Жаалданган уй ооруканага кирип келип, элди сүзгүлөгөн видео. Колумбиядагы окуя

293
(жаңыланган 11:08 19.02.2021)
Колумбияда жаалданган уй ооруканага кирип кетип, ал жерде дарыгерге көрүнүү үчүн кезекте отургандарды сүзгүлөп кирген.

RT окуя Сан-Луис муниципалитетиндеги Сан-Рафаэль шаарында болгондугун билдирди.

Видедон жаныбар имараттын ичине капыстан кирип келип, агрессия менен ошол жерде отургандарды тебелеп, бурчка такап алып сүзгүлөп баштагандыгын көрүүгө болот. Ал жердегилер ар жакка качып кутулганы менен алардын арасынан бир аял "тутулуп" калган.

Жаныбарды мүйүзүнө байлаган жип менен эшиктен чуркап кирип келгендер тарткылап, андан соң уйдун тайгаланып, бирок ошентсе да жаалы кайтпай, бурчтагыларга кайра жөнөгөн.

Эркек кишилер улам качып чыгып, кайра кирип жатып, акыры уйду эшикке алып чыгышкан. Жаныбар көчөгө чыккан соң да ал жерде тургандарды кууп жөнөгөндүгү акыркы кадрларга түшүп калган.

Бактыга жараша, уйдун "каарына калган" аял жеңил жаракат менен кутулган. Маалыматта медиктердин ага жардам көрсөткөндүгү айтылат.

293
Белгилер:
оорукана, агрессия, уй, Колумбия
Тема боюнча
Жаалданган бука матадор аялдын баш сөөгүн сындыра сүзгөн видео
Каарданган бука топ адамды тебелеп кетти. Индиядагы жүрөк түшүргөн видео

Путин менен Жапаровдун жолугушуусунун толук видеосу

88
(жаңыланган 23:24 24.02.2021)
Садыр Жапаров президент болуп шайлангандан кийин биринчи ирет чет жакка иш сапары менен барган мамлекет Россия Федерациясы болуп калды. Бүгүн, 24-февралда, Жапаров Москва шаарында Россия лидери Владимир Путин менен жолукту.

Анда Россия президенти COVID-19га байланыштуу чектөөлөр жана татаалдыктарга карабай Жапаров менен көзмө-көз көрүшкөндүгүнө кубангандыгын билдирди.

Кыргызстан президентинин маалымат кызматы Садыр Жапаров менен Россия лидери Владимир Путиндин жолуккан видеосун таратты.

Мамлекет башчылар эки тараптуу кызматташуунун маанилүү деген багыттарын, бардык маселелер боюнча биргелешкен өз ара иш алып баруунун келечегин талкуулашкан.

88
Белгилер:
видео, иш сапар, жолугушуу, Садыр Жапаров, Владимир Путин, Россия, Кыргызстан
Тема:
Садыр Жапаровдун Россияга сапары
Тема боюнча
Путин: Россия Кыргызстанга мындан ары да колдоо көрсөтөт
Кызматташууну бекемдейбиз. Жапаров Путин менен жолукканда эмне деди

Чуркап, жаңылып, кайра-кайра добуш берген депутаттар. Парламент жыйынынан видео

410
Жогорку Кеңештин депутаттары электрондук түрдө добуш бере баштады. Октябрдан бери ноутбугу жок иштеген эл өкүлдөрү сүрдөдүбү, айтор, жыйынды алып барган вице-спикер Нурбек Сыдыгалиев да добуш берүүнү унутуп калды.

Мындан башка себептер менен кайра-кайра добуш берүүгө аргасыз болушту. Жаңы ноутбуктар коюлары менен бирөөнүн ордуна добуш берүү ыкмасы кайра жанданды. Кээ бир парламентарийлер үч-төрт кесиптеши үчүн добуш бергенин көрүүгө болот. Ал эми ортодо турган Урмат Самаев тогуз депутаттын ордуна кнопка басып жатты. Бул учурду Sputnik Кыргызстандын кабарчысы видеого тартып алган.

Октябрь айындагы башаламандыктан Жогорку Кеңештин имараты талкаланып, жыйындар залындагы техникалар таланып-тонолгон. Кайра ноутбук сатып алынып, өткөн жумада электрондук түрдө добуш берүү системасы кошулган.

410
Белгилер:
жыйын, депутат, добуш берүү, парламент
Тема боюнча
"Кумтөрдү" Акылбек Жапаров жетектеген мамлекеттик комиссия текшермей болду
Мандатын алып коёт. Жаңы Конституцияда ЖК депутаттарынын укугу кандай өзгөрөт
Жолдогу жүк ташуучу унаа. Архив

Таңкы 6га чейин жабылды. Өлкөдөгү эки ири жолго чектөө киргизилди

0
(жаңыланган 00:53 25.02.2021)
Жолду көчкү кооптуулугунан улам жабууга Жарандык коргонуу башчысы-премьер министр бүгүн буйрук берген.

БИШКЕК, 25-фев. — Sputnik. Бишкек — Ош жолунда кар көчкү түшүү коркунучу бар болгондуктан Жайыл, Токтогул райондорундагы жана Суусамыр — Талас — Тараз унаа жолунун Талды-Булак айылындагы посттор 25-февраль таңкы саат 06:00гө чейин убактылуу жабылды. Бул тууралуу ӨКМдин маалымат кызматынан кабарлашты.

Бул премьер-министрдин буйругунун негизинде болгон.

"Бишкек — Ош жолунда кар көчкү түшүү коркунучу болгондуктан Жайыл районунун Сосновка, Токтогул районунун Арал постторунда жана  Суусамыр — Талас — Тараз жолунун Талды-Булак айылындагы постунда автоунаалардын бардык түрүнө таңкы саат 06:00гө чейин убактылуу чектөө киргизилди", — деп кабарлаган ӨКМ.

Эске салсак, Бишкек — Ош жолунун 132-чакырымында көлөмү болжол менен 1800 м3 кар көчкү түшкөндүктөн учурда жол жабылган.

0
Белгилер:
көчкү, Бишкек - Ош жолу, Жайыл району, Токтогул району, Кыргызстан
Тема боюнча
Көчкү түшүп, Бишкек — Ош жолу убактылуу жабылды