Шашпайт го. Бишкек сотун жойлоп, эшиктерин күч менен ачып жүргөн кишинин видеосу
(жаңыланган 13:46 13.02.2021)
Борбордогу криминалдык милициянын кызматкерлери имараттарга кирип, уурулук кылган деп шектелген адамды кармады. Бул тууралуу Бишкек шаардык милициясынан кабарлашты.Шектүүнүн видеосу тарап, анда кызыл кепкачан киши шашпай имаратты кыдырып, ачык кабинетке кирип, бек турган эшиктердин кулпусун атайын жабдуу менен күч колдонуп ачып жаткандыгын көрүүгө болот. Кадрга анын анда-мында эки жакты абай салып карап коюп жаткандыгы да түшүп калган.
Биринчи май райондук милициясына шаардык соттон 9-февралдан 10уна караган түнү белгисиз бирөөлөр Бишкек шаардык сотунун имаратындагы судьялардын бир нече кабинеттеринин эшигин ачып киргендигин айтып арыз менен кайрылышкан. Алар 2, 3 жана 4-кабатты "жойлоп", андан соң из жашыргандыгы айтылган.
©
YouTube / ГСБЭП при Правительстве Кыргызской Республики
Маалыматта учурда келтирилген чыгымдын көлөмү такталып жатканы айтылган.
Милиция издөө иштерин жүргүзүп, Ош шаарынан 30 жаштагы шектүүнү кармап, тергөөгө алып келген. Учурда ал Бишкек шаарындагы убактылуу кармоо жайында отурат.
Милиция ал жарандын башка кылмыштарга да тиешеси бары-жогу такталып жаткандыгын билдирди.
Белгилер:
Алдына 4 "чычкан" чогултуп. Референдум дайындоого добуш берген депутаттардын видеосу
Алгач Дастан Бекешев жок депутаттардын ноутбугун өчүрүүнү талап кылды, бирок андай болгон жок. Аңгыча эле Самат Исманов алдына төрт ноутбуктун "мышкасын" чогултуп жатканы көзгө урунду. Аны менен катар Акылбек Жапаров дагы төрт депутат үчүн добуш берди. Натыйжада 87 макул, 9 каршы добуш менен демилге колдоо тапты. Баса, УКМКнын тергөө абагында жаткан депутат Дүйшөн Төрөкулов да "макул" деген добуш бергени айкын болду. Анын ордуна ким кнопка басканы белгисиз.
Долбоор экинчи-үчүнчү окуудан дагы колдоо тапса, президентке жөнөтүлөт. Ал кол койгондон кийин жалпы элдик добуш берүү дайындалат. Референдумду жергиликтүү кеңештердин шайлоосу менен кошо 11-апрелде өткөрүү сунушталууда.
Жерде, түрмөдө жаткан депутаттар кантип кол койду? Момбековдун ачууланган видеосу
Депутат Рыскелди Момбеков демилгечи катары документке 1-мартта кол койду делген депутаттардын арасында 28-февралда көз жумган Алмасбек Акматов, тергөө абагында отурган Кубанычбек Жумалиев дагы бар экенине таң калды.
"Долбоор 1-мартта киргизилиптир. Урматтуу төрага, айтып коюңузчу, Алмасбек Акматов кечээ эле жерге берилди го, өлүп калган кишини кантип кол койдурдуңар. Кубанычбек Жумалиев түрмөдө отурат, ал кантип кол койду? Анан демилгечи 80 депутат болушу керек, бул жерде автор катары 60 гана депутат турат", — деди Момбеков.
Андан соң төрага Талант Мамытов юридикалык жол-жобосу бар экенин айтып, бирок аларды тактаган жок.
Бейшембиге карата аба ырайы
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.
Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.
Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.
Белгилер: