Тумшугуна эч нерсе илинбей. Олжосунан ажыраган арстандын видеосу

189
Автожолдо күн чубактап жайылып жаткан гиена тукумундагы иттердин арстанды көргөндө жайыла качып, жырткычтын олжосуз калган видеосу интернетке тарады.

"National Geographic Россия" сайты окуянын Түштүк Африкадагы Крюгер жаратылыш паркында болгондугун жазды

Кадрдан жалгыз келе жаткан ургаачы арстанды көрүүгө болот. Ал жолдун эки тарабындагы чөптү искеп, бир нерсенин жытын алганы байкалат. Алгач жай басса, андан соң текирең-таскак менен желип жөнөгөн. Жырткычтын ар бир кадамын жолдун эки тарабында жолтандабас менен бараткан туристтер сүрөт, видеого тартып келе жаткандыгын да байкоого болот.

Аңчылык уланып, арстан иттерге айбатын алыстан көрсөтүп, кол салууга эрте камынып алгандыктан беркилер жайыла качып, жырткычтын тумшугуна эч нерсе илинбей калган.

Видео арстандын артынан акмалап келе жаткан гиена итке кол салууга камданып кайра чуркап, бирок жетпей калып жолун андан ары уланткан жерден үзүлгөн.

Арстандар тез чуркаганда саатына 80 чакырымды басып өтөт. Бирок мындай темп менен көпкө жүрө албайт. Адатта аңдып, камап келип же буктурмада туруп олжосуна кол салат. Ал эми видеодогу гиена иттери эң көп дегенде саатына 55–60 чакырым чуркайт. "National Geographic Россия" эгерде арстан чындап артынан түшсө, жок дегенде бирөөнү кармап алууга мүмкүнчүлүгү болгондугун жазган.

189
Белгилер:
гигиена, турист, парк, арстан, Түштүк Африка Республикасы
Тема боюнча
Болбогон жерден жем болду… Чалынып кетип арстанга кармалган эликтин видеосу

Тамак талашып... Бактын башынан кулаган арстан менен кабыландын видеосу

8
(жаңыланган 10:03 10.05.2021)
Бактын башында олжо талашып урушкан кабылан менен арстанды көтөрө албай, бутак сынып кеткен. Окуя Түштүк Африкадагы Крюгер паркында болгон.

Видеонун авторунун айтымында, ургаачы арстан бактын башында жүргөн кабыландын олжосуна кызыгып, эринбей чыгып барган. Тапкан тамагын кызганган берки жырткыч айбат кылып, экөө ошол жерден чапчылашып, уруша кеткен.

Эки ири жырткычтын салмагын көтөрө албаган бутак жоон болгону менен сынып кетип, эки жаныбар жерге күү менен түшкөн. Бак-шак, сынган бутактын арасынан эптеп суурулуп чыккан кабылан артын карабай качкан. Видеодон анын катуу чочуп калганын байкоого болот.

Ал эми арстан эки жагын каранып, ошол жерде турганы менен видео аяктаган.

Маалыматта бир чети таңгалдырып, бир чети күлкүнү келтирген бул окуянын Лондолоза деп аталган аймакта болгону жазылган.

8
Белгилер:
олжо, кабылан, арстан, Түштүк Африка Республикасы
Тема боюнча
Тумшугуна эч нерсе илинбей. Олжосунан ажыраган арстандын видеосу

Кырка тизилген 100 автоунаа. Бишкекте өткөн өзгөчө жүрүштүн видеосу

215
Бишкекте Улуу Жеңиштин 76 жылдыгына карата автожүрүш болуп, кырка тизилген 100дөй автоунаа ордо калаанын көчөлөрүн айланды. Шаардык мэрия иш-чараны "Өлбөс полк" жүрүшүнүн ордуна уюштурушкан.

Жүрүш Бишкектин так ортосунан башталып, шаардын түштүк бөлүгүнөн аяктаган.

Артиллеристы готовятся к боям на Орловской и Курской дугах. Орловско-Курская дуга. Июль 1943 год. Репродукция
© Фото / Центральный Государственный архив кинофотодокументов КР
Иш-чаранын катышуучуларын милиция кызматкерлери коштоп, коопсуздугун камсыздады.

Быйыл Бишкекте "Өлбөс полк" жүрүшүнө уруксат берилген эмес. Буга эпидемиологиялык абалдын катаалдыгы себеп экенин борбор калаанын башкы санитардык дарыгери Кубан Кундашев билдирген. 

Мындан улам "Өлбөс полктун" жүрүшү быйыл өзгөчө форматта өтүп, ардагерлердин сүрөттөрү LED-экрандарга жайгаштырылды.

Мындан сырткары, санитардык талаптарды аткаруу менен 50гө чукул киши чакан жүрүш уюштуруп, согуш ардагерлеринин сүрөтү менен Жеңиш паркына чейин жөө барышты

215
Белгилер:
видео, Улуу Жеңиш, автожүрүш, Бишкек
Тема боюнча
Башкы санитардык дарыгер: быйыл Бишкекте "Өлбөс полк" жүрүшү өтпөйт
Бишкекте "Өлбөс полктун" чакан жүрүшү болду. Сүрөт, видео
Кыргызстандыктарды 5 өлкөнүн президенттери Жеңиш майрамы менен куттуктады