Эми башка Жамал жаралбайт. Элдин Сейдакматова менен коштошкон видеосу

321
(жаңыланган 17:55 17.02.2021)
16-февралда кыргыз коомчулугу атактуу актриса, Кыргыз Республикасынын эл артисти, Токтогул атындагы мамлекеттик сыйлыктын лауреаты Жамал Сейдакматова менен коштошуп, акыркы жайына узатты.

Таланттуу искусство чебери Бишкек шаарындагы "Ала-Арча" көрүстөнүндө жерге берилди. Ага бийлик өкүлдөрү, коомчулук, артисттин чыгармачылыгын урматтаган көрөрмандары келди.

Тажия учурунда Жамал Сейдакматованын чыгармачылык жолу туурасында кенен эскеришип, анын кыргыздын театр жана кино өнөрүнө сиңирген эмгегин белгилешти.

Драматург, Кыргыз эл жазуучусу, Түрк кеңешинин башкы катчысынын орун басары Султан Раев кыргыз коому Сейдакматова менен бирге кыргыз маданиятынын өзгөчө тарыхын узатып жаткандыгын айтты.

"Жамал эже — кыргыз улуттук театр өнөрүнүн туу чокусунун акыркы могикандарынын бири. Биз бүгүн Жамал эжени узатып жатып, аны менен кошо өзгөчө бир доорду, мезгилди, кыргыз маданиятынын өзгөчө тарыхын узатып жатабыз", — деди Раев.

Белгилүү драматург, Кыргыз эл жазуучусу Бексултан Жакиев анын кыргыз маданиятындагы ордун белгиледи.

"Жамал өзүнүн жашоосунда демилгелүү, изденген мыкты актриса болчу. Бирок арабыздан кетти... Жамалдай таланттуу кыздар, таланттуу уулдар кыргыз энелери аман турганда дагы жаралат. Бирок Жамал Сейдакматова бирөө бойдон калат", — деди Жакиев.

Sputnik кабарчысы бейит башында Жамал Сейдакматованын небереси Амир Шалтаевди кепке тартып, улуу актриса акыркы ирет эмнелер туурасында кеп кылгандыгын сурады.

"Силерди аябай жакшы көрөм, дайыма туура жолдо жүргүлө" деп насааттарын айтып жүрчү", — деди небереси.

Амир Шалтаев чоң энеси анын колунан узагандыгын айтып берди.

"Уктап жаткан кезинде эле тынч узап кетти. Беш-алты жолу чакырган, барып бирдемелерин оңдоп берип, мен да уйкуга кирип баратканда деми чыкпай калганын сездим. Барып тамырын кармасам какпай калыптыр. Ошондо түшүндүм...", – деди ал.

Таланттуу актриса 82ге чыкканы менен өмүрүнүн акыркы жылдары өзүнүн "Тунгуч" театрын иштетип, жаш муундарды актердук кесиптин чеберчилигине тарбиялоону аркалап келе жаткан.

321
Белгилер:
зыйнат, Султан Раев, Бексултан Жакиев, Жамал Сейдакматова, Кыргызстан
Тема:
КР эл артисти Жамал Сейдакматова дүйнө салды (10)
Тема боюнча
Дүйнөлүк театр искусствосунун улуу актрисасы. Сейдакматовага жазылган некролог
Алтынайдан Курманжан даткага чейинки жол. Жамал Сейдакматованын кинодо калган элеси

COVID-19 чегинүүдө: КМШ өлкөлөрүндө жаңыдан жугузгандар азайып жатат

22
(жаңыланган 12:41 02.03.2021)
Роспотребнадзор коронавирус чегинип, аймакта кырдаал акырындап турукташып келе жатканын кабарлады.

Ийгиликти тестирлөө да, социалдык аралык да, вакцинация да камсыздап жатат. Эмдөөсүз жамааттык иммунитетке жетишүү мүмкүнбү? "Спутник V" препаратынын жеңилдетилген версиясы качан даяр болот? COVID-19дан түп-орду менен кутула алабызбы? Суроолорго жоопту биздин видеодон ала аласыз.

