дагы бир маанилүү кармашында россиялык Магомед Анкалаев украиналык Никита Крыловду калыстардын бирдей чечими менен жеңген.

175
Белгилер:
мушкер, видео, беттешүү, турнир, UFC
Тема боюнча
Шевченконун баш оорусу болом. Чемпиондун жаңы атаандашы тууралуу эмне белгилүү
Эсинен тандыра уруп... UFC мелдешинен алынган бир нече учурдун видеосу
Кыргызстандын президенти Садыр Жапаров Казинформ агенттигине берген маек учурунда

Жапаров: бала кезде Брежневдей болом деп кыялданчумун

0
(жаңыланган 16:02 01.03.2021)
Мамлекет башчы мурдатан эле президент болуу максаты бар экенин, бирок качан ишке ашарын билбегенин ачык айткан.

БИШКЕК, 1-мар. — Sputnik. Бала кезде СССРдин башчысы Леонид Брежневдей болууну кыялдангам. Бул туурасында президент Садыр Жапаров Казакстандын "Казинформ" маалымат агенттигине берген маегинде билдирди.

Сөз башында эле журналист мамлекет жетекчисинен "жарым жыл мурун кыргыз элин башкарам деп ойлодуңуз беле?" деген суроо узаткан.

"Жарым жыл мурун эле эмес, эгер чынын айтсам, ата-энем КПССтин съездин көрөт эле. Бир тууган эжем Жогорку Кеңешке депутат болчу, КПССтин съезди болгон сайын Москвага кетчү. 4-5-класста болсо керек, мен дагы ата-энеме кошулуп кызыгып телевизор көрөр элем. Брежнев сүйлөп жатса, мен дагы брежнавдей болом дечүмүн. Ичимде ушундай кыялым болгон", — деп жооп берди ал.

Ошондой эле ал мурдатан эле президент болуу максаты бар экенин, бирок качан ишке ашарын билбегенин кошумчалаган. Мындан тышкары, кан төгүүгө жол бербей, тынчтыкты сактап калганына сүйүнөрүн билдирген.

0
Белгилер:
Леонид Брежнев, кыял, президент, Садыр Жапаров
Тема:
Жапаровдун Казакстанга болгон иш сапары
Тема боюнча
Садыр Жапаров Казакстандан кийин Кытай, Түркияга иш сапар менен барат
Жапаров үй-бүлөсүнүн Кытай менен эмне байланышы бар экенин айтып берди