Мамашова: Айзада чиновниктин эмес, жөнөкөй адамдын кызы болгону үчүн өлдү

(жаңыланган 11:33 08.04.2021)
Эл өкүлү бийликтегилер өздөрү мыйзамды каалагандай бузуп жатып, натыйжада жөнөкөй жарандар өзүнүн түшүнүгү менен жашап калганын белгиледи.

Биз качан болбосун саясат менен алекпиз, элдин коопсуздугун карабайбыз. Бул туурасында Жогорку Кеңештин депутаты Айсулуу Мамашова билдирди.

Эл өкүлү жогорку бийликте отургандар мыйзамды өздөрү каалагандай бузуп жатып, мунун арты менен жөнөкөй жарандар дагы мыйзамды сактабай, өзүнүн түшүнүгү менен жашап калганын белгиледи.

"Бүгүнкү күндө эмне болуп жатканын көрүп жатасыздарбы? Эч ким, жадагалса парламентте отурган аял катары мен дагы коопсуздукту сезбейм. Тилекке каршы, Айзада жогорку кызматтагы аткаминердин кызы эмес экен. Тилекке каршы, жөнөкөй адамдын кызы. Бул коомчулукка чыгып билингени гана. Канча адамдын тагдыры талкаланып жатат, ала качып барып өлтүрүп, зордуктап, сабаган учурлар качанкыга чейин созулушу керек? Биз качан болбосун саясат менен алекпиз, качан экономика, элдин коопсуздугу менен алектенебиз? Дагы канча күтүш керек?!" — деди Мамашова.

Ошондой эле ал бул маселеге төрага Талант Мамытов көңүл кош карабай, өзү демилгелеп күн тартибине киргизиши керектигин белгиледи.

Андан соң Мамытов сунушту күн тартибине киргизүүнү депутаттар добуш берүү менен чече турганын айтты.

Айзаданын өлүмү

Эске салсак, 5-апрель күнү эртең менен саат 7:00 чамасында Медеров жана Тыныстанов көчөлөрүнүн кесилишинен үч бала 27 жаштагы кызды кызыл түстөгү унаага салып кеткен. Кыздын туугандары ошол эле күнү издеп башташкан. Биринчи май райондук милицияга саат 7:30да кабарлаган. Бирок издөө иштери кечеңдеп жатканына нааразы болуп, эртеси ЖМКларга кайрылышкан.

Ал эми 7-апрелде изделип жаткан автоунаа Чүйдөгү Арашан менен Чокморов айылдарынын ортосунан табылган. Ал тууралуу милицияга жергиликтүү чабан кабар берген.

Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган. Кечинде кызды ала качууга катыштыгы бар делип бир шектүү кармалды.

Белгилер:
Айзада Канатбекова, зомбулук, кыз ала качуу, өлүм, Жогорку Кеңеш, Айсулуу Мамашова
Тема:
Бишкекте 27 жаштагы кыздын уурдалып, өлтүрүлүшү (42)
Тема боюнча
Айзаданын өлүмү. Бишкек менен Оштогу митингдерден онлайн-репортаж
Депутаттар парламентке ички иштер министрин чакырууну талап кылууда

Кыргызстандык Эрназар Алматыдагы мелдеште мыкты ыкма жасаган спортчу болду. Видео

(жаңыланган 17:13 17.04.2021)
Бириккен күрөш дүйнөсү Кыргызстандын эркин күрөш боюнча балбаны Эрназар Акматалиевдин Алматыда өткөн лицензиялык турдагы таймаштарынын (чейрек финал, жарым финал жана финал) видеосун жарыялады.

Уюштуруучулар Акматалиевдин эркин күрөш боюнча спортчулардын арасынан ыкмаларды эң мыкты аткарганын айтышты.

65 килограмм салмакта күч сынашкан Акматалиев жарым финалда өзбекстандык тажрыйбалуу спортчу Ильяс Бекбулатов менен кармашты. Кыргыз балбаны 8:0 эсебинде утулуп жатканына карабай аракетин улантып, адегенде эки, анан төрт упайлык ыкма жасап, анын артынан эле атаандашынын далысын жерге тийгизип, таза жеңишке жеткен

Ал эми чейрек финалда түркмөн атлети Керим Ходжаковду 5:1 эсебинде жеңип алган.

Белгилер:
эркин күрөш, видео, мелдеш, Алматы, Эрназар Акматалиев
Тема боюнча
Аягына чейин кармашып. Эрназар Акматалиев Алматы мелдешинен алтын байге утту
Ири эсеп менен утулуп жатып жеңишке жеткен Акматалиевдин кубанган видеосу

АКШнын Россияга каршы санкциялык тизмесинде жоктор "кимге иштейт"?

(жаңыланган 16:28 17.04.2021)
АКШнын антироссиялык санкциялары "гегемон чаралары" деп аталды. Мындай аныктаманы Кытай жаңы чектөөлөргө комментарий берип жатып айткан.

Пекин бул жалгыз эле Кытайдын эмес, жалпы дүйнө коомчулугунун пикири экенин билдирди. Ошону менен катар Россия менен Американы бири-бирин чектөөлөр менен кыйнай бербей, сөзгө келүүгө чакырды. Россия ТИМи Вашингтонго кандай жооп берерин да билдирди. АКШнын санкциялык тизмесине кирбеш үчүн "кимге иштеш" керек? Байден Путинге жайында жолугуп эмне тууралуу сүйлөшмөкчү?

Белгилер:
аракет, жооп, санкциялар, Кытай, Россия, АКШ, Владимир Путин, Жо Байден
Тема боюнча
АКШ санкциялары менен дүйнөгө болгон үстөмдүгүн кыйратууда
Бизнесмендерге чыккан туумдар, салык санкциялары жоюла турган болду. Шарттары
Жамгырдуу аба ырайы. Архивдик сүрөт

Жекшембиге карата аба ырайы

Жекшембиге караган түнү Ош, Жалал-Абад жана Баткен облустарынын кээ бир райондорунда жамгыр, тоолуу жерлеринде кар жаайт.

БИШКЕК, 17-апр. — Sputnik. 18-апрель күнү күндүз өлкөнүн көпчүлүк аймактарында мезгил-мезгили менен жаан, тоолуу райондордо кар жаашы күтүлөт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет.

Абанын температурасы Чүй менен Таласта +16...+21, Ош, Жалал-Абад жана Баткен облустарында +17..+22, ал эми Ысык-Көл, Нарын жергесинде +11...+16 градус болору айтылды.

Бул күнү Бишкек, Ош шаарларында жамгыр жаашы мүмкүн. Күндүн табы Бишкекте +19...+21, Ошто +20...+22 градуска көтөрүлөт.

Белгилер:
Кыргызстан, апрель, аба ырайы
Тема боюнча
Жайдагыдай ысыйт! Май айына карата аба ырайы