22
Белгилер:
КМШ, эмдөө, пандемия, коронавирус, вакцина
Тема:
Дүйнөгө жайылган коронавирус
Тема боюнча
Европага "саясий жактан ыңгайсыз вакцина" кире алабы? Күнгөй-тескейи
Жер жашоочуларынын 10%ында гана COVID-19га каршы антитело бар

Ирандан алып келинген жарым миллиондой таңгак тамеки аныкталды. Видео

100
(жаңыланган 11:04 02.03.2021)
Финансы полициясынын алдын ала эсеби боюнча, ташып келинген тамекинин акциздик салыгы 20,7 миллион сомду түзмөк.

Кыргызстанга акциздик белгиси жок 500 миң таңгактан ашык тамеки ташылып келгенин Экономикалык кылмыштарга каршы күрөшүү кызматы билдирди.

"Ирандан тамеки өнүмдөрүн Кыргызстандын жараны А.Н. деген адамдын аты менен алып келишкен. Бул жаран эч кандай экономикалык ишмердүүлүк менен алектенбейт, салык органдарында каттоодон өткөн эмес. Аткезчилик жол менен алып келинген тамекинин саны 500 миң таңгактан ашат", — деп айтылат маалыматта.

Финансы полициясынын алдын ала эсептөөсү боюнча, ташып келинген чылымдын акциздик салыгы 20,7 миллион сомду түзмөк.

Чогултулган материалдар юридикалык баа берүү үчүн ЭККККнын тергөө башкармалыгына өткөрүлгөн.

100
Белгилер:
салык, тамеки, финансы полициясы, Иран, Кыргызстан
Тема боюнча
Финпол салыктан качкан Beeline компаниясынан 112 млн. сом өндүрдү
Финпол биологиялык активдүү кошулма жасаган цехке кирип барды. Тинтүүнүн видеосу
Кримтөбөл Камчы Көлбаев. Архив

Камчы Көлбаев бир шарт менен абактан бошотулду

0
(жаңыланган 17:53 02.03.2021)
Көлбаев өткөн жылдын октябрь айында кармалып, УКМКнын тергөө абагына киргизилген. Кийин ден соолугуна байланыштуу колонияга которулган. Жакында эле райондук сот анын камактагы мөөнөтүн узарткан болчу.

БИШКЕК, 2-мар. — Sputnik. Кримтөбөл Камчы Көлбаев эч жакка кетпөө тил каты менен абактан бошотулду. Маалыматты Sputnik Кыргызстан агенттигине Бишкек шаардык сотунун басма сөз катчысы Айсулуу Жаасынова тастыктады.

Анын айтымында, кримтөбөлдүн баш коргоо чарасын өзгөртүү боюнча соттук отурум бүгүн, 2-мартта, болгон.

Бишкектин Биринчи май райондук соту 24-мартта Көлбаевдин баш коргоо чарасын карап, анын камактагы мөөнөтүн 22-мартка чейин узарткан.

Көлбаев 22-октябрда Бишкектеги спорттук клубдардын биринде кармалган. УКМКнын маалыматы боюнча, кримтөбөл уюшкан кылмыштуу топтордун ишмердүүлүгүн аныктоо жана бөгөт коюу боюнча иш-чаралардын алкагында алынган маалыматтын негизинде колго түшүрүлгөн. Материалдар Кылмыш кодексинин 249-беренеси ("Кылмыштуу топ түзүү же ага катышуу") боюнча катталган.

24-октябрда Биринчи май райондук сотунун чечими менен Көлбаев тергөө бүткөнгө чейин камакка алынып, УКМКнын убактылуу кармоо жайына киргизилген. Кийин Бишкек шаардык сотуна апелляциялык арыз түшүп, бирок аны жактоочулар кайра артка кайтарып алышкан.

Ноябрь айынын аягында Көлбаев ден соолугуна байланыштуу №47 колонияга которулуп, ошондон бери аталган абакта кармалып келген эле.

0
Белгилер:
Камчы Көлбаев, кримавторитет, сот, абак, бошотуу
Тема:
Камчы Көлбаевдин кармалышы
Тема боюнча
Баңгизат лабораториясын иштеткен адвокаттын жоругу. Февралдагы соттук чечимдер
Ирандан алып келинген жарым миллиондой таңгак тамеки аныкталды. Видео