АКШ жаңылды: Новак "Түндүк агым 2" дээрлик даяр болуп калганын айтты

222
(жаңыланган 16:30 16.02.2021)
АКШ жаңылып алды. Вашингтондун санкциясына карабай "Түндүк агым – 2нин" 95 пайыздан ашыгы даяр. Долбоордун бүтө жаздап бара жатканы боюнча мындай бааны Россиянын вице-премьери Александр Новак билдирди.

Анын айтымына караганда, газ кууру кандай болгон күндө да иштеп кетет, себеби долбоордун катышуучулары буга кызыкдар.

"Түндүк агым – 2" газ куурунун эки тармагынын Россиядан Германия Балтика деңизи аркылуу өтүшүн шарттайт. Алардын кубаттуулугу жылына 55 миллиард куб метр газ. Долбоорго россиялык "Газпром" жана европалык бир катар компаниялар катышууда. АКШ "Түндүк агым – 2" башталгандан тарта ага караманча каршы чыгып келет. Эмне үчүн Вашингтон газ куурунун курулушун үзгүлтүккө учураткысы келгендиги боюнча Новактын айткан пикирин биздин видеодон билсеңиз болот.

222
Белгилер:
Түндүк агым - 2, Балтика, Германия, АКШ, Россия
Тема боюнча
Соңку аракет: АКШ кайрадан "Түндүк агым-2" долбоорун "эрмектөөдө"

Сумкасын жула качкан ууруну кубалап жетип, күрөшүп, айласын кетирген аял. Видео

380
(жаңыланган 12:11 28.02.2021)
Австралияда улгайып калган аял колунан сумкасын жула качкан ууруну кубалап жетип, оокатын кайра тартып алган. Шектүү менен аялдын сумка талашкан жери видеокөзөмөл камерасына түшүп калган.

ABC 7 телеканалы билдиргендей, окуя бир нече күн мурда Австралиянын Квинсленд штатында болгон. Улгайган аял "Пимпама" барында туулган күнүн өткөрүп жаткан учурда ал отурган столго белгисиз эркек киши келип, сумкасын алып качып кеткенге аракет кылган.

Видеодо көрүнүп тургандай, шектүү сумка менен из жашырып кетүүгө аракеттенген. Бирок буюмдун ээси аны автоунаалар токтогон жерге чейин кубалап келип, кишини желкеден алып жерге кулаткан. Сумка талашып жатып уурунун үстүндөгү кийими да чечилип кеткен. Жыйынтыгында аял сумкасын алып, белгисиз кишини бут кийим менен да чаап жетишкен.

Журналисттер менен баарлашуу учурунда аял каракчынын артынан кубалап барып, аны менен мушташуу жакшы чечим болбогонун айткан. Анткени денеси жаракат алган.

"Шектүүнүн артынан чуркап бара жатканда эмне тууралуу ойлонгонумду деле билбейм", — деген ал.

Аталган окуядан кийин шектүү автоунаасы менен из жашырып кеткен. Бирок көп өтпөй анын полициянын колуна түшкөнү айтылды.

380
Белгилер:
видео, сумка, тоноо, уурулук, аял, Австралия
Тема боюнча
UFC президенти ууру менен мушташа кеткен сатуучу аялга иш сунуштады. Видео

Пашиняндын "Искандерлер" боюнча айтканы элди экиге бөлгөндө. Россия эмне деди

229
(жаңыланган 18:40 27.02.2021)
Армения оппозициясы көшөрүп өлкөнүн премьер-министри Никол Пашиняндын отставкасын талап кылууда.

Эки күндөн бери Еревандагы "Эркиндик" аянтында чатырлар тигилип турат: нааразылыкка чыккандар парламенттин имаратынын алдына түнөштү. Азыркы бийликтин саясатына ичи чыкпагандардын нааразылык толкуну Пашиняндын россиялык "Искандерлер" боюнча айтканынан соң күчөп, чегине жетти. Ыкчам-тактикалык комплекстер боюнча сөз армян коомчулугун эмне үчүн экиге бөлдү? Тоолуу Карабахта негизи "Искандерлер" колдонулду беле?

229
Белгилер:
Никол Пашинян, нааразычылык, ракета, Армения
Тема боюнча
Тоолуу Карабах: Пашинян "Искандерден" неге шектенди?
Спорт аренасы. Архив

"Ура!" дейсиң деп... Дагестандагы мелдеште массалык мушташ чыкты. Видео

0
Эгер чатакташкандардын арасында спортчулар менен машыктыруучулар бар экени далилденип калса, катуу чара көрүлөрү айтылды.

БИШКЕК, 28-фев. — Sputnik. Дагестандын Каспийск шаарында дзюдо боюнча уландар арасындагы Түндүк-Кавказ федералдык округунун чемпионатында массалык мушташ чыгып кетти. Бул тууралуу РЕН ТВ билдирди.

Окуянын видеосу "Пул №3" Telegram каналына жарыяланды.

"Мушташ спортчулар 10 мүнөттөн ашык кармашкандан кийин башталды. Дагенстандык күйөрмандардын бири колун булгалап, "Ура!" деп кыйкырып жибергени осетиялык көрүүчүлөргө жакпай калганын айтышты. Мушташкандардын арасында спортчулар да бар экенин угуп жатам", — деди РФтин эмгек сиңирген машыктыруучусу Хабиб Магомедов.

Анын айтымында, эгер чатакташкандардын арасында спортчулар менен машыктыруучулар бар экени далилденип калса, катуу чаралар көрүлөт. Магомедов деги эле мындай окуянын болушун сынга алган.

"Минтип отурсак эч ким медаль албайт. Ушундай көрүнүштөрдүн айынан атлеттер менен машыктыруучулар убактылуу спорттон четтетилиши ыктымал", — деген ал.

Массалык мушташтан жабыркагандар катталган эмес.

0
Белгилер:
дзюдо, видео, мушташ, Дагестан, Россия
Тема боюнча
Мушкер атаандашына кол салып, мушташ чыгарып жиберди. Видео