Кыргызстандыктан жеңилгенин моюндаган чечен мушкери алкоого татыды. Видео

(жаңыланган 11:41 25.02.2021)
Мелдештин жүрүшүн алып барган комментаторлор да кыргыз мушкери толук артыкчылык кылганын белгилешип, жеңүүчү расмий жарыялана электе эле аны куттукташкан.

Чечен мушкери Шадид Абдуразаковдун кыргызстандык Адилет Нурматов менен беттеште жеңилгенин мойнуна алган адилеттүү кадамы ММА коомчулугунда алкоого татыды. Бул тууралуу көптөгөн спорттук пабликтер жазып чыгып, видеолорун жарыялашты.

Окуя ACA Young Еagles Гран-при мелдешинин жарым жеңил салмагынын 8/1 финалында болгон. Беттеште кыргызстандык мушкер толук үстөмдүк көрсөткөн. Кармаштын аягында калыстардын бир добуштан чыгарган чечимине ылайык, Шадид Абдуразаков жеңүүчү деп жарыяланган.

Өзүнүн пайдасына чыккан чечимге чечен мушкери макул эместигин билдирген. Ал беттештин калысы колун көтөрүүгө аракет кылып жатканда колун артка тартып кеткен. Абдуразаков муну менен эле чектелбей, чыныгы жеңүүчү атаандашы экенин колу менен көрсөткөн. Анын мындай кадамы ММА чөйрөсүндө өзгөчө алкоого алынып, социалдык тармактарда күйөрмандардын ыраазычылыгын жараткан. Видеолорго "чечен мушкеринин татыктуу кадамы!", "Чечен спортчусуна урмат-сый!", "Чыныгы эркек!" деген көптөгөн комментарийлер айтылган.

Посмотреть эту публикацию в Instagram

Публикация от MMA KYRGYZ (@mma_kyrgyz)

Мелдештин жүрүшүн алып барган комментаторлор да кыргыз мушкери толук артыкчылык кылганын белгилешип, жеңүүчү расмий жарыялана электе эле аны куттукташкан.

Деген менен уюштуруучулар чечимин өзгөртүп, кыргызстандык мушкер Адилет Нурматовду жеңүүчү деп атады.

Нурматов промоушендин Гран-при мелдешинин чейрек финалына чыкты. Кийинки этаптагы таймаштар качан болору азырынча айтыла элек.

Белгилер:
чечим, калыстар тобу, мелдеш, гран-при, ACA, ММА
Тема боюнча
Жыга чапты. Мушкер Абдыкааровдун OPEN FC беттешинде уткан учурунун видеосу
Нурмагомедов менен Шевченко UFC уюмунун мыкты мушкерлери деп табылды

Болбогон жерден жем болду… Чалынып кетип арстанга кармалган эликтин видеосу

(жаңыланган 16:18 13.04.2021)
Далбас уруп арстандан качкан элик жырткычты кыйла артта калтыргандай болгон. Бирок капыстан аңга түшүп кетип жем болгону видеого түшүп калган.

Кадр Кениянын түштүк-батышындагы Масаи-Мара коругунда тартылганын National Geographic жазды. Бул жаратылыш паркы арстандары менен белгилүү. Анда бул жырткычтын саны 900гө жакын. Аңчылыкка ургаачылары гана чыгат.

Видеодон жаш арстан эликтин артынан түшүп, бирок аны кармоого кокустук гана жардам бергенин көрүүгө болот.

Белгилер:
элик, арстан, Кения
Тема боюнча
Тарбаңдап, улам жакындап. Жаалданган осьминогдун чочуткан видеосу

Бишкектеги мектепке Гагариндин бюсту коюлду. Иш-чаранын видеосу

(жаңыланган 18:55 12.04.2021)
Борбор калаадагы мектептердин бирине Юрий Гагариндин ысымы ыйгарылат. Аталган билим берүү мекемесине космонавттын бюсту коюлду, ошондой эле эстелигин да тургузуу пландалууда.

