Токтогул суу сактагычында суу калбай калганын көрсөткөн видео тарады

Быйыл суу аз болуп, керектөөнүн көлөмү өскөндүктөн Кыргызстан электр энергияны сырттан алууну пландап жатат. Ошондой эле аны ТЭЦте чыгаруу да каралууда.

Социалдык тармакта Токтогул суу сактагычынын жанынан өтүп бараткандар тарткан видео тарап жатат. Анда алар суу сактагычта суунун калбай калганын айтып, көрсөтүүдө.

"Электр станциялары" ишканасынын маалыматы боюнча, 1-апрелге карата Токтогулда суунун көлөмү 8 миллиард 716 миллион куб метрди түзөт. Туура бир жыл мурда 3 миллиардга көп болчу.

Эске салсак, суу сактагычтагы эң көп көлөм — 19,5 миллиард куб метр, минималдык деңгээл 5,5 миллиардды түзөт.

Суунун агып кириши секундасына 174 куб метр, ал эми агып чыккан суунун көлөмү 313 куб метрге жеткен.

Адистер буга чейин 2008-жылы адам фактору, суунун агызылышы жана Токтогул суу сактагычындагы көлөмдү үнөмдөө электр жарыгынын маал-маалы менен өчүрүлүшүнө алып келгенин айтышкан. Кыргызстандыктар ошол мезгилде суткасына алты сааттан жарыксыз отуруп калган. Ушундай эле картина 1997-жылы жана 2014-жылы да байкалган.

Токтогул суу сактагычындагы суунун көлөмү эмнеге мынчалык маанилүү?

Токтогул ГЭСи — өлкөнүн ири станциясы жана энергетикалык кыркасы, Кыргызстандын энергетикалык кубаттуулугунун үчтөн бир бөлүгү. Жылытуу мезгилин өткөрүү көбүнесе ушундай эле аталыштагы суу сактагычтагы көлөмдөн көз каранды. Дал үнөмдөө максатында 2008-жылы электр кубатын берүү чектелип, маал-маалы менен өчүрүлгөн. Ал эми 2014-2015-жылдары сырттан сатып алганбыз.

Белгилер:
көлөм, суу, видео, социалдык тармак, Токтогул суу сактагычы
Тема боюнча
Энергетика министрлиги жарык үчүн тарифти жогорулатуу планын иштеп жатат
"Түндүк электр" Бишкекте карызы бар 8,1 миң абоненттин жарыгын өчүрө баштады
Кыргызстан менен Өзбекстан керектүү учурда электр энергиясын алмашат

Россия Түркия менен аба байланышын токтотту. Туристтик сезон эмне болот

(жаңыланган 16:28 14.04.2021)
Россия 1-июнга чейин деп Түркия жана Танзания менен аба байланышын чектеди. Буга коронавирус менен ооругандардын санынын көбөйүшү себеп болууда.

Бүгүнкү күндө коронавирустун үчүнчү толкуну күчүндө, мындан улам европалык мамлекеттердин көбү катаал карантинге кайтууга аргасыз болуп турат.

Абалга көз чаптырып, 2021-жылкы туристтик сезон былтыркыдай эле үзгүлтүккө учурайт деп боолголосок болчудай.

Белгилер:
карантин, чектөө, туристтик сезон, коронавирус, Танзания, Түркия, Россия
Тема:
Дүйнөгө жайылган коронавирус
Тема боюнча
11 миңдей орун даяр турат. Өкмөт COVID-19дун үчүнчү толкунунан кантип өтөт

Толкун менен жарышып сёрфинг тепкен спортчулардын бүйүр кызыткан видеосу

Динамикалуу музыканын ыргагында сёрфинг тепкен спортчулар укмуштуудай трюктарды жасап жатканын көрүүгө болот.

Эки мүнөткө жетпеген видеодо спортчулар океандын толкуну менен жарышкан кереметтүү кадрлар камтылган.

Ролик YouTube компаниясынын расмий баракчасына жарыяланды.

Белгилер:
толкун, спорт, серфинг
Тема боюнча
Болбогон жерден жем болду… Чалынып кетип арстанга кармалган эликтин видеосу
ТИМге караштуу Консулдук кызмат департаментинин директорунун орун басары Бахтияр Шакиров. Архив

Министр Бейшеналиев ТИМ кызматкери эмнеден каза болгонун айтты

(жаңыланган 17:42 14.04.2021)
Министр дипломатка кичинекей балдар жаткан жерден тамчылатма ийне саюу чоң катачылык болгонун белгиледи.

БИШКЕК, 14-апр. — Sputnik. ТИМге караштуу Консулдук кызмат департаментинин директорунун орун басары Бахтияр Шакиров анафилактикалык шоктон каза болгон. Бул тууралуу саламаттык сактоо жана социалдык өнүктүрүү министри Алымкадыр Бейшеналиев "Парламент сабактары" берүүсүндө билдирди.

Белгилей кетсек, дипломат 1-апрель күнү Бишкектеги Эне жана баланы коргоо улуттук борборунда көз жумган. Министр анын өлүмүнүн диагнозу соттук-медициналык экспертизада далилденгенин билдирди.

"39 жаштагы ТИМ кызматкерин жаш балдардын жанына жаткырып, антибиотик сайган. Ал анафилактикалык шоктон каза болуптур. Ошон үчүн ал оорукананын директорун, башкы дарыгерин, антибиотик сайылган лор бөлүмүнүн башчысын жана медайымды тергөө бүткөнгө чейин жумуштан бошоттум. Себеби мындай кырсык болбошу керек эле. Биринчиден, кичинекей балдар жаткан жерге алып барып тамчылатма ийне саюу — чоң ката. Экинчиден, антибиотик сайганда алдын ала текшерип көрүш керек болчу. Ошон үчүн ал каза болуп калды", — деди Бейшеналиев.

Эске салсак, Саламаттык сактоо министрлигинин мурдагы өкүлү Елена Баялинова Шакиров Кыргызстанга Кытайдан келген SinoPfarm вакцинасын алгачкылардан болуп алгандардын бири экенин айтып чыккан эле.

Ал эми Республикалык иммундук профилактика борборунун директору Гүлбара Ишенапысова маркумдун аты эмделгендердин тизмесинде жок экенин билдирген. Министрлик Республикалык соттук-медициналык экспертиза борборунун адистери сөөктү карап чыккан учурда эмдөөдө сайылчу ийненин изин таппаганын, акыркы жыйынтык 14 күндүн ичинде белгилүү болорун маалымдаган.

Ал эми Кытайдын Кыргызстандагы элчилиги такталбаган мындай маалымат эки өлкөнүн достугуна көлөкө түшүрүп жатканын билдирген.

Белгилер:
Алымкадыр Бейшеналиев, өлүм, кызматкер, ТИМ
Тема боюнча
ТИМ кызматкеринин ооруканадагы өлүмү. Милиция окуянын чоо-жайын айтты