Элди эвакуациялап, Төрткүлдү кайтарышат. Кыргызстандагы машыгуунун видеосу

(жаңыланган 12:13 01.04.2021)
Машыгууга эки миңге жакын адам катышып, 100гө жакын автомобиль, сооттолгон жана атайын техника, артиллериялык система, авиациялык техника колдонулмакчы.

1-апрелден тарта "Коопсуздук-2021" деп аталган биргелешкен командалык штабдык жана мобилизациялык машыгуунун биринчи этабы башталды. Бул туурасында Генералдык штабдын маалымат кызматынан кабарлашты.

Бул окуулар 3-апрелге чейин Баткен, Жалал-Абад жана Ош облустарында жүрөт.

"Негизги тема — Республиканын айрым аймактарында аскердик абалда, өзгөчө кырдаал киргизилген шарттарда аскердик органдардын, мамлекеттик башкаруу жана жергиликтүү өз алдынча башкаруу органдарынын жасай турган иштери. Андан сырткары, аскердик түзүмдөрдүн практикалык мобилизациялоосу жана курчуп турган кырдаалда күжүрмөн тапшырмаларды аткаруу", — деп айтылган таратылган маалыматта.

Машыгууга эки миңге жакын адам катышып, 100гө жакын автомобиль, сооттолгон жана атайын техника, 20га чейинки артиллериялык система, ошондой эле 10дой авиациялык техника тартылары айтылды.

Ал эми өкмөттүн Баткен облусундагы өкүлчүлүгү аталган аймакта "Калыптоо-2021" машыгуусу башталгандыгын кабарлады.

Коопсуздук-2021 командалык-штабдык машыгууларгар. Архив
© Фото / пресс-служба Министерства обороны КР
Анын ачылышына аталган өкүлчүлүктүн жетекчиси Өмүрбек Суваналиев, КРдин коргоо министри, генерал-майор Таалайбек Өмүралиев жана тийиштүү бардык органдардын кызматкерлери катышкан.

Машыгуунун биринчи этабында аймактын мамлекеттик башкаруу органдары аскердик жана өзгөчө абал шарттарында тапшырмаларды аткарышат.

Кийинки этаптарда аскердик машыгуу, өзгөчө кырдаал учурундагы элди эвакуациялоо, ички иштер органдарынын стратегиялык объект — Төрткүл суу сактагычын кайтаруу аракеттери болот.

Белгилер:
эвакуация, Аскер, машыгуу, Жалал-Абад, Ош, Баткен, Кыргызстан
Тема боюнча
Ракета атылып... КРде машыгууга даярданган аскерлердин видеосу
Коргоо министри Баткенде ири машыгуулардын даярдыгын текшерди. Сүрөт

Россия Түркия менен аба байланышын токтотту. Туристтик сезон эмне болот

(жаңыланган 16:28 14.04.2021)
Россия 1-июнга чейин деп Түркия жана Танзания менен аба байланышын чектеди. Буга коронавирус менен ооругандардын санынын көбөйүшү себеп болууда.

Бүгүнкү күндө коронавирустун үчүнчү толкуну күчүндө, мындан улам европалык мамлекеттердин көбү катаал карантинге кайтууга аргасыз болуп турат.

Абалга көз чаптырып, 2021-жылкы туристтик сезон былтыркыдай эле үзгүлтүккө учурайт деп боолголосок болчудай.

Белгилер:
карантин, чектөө, туристтик сезон, коронавирус, Танзания, Түркия, Россия
Тема:
Дүйнөгө жайылган коронавирус
Тема боюнча
11 миңдей орун даяр турат. Өкмөт COVID-19дун үчүнчү толкунунан кантип өтөт

Толкун менен жарышып сёрфинг тепкен спортчулардын бүйүр кызыткан видеосу

Динамикалуу музыканын ыргагында сёрфинг тепкен спортчулар укмуштуудай трюктарды жасап жатканын көрүүгө болот.

Эки мүнөткө жетпеген видеодо спортчулар океандын толкуну менен жарышкан кереметтүү кадрлар камтылган.

Ролик YouTube компаниясынын расмий баракчасына жарыяланды.

Белгилер:
толкун, спорт, серфинг
Тема боюнча
Болбогон жерден жем болду… Чалынып кетип арстанга кармалган эликтин видеосу
Бишкек — Нарын — Торугарт жолунда кырсык

Чүйдө эки унаа кагышып, жети адам жаракат алды. Видео

(жаңыланган 17:12 14.04.2021)
Ысык-Ата районунун Киргшелк айылында болгон жол кырсыгынан жаракат алгандар Кант шаардык ооруканасына жеткирилгени айтылды.

БИШКЕК, 14-апр. — Sputnik. Бишкек — Нарын — Торугарт жолунда катталган автоунаа кырсыгынан 7 адам жаракат алды. Бул тууралуу Өзгөчө кырдаалдар министрлиги билдирди.

Маалыматка караганда, кырсык 14-апрель күнү саат 14:00дөр чамасында Ысык-Ата районундагы Киргшелк айылында болгон.

"Mercedes-Benz унаасы менен ЗИЛ-130 үлгүсүндөгү оор жүк ташуучу унаа сүзүшкөн. Кырсыктын кесепетинен 7 адам жаракат алган. Куткаруучулар унаага кыпчылып калган аялды чыгарышып, Тез жардам кызматына өткөрүп беришкен", — деп жазылат маалыматта.

Жабыркагандар Кант шаардык ооруканасына жеткирилгени жана алардын абалы орточо экени айтылды.

Белгилер:
Торугарт, Нарын, Бишкек, ӨКМ, жол кырсык
Тема:
2021-жылдын башынан бери Кыргызстанда болгон жол кырсыктар
Тема боюнча
Чүйдө төрт унаа кагышып, эки адам жабыркады. Кырсыктын видеосу
Түптөгү үрөй учурган жол кырсыгы: төртүнчү бала ооруканадан көз жумду
Сокулукта Lexus жолдо турган унааны сүзүп, бир адам каза тапты. Видео