Бюст коомдук фонддордун жана шаардыктардын демилгеси менен орнотулду. Скульптура Гагарин көчөсүндөгү №25 мектептин аймагынан орун алды. Бүгүн бул билим берүү мекемесинде Космонавттар күнүнө карата көргөзмө уюштурулду.

  • В мероприятии участвовали завотделом мониторинга гуманитарного развития и взаимодействия с институтами гражданского общества аппарата президента КР Кудайберген Базарбаев, депутаты ЖК КР, посол РФ в КР Николай Удовиченко, вице-мэр Айжан Чыныбаева и представители общественных фондов Диалог Культур — Единый мир и Саякбай Манасчы.
    Борбор калаадагы мектептердин бирине Юрий Гагариндин ысымы ыйгарылат.
    © Sputnik / Жоомарт Ураимов
  • Скульптура первого космонавта Юрия Гагарина появилась на территории школы №25, находящейся на улице Гагарина в Бишкеке
    Аталган билим берүү мекемесине космонавттын бюсту коюлду, ошондой эле эстелигин да тургузуу пландалууда.
    © Sputnik / Жоомарт Ураимов
1 / 2
© Sputnik / Жоомарт Ураимов
Борбор калаадагы мектептердин бирине Юрий Гагариндин ысымы ыйгарылат.

Иш-чарага президенттик аппараттын гуманитардык өнүктүрүүгө мониторинг жүргүзүү жана жарандык коомдун институттары менен өз ара аракеттенүү бөлүмүнүн башчысы Кудайберген Базарбаев, Жогорку Кеңештин депутаттары, Россиянын КРдеги элчиси Николай Удовиченко, вице-мэр Айжан Чыныбаева жана "Диалог Культур — Единый мир", "Саякбай Манасчы" коомдук фонддору катышты.

Туура 60 жыл мурун советтик космонавт Юрий Гагарин дүйнөдө алгачкылардан болуп космоско аттанган. Анын учуу убактысы 1 саат 48 мүнөткө созулган.

Белгилер:
мектеп, бюст, эстелик, Юрий Гагарин
Тема боюнча
Адам баласынын космоско учушу. 60 жыл мурунку легендарлуу видео
Марс планетасына алгачкы тик учак кантип конду. Тарыхый сүрөттөр
Кыргызстандыктар жазгы жабыла учкан алгачкы топ жылдызды көрө алышат
Жол кырсыгынан жабыркаган унаа. Архив

Чүйдө төрт унаа кагышып, эки адам жабыркады. Кырсыктын видеосу

(жаңыланган 18:48 13.04.2021)
Жол кырсыгы Александровка айылында катталган. Жеринде ыкча тергөө  тобу иштеп жатат.

БИШКЕК, 13-апр. — Sputnik. Чүй облусунун трассасында төрт унаа кагышып, эки адам жабыркады. Бул тууралуу Чүй облустук жол кыймылы коопсуздугун камсыздоо башкармалыгынын (ЖКККБ) маалымат кызматы билдирди.

Кырсыктын видеосу "Короче" Тelegram-каналына жарыяланган. 

Каргаша Александровка айылында 15:00дөр чамасында болгон. Анда Honda Stepwgn, Ford Transit, Lexus LX470 жана Merceses-Benz үлгүсүндөгү микроавтобус кагышкан.

Натыйжада Ford үлгүсүндөгү унаанын эки жүргүнчүсү жабыркаган. Жеринде ыкчам тергөө тобу иштеп жатат.

Күбөлөрдүн айтымында, жол кырсыгынан улам Бишкекти көздөй кеткен жолдо унаа тыгыны жаралган.

Белгилер:
тыгын, унаа, жол кырсык
Тема:
2021-жылдын башынан бери Кыргызстанда болгон жол кырсыктар
Тема боюнча
Түптө жол кырсыгынан 19-20 жаштагы үч бала көз жумду. Дагы үчөө ооруканада