Жалын шыркырап агып. Исландияда тынч жаткан жанар тоонун ойгонгон видеосу

Авиация үчүн "кызыл" код киргизилген жана жанар тоонун атылышына байланыштуу Исландиядагы жалгыз эл аралык аэропорттон учкан каттамдар токтотулган.

Исландияда 800 жылдан бери уктап жаткан Фаградалсфьяль жанар тоосу атыла баштагандыгын Исландиянын Метеорология бюросунун сайты маалымдайт. Вулкандын атылышы жээктеги күзөт кызматы тарабынан тасмага тартылып алынган. Аталган видеодон көрүнүп тургандай, лава жанар тоодон эки тарапка жайылып агууда. Бул туурасында Sputnik Беларусь жазды.

Рейкьявик аймагынан 40 чакырым аралыкта жайгашкан жанар тоонун атылышы түндө башталгандыгын метеорологдор 19-мартта билдирди.

"Жанар тоонун жарылуусунда болжол менен 500-700 метр узундуктагы жарака бар. Андан аккан лава бир чакырымга чейин жайылды", — деп айтылат билдирүүдө.

Ойгонгон вулкан жайгашкан Рейкьянес жарым аралында авиакаттамдардын коопсуздугу үчүн "кызыл" код киргизилген. Исландиядагы эл аралык Кеблавик аэропортунун каттамдарынан тышкаркы бардык учууларга тыюу салынган

Белгилер:
лава, видео, Исландия, жанар тоо
Тема боюнча
Блогерлер өлкө жаратылышынын кооздугун даңазалаган челлендж баштады. Видео

УКМК синтетикалык дарыларды өндүргөн лабораторияны аныктап, шектүүнү кармады

(жаңыланган 15:15 20.04.2021)
Факты УКМК менен ИИМдин Баңгизаттарды мыйзамсыз жүгүртүүгө каршы күрөшүү кызматынын жүргүзгөн ыкчам иш-чарасынын алкагында аныкталган.

УКМК мефедрон деген синтетикалык дарыны чыгарып аны туруктуу саткан топту аныктап, жетекчисин колго түшүрдү. Бул тууралуу аталган комитеттен билдиришти.

Факт УКМК менен ИИМдин Баңгизаттарды мыйзамсыз жүгүртүүгө каршы күрөшүү кызматынын жүргүзгөн ыкчам иш-чарасынын алкагында аныкталган.

"Такталгандай, А.И. аттуу адамдын жетекчилиги менен дары-дармекти үзгүлтүксүз өндүрүү үчүн бардык талаптарга жооп берген лаборатория түзүлгөн. Алар жаштар арасында синтетикалык дары-дармектерди сатуу каналын да уюштурган. 2021-жылдын 16-апрелинде атайын операциянын жүрүшүндө синтетикалык баңгизаттарды өндүрүүчү ишкана аныкталып, товарды өзгөчө ири масштабда сатууга аракет жасаган А.И. кармалды", — деп айтылат билдирүүдө.

Кылмышка шектүү 2021-жылдын 18-апрелинде Бишкектин Биринчи май райондук сотунун чечими менен №1 тергөө абагына эки айга камакка алынды. Учурда тергөө уланып жатат.

Маалымат үчүн: 1 грамм мефедрон затынын баасы Бишкек жана Чүй облусунун аймагында болжол менен 5000-6000 сомду түзөт. Ал адамдын өмүрү жана ден соолугу үчүн кооптуу.

Белгилер:
баңгизат, милиция, шектүү, кылмыш, сатуу, өндүрүүчү, УКМК
Тема боюнча
УКМК автоунаа катализаторлорун чет өлкөгө мыйзамсыз ташыган каналды аныктады

НАТО чалгынчылары РФ чек арасына тез-тезден каттап калышты. Максаты эмне

(жаңыланган 11:50 20.04.2021)
НАТОнун учактары акыркы аптада рекордун жаңылап, Россия чек арасына 58 жолу жакындап келди.

Өлкөнүн Коргоо министрлигинин маалыматы боюнча, чет элдик чалгынчылар чагымчылык жасоодо. Өтө эле жакын учуп келгендиктен Россиянын истребителдери асманга көтөрүлүп, "мейманды" узатып барууга аргасыз болгон.

НАТОнун учактары Камчатка менен Кара деңизден эмне "шимшилеп" жүрөт? Украина менен таанылбаган Донбасс Республикасынын чектешкен аймагына эмне максат менен байкоо салууда? Жоопту биздин видеодон алууга болот.

Белгилер:
Украина, Кара деңиз, учак, чек ара, Россия, НАТО
Тема боюнча
Украина НАТОго кирет деп ишенип... Россияга ким чагымчылык жасоодо