Көпкө күттүргөн жарыш. "Жаз деми" марафонунан видео

(жаңыланган 22:01 04.04.2021)
Бишкек шаарынан анча алыс эмес жерге жарым марафонго катышуу үчүн 2 500 киши чогулду. Бүйүр кызыткан иш-чараны биз видеого тартып алдык.

"Бакай банк Жаз деми" марафону Бишкекке батыш тараптан кирип келе жаткан аймактагы "Аска-Таш" комплексинен башталды. Катышуучулар "Манас" аэропортуна жетип кайра кайтышты.

Алар 5, 10 жана 21,1 чакырым аралыкты басып өтүштү. Балдар үчүн 100, 200 жана 500 метрлик жарыш уюштурулду.

Былтыр пандемияга байланыштуу бул иш-чара болбой калган. Быйыл катышуучулар карантиндик эрежелерди сактоо менен аралыкты чуркап өтүштү.

Sputnik Кыргызстан маалымат агенттиги жана радиосу аталган иш-чаранын расмий өнөктөшү болду.

Белгилер:
видео, жарыш, марафон, Бишкек
Тема боюнча
Көзү көрбөгөн Дастандын жөндөмүнө куландан соо адамдар таң беришет. Видео
Мындай катуу тиреш чанда болот. "Ынтымактын" "Достукту" утуп алган видеосу

Дозасын президент гана билет. Министрдин уу коргошун боюнча маалыматы видеодо

(жаңыланган 20:27 16.04.2021)
Саламаттык сактоо министри Алымкадыр Бейшеналиев коронавирусту уу коргошун менен дарылоону сунуштады. Бул дары чөптү президент Садыр Жапаров өзү кайнатып жасап жатканы белгилүү болду. Президент менен министрдин дарылоо ыкмасы коомчулукту таң калтырды.

Министр кайнатылган уу коргошунду кантип ичиш керектигин журналисттерге көрсөтүп берди. Ал бөтөлкөдөгү дары чөптү электр чайнегине куюп кайнатып, андан соң бир кружкага куюп ичти. Ошондой эле ал муну туура эмес колдонсо адам бир нече көз ирмемде эле каза болорун айтты.

Бейшеналиевдин айтымында, бүгүнкү күндө уу коргошунду колдонуу эрежеси дарыгерлерге үйрөтүлүп, COVID-19 менен ооругандарга берилүүдө. Муну ичкен 300гө чукул бейтап айыгып чыккан.

"Өтө оор абалда реанимацияда жаткандарга бул дары чөптү бербейбиз. Жеңил түрү менен ооругандар ичип, сакаюуда. Ар ким өз алдынча эмес, ооруканада же дарыгердин көзөмөлүндө ичиши керек. Эгер муну муздак ичип алса же артынан муздак суу ууртап, балмуздак жеп алса беш мүнөткө жетпей өлүп калат. Биз жалпы 1000 адамга берип сыноодон өткөрүп алсак, муну патенттейбиз", — деди министр.

Ошону менен катар Бейшеналиев бул дары клиникалык сыноодон өтүп коопсуз экени далилдене электигин мойнуна алды. Муну президент Садыр Жапаров атасынан үйрөнгөн ыкмага таянып жасап жатканын жашырган жок.

"Кыргыздар кылымдардан бери уу коргошун менен бир топ ооруну дарылап келген. Президентибиз бул чөптөн дары жасаганды атасы Нуркожодон үйрөнүптүр. Ал кандай тамырды канча сууга кошуш керектигин өзү көрсөтүп кайнатууда. Мен дагы Садыр Нуркожоевичти күнүгө бир саатка келип үйрөтүп кетиңиз деп суранып жатам. Азыр аны менен кеңешип жасап жатабыз. Былтыр COVID-19 башталганда Жапаров абакта отуруп, ошол кездеги өлкө башчы Жээнбековго уу коргошунду дары катары сунуштаган. Бирок ал Жапаровдун катын окубаптыр дагы", — деди министр.

Саламаттык сактоо министри кимдир бирөө ооруканада уу коргошундан каза болсо жоопкерчилик алууга даярдыгын, ал эми өз алдынча ичкендерге жооп бербей турганын билдирди.

Ал арада Дүйнөлүк саламаттык сактоо уюмунун (ДССУ) Кыргызстандагы өкүлчүлүгү билдирүү таратып, сыноодон өтпөгөн дарыны каттоо жана калкка кеңири колдонууга сунуштоого болбой турганын эскертти. Клиникалык сыноолордо препараттын натыйжасы жана коопсуздугу аныкталарын эске салган.

