Алаканына темир кирип кеткен баланын каармандыгы. Казакстандагы видео

(жаңыланган 17:35 06.04.2021)
Куткаруучулар бала ыйлап, чоңдордун шаштысын кетирбей, тескерисинче, чыдап, тынч турганын айтып беришкен.

Казакстандын Көкшетау аймагында баланын алаканына дарбазанын шиш сымал темири кирип кеткенин 716.kz жергиликтүү басылмасына таянып Sputnik Казакстан жазды.

102 номерине бала кырсыктап, жардамга муктаж болуп жатканы тууралуу маалымат түшкөн. Куткаруучулар окуя болгон аймакка дароо чыгып кеткен.

"Шиштен баланын колун сууруп алуу кооптуу эле. Андыктан дарбазага бекитилген шишти алгач тегерете кесип алууга туура келди", — деген Акмоло облусунун Өзгөчө кырдаалдар департаментинин куткаруу бөлүмүнүн башчысы Рустем Мужупов.

Ал бала колуна темир кирип кеткен учурда да каармандыгын көрсөтүп, онтоп, ыйлап кыйнабагандыгын, тескерисинче, чоңдорго жардам кылып тынч туруп бергендигин айтып берген.

Темирди кесип бүткөндөн кийин куткаруучулар аны Тез жардамга салып жатканда тестиердин "баарыңар жакшы тургула" деп көтөрүңкү үн менен коштошуп жаткандыгын видеодон көрүүгө болот.

Аны ооруканага алып барып, тиешелүү медициналык жардам көрсөтүшүп, бир нече убакыт өткөн соң үйүнө чыгарышкан.

Куткаруучу каармандын абалын сурап-билгендигин, азыр кадыресе жакшы болуп калгандыгын кошумчалады.

Белгилер:
бала, куткаруучу, шишик, Казакстан
Тема боюнча
Казакстан: айылды аралап жай баракат жүргөн арстандын видеосу
Индонезиядагы катуу торнадо шаарды жабыркатты. Алай-дүлөйдүн видеосу

УКМК синтетикалык дарыларды өндүргөн лабораторияны аныктап, шектүүнү кармады

(жаңыланган 15:15 20.04.2021)
Факты УКМК менен ИИМдин Баңгизаттарды мыйзамсыз жүгүртүүгө каршы күрөшүү кызматынын жүргүзгөн ыкчам иш-чарасынын алкагында аныкталган.

УКМК мефедрон деген синтетикалык дарыны чыгарып аны туруктуу саткан топту аныктап, жетекчисин колго түшүрдү. Бул тууралуу аталган комитеттен билдиришти.

Факт УКМК менен ИИМдин Баңгизаттарды мыйзамсыз жүгүртүүгө каршы күрөшүү кызматынын жүргүзгөн ыкчам иш-чарасынын алкагында аныкталган.

"Такталгандай, А.И. аттуу адамдын жетекчилиги менен дары-дармекти үзгүлтүксүз өндүрүү үчүн бардык талаптарга жооп берген лаборатория түзүлгөн. Алар жаштар арасында синтетикалык дары-дармектерди сатуу каналын да уюштурган. 2021-жылдын 16-апрелинде атайын операциянын жүрүшүндө синтетикалык баңгизаттарды өндүрүүчү ишкана аныкталып, товарды өзгөчө ири масштабда сатууга аракет жасаган А.И. кармалды", — деп айтылат билдирүүдө.

Кылмышка шектүү 2021-жылдын 18-апрелинде Бишкектин Биринчи май райондук сотунун чечими менен №1 тергөө абагына эки айга камакка алынды. Учурда тергөө уланып жатат.

Маалымат үчүн: 1 грамм мефедрон затынын баасы Бишкек жана Чүй облусунун аймагында болжол менен 5000-6000 сомду түзөт. Ал адамдын өмүрү жана ден соолугу үчүн кооптуу.

Белгилер:
баңгизат, милиция, шектүү, кылмыш, сатуу, өндүрүүчү, УКМК
Тема боюнча
УКМК автоунаа катализаторлорун чет өлкөгө мыйзамсыз ташыган каналды аныктады

НАТО чалгынчылары РФ чек арасына тез-тезден каттап калышты. Максаты эмне

(жаңыланган 11:50 20.04.2021)
НАТОнун учактары акыркы аптада рекордун жаңылап, Россия чек арасына 58 жолу жакындап келди.

Өлкөнүн Коргоо министрлигинин маалыматы боюнча, чет элдик чалгынчылар чагымчылык жасоодо. Өтө эле жакын учуп келгендиктен Россиянын истребителдери асманга көтөрүлүп, "мейманды" узатып барууга аргасыз болгон.

НАТОнун учактары Камчатка менен Кара деңизден эмне "шимшилеп" жүрөт? Украина менен таанылбаган Донбасс Республикасынын чектешкен аймагына эмне максат менен байкоо салууда? Жоопту биздин видеодон алууга болот.

Белгилер:
Украина, Кара деңиз, учак, чек ара, Россия, НАТО
Тема боюнча
Украина НАТОго кирет деп ишенип... Россияга ким чагымчылык жасоодо
Аялдар кол чатыр менен жаан учурунда. Архив

Шаршембиге карата аба ырайы

21-апрелге караган түнү аба ырайы кескин өзгөрөт. Чүй, Талас, Ысык-Көл, Нарын облустарынын дыйканчылык аймактарында жаан карга айланары болжолдонду.

БИШКЕК, 20-апр. — Sputnik. Шаршембиде күндүз өлкөнүн көпчүлүк аймактарында мезгил-мезгили менен жаан жаашы мүмкүн. Бул тууралуу Кыргызгидромет билдирди.

Абанын температурасы Чүй облусунда +4…+9, Талас өрөөнүндө +3…+8, Ош, Жалал-Абад, Баткен, Ысык-Көл, Нарын аймактарында +9…+14 градусту көрсөтөт.

Бишкек жана Ош шаарларында мезгил-мезгили менен жаан жаайт. Күндүн табы борбордо +7…+9, Ош шаарында +9…+14 градус болот.

Белгилер:
Кыргызстан, апрель, аба ырайы
Тема боюнча
Түштүк аймакта сел жүрөт! ӨКМ шашылыш билдирүү таратты