Кинодогудай! Жолдогу автоунааны терезесинен секирип кирип токтоткон. Видео

571
Интернетте жүрүп бара жаткан автоунааны терезесинен секирип кирип токтоткон кишинин видеосу желдей тарады.

Окуя Тиран шаарында болгон. Анын видеосу The Guardian басылмасынын YouTube-каналына жарыяланды.

Кадрлардан көрүнүп тургандай, Citroen үлгүсүндөгү автоунаанын айдоочусу аянтта көлүгүн токтотпой айланта айдап, ондогон кишини сүзүп сала жаздаган. Ал жердегилер коронавируска каршы вакцина алуу үчүн кезекке турушкан. Токтоно албаган айдоочуну сүйрөп түшүүгө да аракет кылышкан, бирок натыйжа болгон эмес. Бул учурда аянттагы эркектердин бири автоунаанын терезесинен секирип кирип, айдоочудан рулду алган.

Басылманын билдирмеси боюнча, полиция 32 жаштагы кишини кармаган. Алдын ала маалыматтарга таянсак, ал баңгизат колдонуп алган. Окуядан эч ким жабыркаган эмес.

Интернет колдонуучулары айдоочуну токтотуп калган кишинин эрдигин баалашкан.

571
Белгилер:
аянт, эл, видео, айдоочу, автоунаа, Албания

Исландияда жанар тоо жайгашкан жерди сатыкка коюшту. Видео

21
Фаградальсфьядль вулканы жайгашкан жерге жергиликтүү үй-бүлө ээлик кылат. Алар аймакты бөлүп же толугу менен сатканга макул.

Исландияда Фаградальсфьядль вулканы ойгонуп жаткан жер сатыла тургандыгын Bloomberg агенттиги жазды.

Аймак Храун дыйкан чарбасына тиешелүү. Анна Тордис Гудмундсдоттир бул жер алардын ата-бабасынан калганын айтып, "кимдир бирөөлөр эл келип, кызыгып карай турган жай курса" деген ниетин билдирген.

Тилкенин бөлүгү же баары толугу менен сатылмакчы. Анна эки кардар чыгып, жакшы баа сунуштаганын да айтып берген.

"Бул аймак өзүнө ылайык баага сатылат, бизге кеминде эки кишиден сунуш түштү", — деген ал.

Адистер жанар тоонун атылышы бир нече жылдарга созулушу мүмкүн экендигин айтып, бул жерге болгон кызыгуу барган сайын артарын кошумчалашкан.

Исландиянын бийлиги ал тилкени сатып алуугу ашыккан жок. Бирок автоунаалар токтоочу жай, тик учак конуучу аянтча жана туристтерди тейлей турган борбор курууга жарым миллион доллар бөлүп берүүгө даяр экендигин айткан.

Маалымат үчүн айтсак, Фаградальсфьядли 2021-жылдын март айынан тарта ойгоно баштаган. Жанар тоо Рейкьявиктиен түштүк-батышты карай 30 чакырым аралыкта жайгашкан.

21
Белгилер:
аукцион, сатык, жанар тоо, Исландия
Тема боюнча
Жалын шыркырап агып. Исландияда тынч жаткан жанар тоонун ойгонгон видеосу

Ракета тийген имарат бир секундда урады. Газадан тартылган видео

165
(жаңыланган 20:06 17.05.2021)
Израиль менен Палестинанын ортосундагы куралдуу конфликт дагы деле уланып жатат. Тараптар бир нече күндөн бери бири-бирине ракеталарды кое берүүдө.

Май айынын башында Чыгыш Иерусалимдеги Шейх-Жаррахта жашаган бир нече палестиналык үй-бүлөнү аталган аймактан чыгаруу боюнча соттун чечиминен кийин палестиналыктар нааразы болуп чыгышкан. Мындан улам абал курчуп Аль-Акс мечитинин жанында Израиль полициясы менен Палестинанын жарандары кагылышкан. Кийин ХАМАС согушкерлер тобу Израилдин аймагына ракета ата баштаган. Израиль дагы жооп катары Газа тилкесине ракета менен сокку ура баштады.

Израилде 10 адам курман болуп, 50 киши жабыркады. Палестинада болсо курман болгондордун саны 218 кишиге жетти.

Акыркы маалыматтарга караганда, ракеталар Израилдеги Ашдоде шаарындагы имараттардын бирине тийген. Жабыркагандар бар. Израилдин армиясынын маалыматы боюнча, алар ХАМАС кыйымылынын командирлеринин үйлөрүн аткылап жатышат.

165
Белгилер:
ХАМАС, согуш, ракета, Газа тилкеси, Израиль
Тема боюнча
Имараттарды кыйраткан ракеталар. Газа тилкесинен тартылган видео
Газа тилкесинде көз жумган палестиналыктардын саны 181ге жетти
Убактылуу баш паанек сурап БУУга 40 миңге чукул палестиналык кайрылды
Село Ворух на границе Кыргызстана и Таджикистана

Чек арадагы Аксай менен Ворух айылдарына милициянын посттору коюлду

0
(жаңыланган 10:26 18.05.2021)
Эртең мененки жетиден тартып автоунаалар Ходжаи-Аъло — Ворух жана Ак-Сай — Тамдык багыты боюнча жүрүп жатканы айтылды.

БИШКЕК, 18-май — Sputnik. Баткендин Аксай жана Тажикстандын Ворух айылдарынын чек араларына эки тараптан тең милициянын посттору коюлду. Бул тууралуу УКМКга караган Чек ара кызматы кабарлады.

Бүгүн эки мамлекеттин чек ара өкүлдөрү жолугуп, буга чейинки макулдашуулардын аткарылышын талкуулашты.

Маалыматка ылайык, саат 07:30дан баштап автоунаалар Ходжаи-Аъло — Ворух жана Ак-Сай — Тамдык багыты боюнча жүрүп атат. Мындан сырткары, тараптар саат 08:00дөн баштап кыргыз-тажик чек арасында биргелешкен күзөттөрдү уюштурууда.

Кечээ, 17-майда, укук коргоо органдары Тажикстан менен чектешкен Ак-Сай айылында транзиттик жолдон өтүүнүн эрежелерин бузгандыгы үчүн үч тажикстандыкты кармаган. Териштирүүдө алардын бири Тажикстандын УКМКсынын кызматкери, экинчиси Чек ара күчтөрүнүн аскер кызматкери экендиги аныкталган. Ошол эле учурда Баткендин Ворух анклавы аркылуу Ак-Сай айылына бара жаткан кыргызстандык үч кишини коңшу өлкөнүн 30-40 адамдан турган тобу кармап, сабап салган. Эки тараптын тиешелүү жактарынын сүйлөшүүсү менен кармалгандар бошотулуп, абал турукташкан.

0
Белгилер:
пост, милиция, чек ара, Баткен, Кыргызстан, Тажикстан
Тема:
Баткендеги кыргыз-тажик жаңжалы
Тема боюнча
Кыргыз-тажик чек арасында эки тарап тең кишилерди барымтага алып, кайра бошотту
Кыргыз-тажик чек арасында чырды ким баштаганын космостон тартылган сүрөт көрсөтөт