Буга чейин мамлекет башчы Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй социалдык тармактагы баракчасына он чакты киши атайын аппараттын жардамы менен бөтөлкөлөргө саргыч түстөгү суюктукту куюп жаткан видео жарыялаган. Сыртында "Уу коргошун" жана "Иссык-Кульский корень" деген жазуулар бар экенин көрүүгө болот.

Тема:
Уу коргошун чуусу

АКШ Афганистандагы талибандарга чечимин кандайча түшүндүрөт. Чоо-жайы видеодо

(жаңыланган 12:26 16.04.2021)
Афганистандын эли Байдендин америкалык аскерлерди чыгарып кетүү чечимине нааразы. АКШ президенти жоокерлердин "үйгө кайтуусуна" мезгил жеткенин айтты.

АКШ 20 жылдан бери талибдер менен эпке келип, өлкөдө тынчтык орнотуу оюн ишке ашыра алган жок. Америкалык жоокерлер качан Афганистандан толук чыгып кетет? Согушкерлерге эмнени түшүндүрүп, кырдаалды кантип жолго салып кете алат. Суроолорго жоопту видеодон көрүңүз.

Белгилер:
армия, чечим, Жо Байден, жоокер, Аскер, согуш, Талибан, Афганистан, АКШ
Тема боюнча
"Азиянын жүрөгүн дарылоо". Кыргызстан Афганистанга эмнеге жардам бериши керек
Митингтеги болгон медицина кызматкерлер биринчи вице-премьер Артем Новиков менен

Митингге чыккан медиктер менен бийлик кандай келишимге келди

(жаңыланган 22:55 16.04.2021)
Новиковдун айтымында, медицина кызматкерлеринин базалык эмгек акыларын төлөөдө бийлик мамлекеттин реалдуу мүмкүнчүлүктөрүнө таянат.

БИШКЕК, 16-апр. — Sputnik. Бүгүн Бишкекте өткөн митингге байланыштуу эртең Саламаттык сактоо жана социалдык өнүгүү министрлигинде кеңейтилген жолугушуу болот. Бул тууралуу өкмөттүн маалымат кызматы кабарлады.

  • Медицинские работники, вышедшие на митинг к белому дому на встрече с вице-премьер-министром КР. 16 апреля 2021 года
    Встреча вице-премьера КР с медиками вышедшими на митинг
    © Пресс-служба правительства / Алишер Алиев
  • Первый вице-премьер-министр КР Артем Новиков встретился с медицинскими работниками, вышедшими на митинг к белому дому. 16 апреля 2021 года
    Встреча вице-премьера Артема Новикова с медиками вышедшими на митинг
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Встреча вице-премьера КР с медиками вышедшими на митинг

Бүгүн ондогон медицина кызматкерлери Ак үйдүн жана өкмөт үйүнүн жанында акция өткөрүштү. Алар буга чейин кенемте төлөө жана маянаны жогорулатуу боюнча бийликтин убадаларынын аткарылышын талап кылышты. Митингчилерди биринчи вице-премьер Артем Новиков кабыл алды.

Ал медиктерге компенсация төлөө боюнча маселенин үстүндө атайын комиссия иштеп жатканын белгиледи.

"Эртең Саламаттык сактоо министрлигинде биз медицина кызматкерлеринин, министрликтердин өкүлдөрүнүн, кенемтелерди төлөө боюнча комиссия мүчөлөрүнүн жолугушуусун өткөрөбүз. Анда көйгөйлүү маселелердин баары кылдат изилденет. Биз өз кезегинде компенсацияларды төлөө боюнча маселенин мүмкүн болушунча тезирээк чечилиши үчүн болгон аракеттерди көрөбүз. Экономика жана финансы министрлиги медициналык кызматкерлердин базалык эмгек акысын жогорулатуу маселелери боюнча тийиштүү эсептөөлөрдү жүргүзөт. Биз мамлекеттин реалдуу мүмкүнчүлүктөрүнө таянабыз", — деген Новиков.

Медиктер пандемияда кызматтык милдетин аткарууда коронавирус илдетин жуктуруп алгандарга компенсация төлөө, эмгек акынын аздыгы, коргоо жана коопсуздук кепилдигине байланышкан көйгөйлөрдү ортого салышты.

Белгилер:
Кыргызстан, Бишкек, Артем Новиков, медик, митинг
Тема боюнча
Милиция таяк жеп жатат, Бишкекке дагы 4 РИИБ ачалы. Рысалиевдин сунушу видеодо
Жапаров бир катар медиктердин айлыгын көтөрдү