Атылып жаткан жанар тоонун тушунда клип тарткан рок-ырчылар. Видео

98
(жаңыланган 10:33 17.04.2021)
Исландиялык белгилүү "Kaleo" рок-ырчылар тобу күйөрмандарын таң калдырууну көздөп, атылып жаткан Фаградальсфьядль жанар тоосунун тушунда клип тартышты.

Музыкалык клипти артисттер топтун расмий YouTube-каналына чыгарган. 

Кадрда тоодон ылдый аккан кызыл чоктун тушунда топтун аткаруучусу Джулиус Сондун ырдап жатканын көрүүгө болот. Клип вулкан атылган тоого жакын жерде тартылган.

Артисттер клипти жанар тоону көрүүгө келишкен туристтер жок мезгилде, кечинде тартышканын айткан. Команда бул жерге зарыл болгон бардык жабдууларды алып келгени маалым болду.

Гелдингадалир өрөөнүндөгү Фаградальсфьядь жанар тоосунун атылышы 19-мартта башталган. Вулкан Исландиянын борборунан 50 чакырым алыстыкта болсо, өлкөнүн улуттук аэропортунан 32 чакырым аралыкта. Өткөн аптада узундугу 200 метрди түзгөн жарака ачылганы кабарланган.

Геологиялык изилдөөлөргө ылайык Рейкьянес жарым аралында акыркы ирет жанар тоо 800 жыл мурда атылган.

98
Белгилер:
вулкан, ыр, клип, ырчы, Исландия, жанар тоо
Тема боюнча
Димаш Кудайбергендин жаңы клиби бир суткада 240 миң көрүүчү топтоду. Видео

Согончогу менен гол киргизген футболчу. Бразилияда тартылган видео

84
(жаңыланган 10:32 23.06.2021)
Бразилиядагы футбол боюнча чемпионатта "Фламенго" жана "Брагантино" командаларынын ортосундагы мелдештин бешинчи турунда футболчу топту дарбазага согончогу менен киргизди.

Өзгөчө топту оюндун 12-мүнөтүндө "Брагантино" командасынын коргоочусу Адерлан де Лима Силва киргизген. Айып талаадан берилген топту дарбазанын тушунан согончогу менен тээп гол жараткан.

Оюн "Брагантино" командасынын пайдасына 3:2 эсеби менен аяктаган. Акыркы голду аталган команданын футболчулары соңку мүнөттөрдө киргизишкен.

30 жаштагы Адерлан де Лима Силва команданын оң жактагы коргоочусу. Ал 2021-жылы клуб менен эркин агент катары келишим түзгөн. Ага чейин "Брагантино" командасында макулдашуунун негизинде маал-маалы менен ойночу.

84
Белгилер:
видео, гол, чемпионат, Бразилия
Тема боюнча
Башын мыкчып... Гаитинин дарбазачысы өзүнө гол киргизип алган видео
(13:11 / 103.61Mb / )

Путин белгисиз жоокердин мүрзөсүнө гүл койду. Видео

72
(жаңыланган 20:18 22.06.2021)
Мындан так 80 жыл мурда фашисттик Германия Советтер Союзуна кол салган. Россиянын лидери Улуу Ата Мекендик согушта курман болгондорду эскерди.

Россиянын президенти Владимир Путин Москвадагы Александровский багындагы белгисиз жоокердин мүрзөсүнө гүл койду. Иш-чарага согуштун ардагерлери катышты.

Россия 22-июнда Улуу Ата Мекендик согуштун башталышын эскерет. Өлкөнүн бардык аймактарында эскерүү иш-чаралары уюштурулат.

72
Белгилер:
эскерүү, согуш, Улуу Ата Мекендик согуш, Россия
Тема боюнча
Кыргызстан жөнөткөн акча 186 учакка жетмек. Улуу Жеңишти жакындаткан жардам
"Дат баскан" тарых. Экинчи дүйнөлүк согуш тууралуу уламыштар
Путиндин макаласы: өткөнгө карап кылчактай бербей, ачык болуш керек
Кыргызстандын президенти Садыр Жапаров ишкерлер менен болгон жолугушуу учурунда

Алдап жүргөн. Жапаров энергетика министрин иштен кетирген себебин айтты

0
Мурдагы энергетика жана өнөр жай министри Кубанычбек Турдубаев ээлеген ордунан 8-июнь күнү бошотулган. Аталган кызматка ал ушул жылдын февраль айында келген. Эми бул министрликти Доскул Бекмурзаев башкарып жатат.

