Казакстан менен Өзбекстан Кыргызстанга жардам катары ун, буудай, көчөт жиберет

Премьер-министр Улукбек Марипов Facebook баракчасы аркылуу түз эфирге чыгып, соцтармак колдонуучуларына жасап жаткан иштери тууралуу маалымат берди.

Ал өткөн жумада Ташкентке болгон сапарынын алкагында буга чейинки кыргыз-өзбек соода алакаларын 1 миллиард доллардан 2 миллиардга чыгарууга макулдашканын маалымдады.

Ал ошондой эле Өзбекстан 1000 тонна буудай үрөнүн берерин, анын жарымы жардам иретинде, калган 500 тоннасы кийин буудай түрүндө кайтарыларын белгиледи. Ага кошуп 500 тонна пахта үрөнүн бермей болушкан, анын да жарымы пахта түрүндө кайтарылат. Ал эми 10 миң тонна мөмө-жемиш көчөтүн белек катары тартуулашкан.

Өкмөт башчы кечээ, 2-апрелде, Кордайда кыргыз-казак өкмөттөр аралык жыйынында чечилген маселелерге да токтолду.

"Казакстан Кыргызстандагы муктаж үй-бүлөлөргө гуманитардык жардам катары 10 миң тонна ун берет. Бул маселе чечилди, жакынкы аралыкта алабыз деп күтүп жатабыз. Аны муктаж үй-бүлөлөргө бекер таратабыз. Алардын тизмеси такталат", — деди Марипов.

Ошону менен катар Казакстан дагы 1000 тонна күздүк буудай үрөнүн жардам катары бере турганын кошумчалады.

Белгилер:
көчөт, пахта, үрөн, Буудай, Улукбек Марипов, Өзбекстан, Кыргызстан
Тема боюнча
Кытай Кыргызстанга 63 миллион сомдук гуманитардык жардам берди. Сүрөт
Россиядан жакында Кыргызстанга 150 миң тонна буудай келет

УКМК синтетикалык дарыларды өндүргөн лабораторияны аныктап, шектүүнү кармады

(жаңыланган 15:15 20.04.2021)
Факты УКМК менен ИИМдин Баңгизаттарды мыйзамсыз жүгүртүүгө каршы күрөшүү кызматынын жүргүзгөн ыкчам иш-чарасынын алкагында аныкталган.

УКМК мефедрон деген синтетикалык дарыны чыгарып аны туруктуу саткан топту аныктап, жетекчисин колго түшүрдү. Бул тууралуу аталган комитеттен билдиришти.

Факт УКМК менен ИИМдин Баңгизаттарды мыйзамсыз жүгүртүүгө каршы күрөшүү кызматынын жүргүзгөн ыкчам иш-чарасынын алкагында аныкталган.

"Такталгандай, А.И. аттуу адамдын жетекчилиги менен дары-дармекти үзгүлтүксүз өндүрүү үчүн бардык талаптарга жооп берген лаборатория түзүлгөн. Алар жаштар арасында синтетикалык дары-дармектерди сатуу каналын да уюштурган. 2021-жылдын 16-апрелинде атайын операциянын жүрүшүндө синтетикалык баңгизаттарды өндүрүүчү ишкана аныкталып, товарды өзгөчө ири масштабда сатууга аракет жасаган А.И. кармалды", — деп айтылат билдирүүдө.

Кылмышка шектүү 2021-жылдын 18-апрелинде Бишкектин Биринчи май райондук сотунун чечими менен №1 тергөө абагына эки айга камакка алынды. Учурда тергөө уланып жатат.

Маалымат үчүн: 1 грамм мефедрон затынын баасы Бишкек жана Чүй облусунун аймагында болжол менен 5000-6000 сомду түзөт. Ал адамдын өмүрү жана ден соолугу үчүн кооптуу.

Белгилер:
баңгизат, милиция, шектүү, кылмыш, сатуу, өндүрүүчү, УКМК
Тема боюнча
УКМК автоунаа катализаторлорун чет өлкөгө мыйзамсыз ташыган каналды аныктады

НАТО чалгынчылары РФ чек арасына тез-тезден каттап калышты. Максаты эмне

(жаңыланган 11:50 20.04.2021)
НАТОнун учактары акыркы аптада рекордун жаңылап, Россия чек арасына 58 жолу жакындап келди.

Өлкөнүн Коргоо министрлигинин маалыматы боюнча, чет элдик чалгынчылар чагымчылык жасоодо. Өтө эле жакын учуп келгендиктен Россиянын истребителдери асманга көтөрүлүп, "мейманды" узатып барууга аргасыз болгон.

НАТОнун учактары Камчатка менен Кара деңизден эмне "шимшилеп" жүрөт? Украина менен таанылбаган Донбасс Республикасынын чектешкен аймагына эмне максат менен байкоо салууда? Жоопту биздин видеодон алууга болот.

Белгилер:
Украина, Кара деңиз, учак, чек ара, Россия, НАТО
Тема боюнча
Украина НАТОго кирет деп ишенип... Россияга ким чагымчылык жасоодо
Аялдар кол чатыр менен жаан учурунда. Архив

Шаршембиге карата аба ырайы

21-апрелге караган түнү аба ырайы кескин өзгөрөт. Чүй, Талас, Ысык-Көл, Нарын облустарынын дыйканчылык аймактарында жаан карга айланары болжолдонду.

БИШКЕК, 20-апр. — Sputnik. Шаршембиде күндүз өлкөнүн көпчүлүк аймактарында мезгил-мезгили менен жаан жаашы мүмкүн. Бул тууралуу Кыргызгидромет билдирди.

Абанын температурасы Чүй облусунда +4…+9, Талас өрөөнүндө +3…+8, Ош, Жалал-Абад, Баткен, Ысык-Көл, Нарын аймактарында +9…+14 градусту көрсөтөт.

Бишкек жана Ош шаарларында мезгил-мезгили менен жаан жаайт. Күндүн табы борбордо +7…+9, Ош шаарында +9…+14 градус болот.

Белгилер:
Кыргызстан, апрель, аба ырайы
Тема боюнча
Түштүк аймакта сел жүрөт! ӨКМ шашылыш билдирүү таратты