Кыргызстандык Агата гимнастика "назик" спорт эместигин көрсөттү. Видео
(жаңыланган 22:24 23.02.2021)
Адатта көркөм гимнастика дегенде тасма менен шарикти ыргытып, ийилип-чоюлган сулуу кыздарды элестетишет. Эл аралык класстагы спорт чебери болгон Агата Быковская гимнастикада дагы дене-баш көгөрүп ооруп, сөөктөргө күч келерин айтып берди.Агата Быковская Кыргызстандын үч жолку чемпиону аталып, эл аралык турнирлерде байгелүү орундарга ээ болгон.
Жакында эле Жаштар иши, дене тарбия жана спорт агенттиги бир катар атлетке наамдарды тапшырып, Быковскаяга эл аралык класстагы спорт чебери наамы ыйгарылды.
"Кыргызстанда мындай наамды алган алгачкы гимнаст кызмын, бул, албетте, беделдүү нерсе. Бардыгы эле мындай ийгиликке жете бербейт", — деди спортчу кыз.
Агата Быковская 200дөн ашык чемпионатка катышкан. Учурда дагы башка мелдештерге даярданып, күнүнө үч сааттан машыгууда. Ошондой эле жаш спортчуларга чеберчилигин үйрөтүү менен алек.
Чарт жарылган муздар асманды көздөй атылып. Сестенткен видео
(жаңыланган 21:53 07.03.2021)
Тыптынч жаткан дарыянын бетиндеги муздардын чарт этип катуу үн чыгара жарылып, андан соң асманга ылай аралашкан суу менен кошо атылганы жай турган кишини катуу чочуткудай. Көргөн кишини кайдыгер калтырбаган видео Москва облусунда тартылган.Россиянын Коргоо министрлиги Москва облусундагы Иневка дарыясына тоңгон муздарды жардырганын RT маалымдады.
©
Sputnik / Александр Кряжев/Владимир Сергеев
Аскердик инженерлер музду оюп, жардыргыч заттарды суунун алдына коюп жаткандыгын видеодон көрүүгө болот. Маалыматта аталган иштер кылдаттыкты жана так эсептөөлөрдү талап кылары жазылган.
Адистер туурасы бир чакырым болгон дарыянын нугун муздан арылтуу үчүн 200 кг жардыргыч заттарды пайдаланган.
Белгилер:
Тегеренип тээп, намысын бербей кармашып... Соңку UFC турниринен кызыктуу видео
(жаңыланган 16:57 07.03.2021)
UFC уюмунун кезектеги турниринде айрым мушкерлер күтүүсүз жерден чемпион аталса, кээ бири карьерасында биринчи жолу жеңилүү ызасын тартып, дагы бири ишенимдүү түрдө утту.Эл көптөн күткөн Лас-Вегастагы UFC 259 турнири жыйынтыкталды. Кеченин башкы беттешинде польшалык Ян Блахович жаңы зеландиялык Исраэль Адесаньяны утуп, наамын коргоп калды. Адесанья биринчи жолу утулду (20:1).
©
Sputnik / Алексей Даничев
UFC чемпиону Петр Ян наамын коргогон кармашта атаандашына тыюу салынган соккуну колдонгону үчүн беттештен четтетилип, ордуна америкалык Алджамейн Стерлинг чемпион болду.
Спорттук кечедеги дагы башка кызыктуу учурларды видеодон көрүңүз.
Кыргызстандык жеңил атлетчилер Беларуста бир нече медаль алышты
(жаңыланган 00:16 08.03.2021)
Аталган спорттук иш-чарада кыргызстандык спортчулар баш-аягы эки алтын, бир күмүш жана үч коло медаль алышты.БИШКЕК, 8-мар. — Sputnik. Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды. Бул тууралуу КРдин Жеңил атлетика федерациясынан билдиришти.
©
Фото / пресс-служба федерации легкая атлетика КР
Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды
Дагы бир жөө күлүк Калыс Таштанов 1500 метр аралыкта марага биринчи жетип алтын, 800 метр аралыкта үчүнчү келип коло медалды байге куржунуна салган.
Аталган спорттук иш-чарада кыргызстандык спортчулар жалпы эки алтын, бир күмүш жана үч коло медаль алышты.