БИШКЕК, 23-июн.— Sputnik. Кубанычбек Турдубаев Энергетика министрлигинен берилген тапшырмаларды аткарбаганы үчүн кетти. Бул тууралуу президент Садыр Жапаров ишкерлер менен болгон жолугушууда билдирди.

Эске салсак, мурдагы энергетика жана өнөр жай министри Кубанычбек Турдубаев ээлеген ордунан 8-июнь күнү бошотулган. Аталган кызматка ал ушул жылдын февраль айында келген. Эми бул министрликти Доскул Бекмурзаев башкарып жатат.

Жолугушууда ишкер Рахат Ирсалиев ири ГЭСтер чоң суммадагы каражатка салынарын айтып, кичи гидроэлектростанцияларды ички инвесторлордун күчү менен курууга боло турганын белгилеген. Бирок ал үчүн мамлекет тарифтерди бекитип, 100 пайыз иштелип чыккан электр энергиясын сатып алуусу керек.

Анын айтымында, мамлекеттен эч нерсе кереги жок. Бул жерде өлкө бир да тыйын коротпойт. Кичи ГЭСти бир жыл ичинде, ал эми чоң станцияларды 10 жыл же андан ашык убакытта куруп бүтсө болот.

Ал Жапаровго январдагы сүйлөшүүнү эскертти. Анда президент сунуш болсо киргизүүнү айткан. Мындан улам февраль айында ишкер сунуштарын Энергетика министрлигине киргизгенин айтып, бирок маселе чечилбей калганын кошумчалаган.

Жапаров буга жооп берип, Ирсалиев туура айтып жатканын белгиледи.

"Ноябрь-декабрда ошол кездеги министрди чакырып, кичи ГЭСтерден мамлекет электр энергиясын түз сатып алыш үчүн Рахат Ирсалиев менен жолугушуу уюштургам. Ирсалиев үч жыл ичинде үч кичи гидроэлектростанция курган. Бирок мамлекет электр энергияны сатып албай, линияга кошпой, эч нерсе кылган эмес. Ошол себептен ал айласы кетип электр энергияны майнингге койгон. Мен министрге киловатт-саатын 2,9 сомдон сатып алуу боюнча келишим түзүү тапшырмасын бергем", — деди президент.

Андан ары Жапаров сөзүн улап министр ага маселе чечилгенин ишенимдүү түрдө айтканын белгиледи.

"Эки айдан кийин ошол эле министрден сурасам, ал келишим түзүлгөнүн, кичи ГЭС боюнча маселе чечилгенин айткан. Мен маселе чын эле чечилди го деп ойлогом. Бир ай мурда мен силерге өзүм чалып, "маселе чечилди беле" деп сурасам, силер "жок" деп айттыңар. Мен министр менен кайра сүйлөшүп, себебин сурасам, ал ишенимдүү түрдө "маселе чечилген" деп калп айтып койгон. Бул министрдин кызматтан кетүүсүнүн бир себеби болду", — деди Жапаров.

Президент электр энергияны кичи ГЭСтерден сатып алуу зарылдыгына токтолуп, болбосо эч ким кичи ГЭС курбай коерун айтты. Мамлекет башчы "жолугушууга азыркы энергетика министри катышып жатабы" деп сураганда, анын орун басары бар экенин айтышты.

Жапаров келишим түзүү жана баа маселесин жума күнү саат 17:00гө чейин чечүү керектигин тапшырып, ал боюнча отчёт берүүнү эскертти.

"Силерге эки күн мөөнөт берем. Эгер чечпей, убакытты чоюп жүрө берсеңер, бюрократия болсо, анда жетекчилик толук курам менен арыз жазып мага келгиле. Эгер жарлык, мыйзамдарды аткарбасаңар, анда кызматтан жөн эле кетпестен кармаласыңар. Муну баарыңардын көзүңөрчө айтып коёюн. Мурда ишкерлер министр же башка мамлекеттик кызматкердин артынан чуркаса, эми инвесторлордун артынан силер чуркашыңар керек", — деди ал.

Өлкө башчы мамлекет кызматкерлерди пара алуу деген психологияны өзгөртүүгө чакырды.

0
Белгилер:
электр энергиясы, кызмат, министр, Садыр Жапаров, Кыргызстан
Тема боюнча
Жапаров УКМКнын Коррупцияга каршы кызматын жоймой болду
Бизнеске кысым болууда! Садыр Жапаров экономиканы өнүктүрүүнүн жолдорун айтты