Колун толгоп, сулата чаап... UFC 258 турниринин бүйүр кызыткан учурлары видеодо
(жаңыланган 18:14 14.02.2021)
Лас-Вегаста UFC 258 турнири өтүп, башкы мелдеште орто салмактагы чемпион Камару Усман бразилиялык Гилберт Бернсти мөөнөтүнөн мурда нокаут менен жеңди.Биринчи раундда нигериялык спортчуда бир аз көйгөй жаралып, ал Бернстен бир нече ирет башка сокку жеген. Бирок акырындык менен өзүн колго алып, акыры үчүнчү раундда ал атаандашын техникалык нокаутка кетирди.
Андан кийинки башкы мелдеште кыздар беттешкен. Анда америкалык Мэйси Барбер мексикалык Алекса Грассого утулуп калды. Комментаторлордун айтымында, кыздар катуу тирешкен.
Турнирде кызыктуу беттеш Келвин Гастелум менен Йен Хейниш ортосунда да болгон. Мелдештин соңунда калыстардын чечими менен Гастелум жеңүүчү болгон.
— Drafts 3.7 (@3Drafts) February 14, 2021
UFC 258 турниринде нокаут менен Усман менен Бернстин кармашы гана аяктаган.
Мындан башка дагы үч мелдеш мөөнөтүнөн мурун аяктаган. Алсак, Жулиан Маркез Маки Питолону үчүнчү раундда муунтуу ыкмасы менен утса, Энтони Эрнандес экинчи раундда Родолфо Виейрени толгоп жеңишке жеткен. Ал эми Полиана Виана биринчи раундда Маллори Мартиндин чыканагын кайруу ыкмасын колдонуп утуп алган.
Баасы 2 млн. сомду чапчыйт. Депутаттардын колундагы кымбат сааттардын видеосу
(жаңыланган 20:42 26.02.2021)
Жогорку Кеңештин депутаттары кандай саат тагынарына кызыгып жаткан болсоңуз, ушул видеодон тааныша аласыз. Sputnik Кыргызстан эл өкүлдөрүн сүрөткө тартып, алардыкына окшош сааттардын баасын билип көрдү.Биздин кадрга түшкөн 10 депутаттын ичинен эң эле кымбат саат Марлен Маматалиевдики деп атоого болот. Андай сааттардын баасы интернет дүкөнүндө 2,2 миллион сом деп жазылган. Андан кийинки сапта Аккулу Бердиев менен жакында эле депутаттык мандатын тапшырып кеткен Искендер Гайпкулов турат. Ал эми эң арзаны Асел Кодурановага таандык. Аныкына окшогон сааттарды 10 300 сомго сатып алса болот.
Спикер Мамытов: Ак үйдү 19 млн. сом менен оңдодук, мурда 300 млн. кеткен. Видео
Анын айтымында, буга кеткен каражат дагы бюджеттен алынбай, депутаттар өз чөнтөгүнөн чыгарган.
Октябрь айындагы башаламандык учурунда талкаланган ЖКнын имаратын оңдоп-түзөөгө эл өкүлдөрү айлык акысынан 9 миллион сом которушкан. Андан кийин дагы чогултуп, парламенттин аппаратынын ишин камсыздоо үчүн керектелүүчү техника сатып алышкан.
"2010-жылы Ак үйдү оңдоп-түзөө иштерине 120 миллион, техникалык жабдууга жана эмеректерге 180 миллион сом жумшалган. Жалпы 300 миллион коротулуп жатат. Бул каражаттын бардыгы мамлекеттин эсебинен алынган. Ал эми октябрь окуясында талкаланган имаратты калыбына келтирүү үчүн 19 миллион сомдон ашуун гана каражат кетти. Кээ бир депутаттарга чоң кабинеттерди берип, "сиздин мүмкүнчүлүгүңүз бар, өзүңүз отуруп оңдоп алыңыз" дедик", — деди Мамытов.
Төрага мындан сырткары дагы техника алуу үчүн 10 миллион сомдой керектелерин айтып, ал бюджеттен бөлүнүшү мүмкүндүгүн белгиледи.
Башкы прокуратура ишкерлер үчүн күнү-түнү жооп берген ишеним номерлерин жарыялады
(жаңыланган 22:35 26.02.2021)
Ишеним телефону жеке ишкердик субъектилеринин ишине укук коргоо, фискалдык жана контролдоочу органдардын негизсиз кийлигишүүсү, ошондой эле менчик ээлеринин укуктарынын бузулуусу боюнча кайрылууларды кабыл алары маалым болду.БИШКЕК, 26-фев. — Sputnik. Башкы прокуратура ишкерлер үчүн күнү-түнү жооп бере турган ишеним телефон номерлерин жарыялады. Бул тууралуу аталган мекеменин маалымат кызматы кабарлады.
"Мамлекет башчы Садыр Жапаровдун "Менчикти коргоо жана ишкерлер менен инвесторлорду колдоо жөнүндөгү" жарлыгын аткаруу максатында ишеним телефону иштеп баштады", — деп айтылат маалыматта.
Эми ишкерлер күнү-түнү (0312) 88-90-33 номерине чала алышат.
Ишеним телефону жеке ишкердик субъектилеринин, чакан бизнестин ишине укук коргоо, фискалдык жана контролдоочу органдардын негизсиз кийлигишүүсү, ошондой эле менчик ээлеринин укуктарынын бузулуусу боюнча кайрылууларды кабыл алары маалым болду.
Белгилер: