Тажикстан талкалаган Максат айылынын мурдагы жана азыркы көрүнүшү. Видео

8015
(жаңыланган 20:16 03.05.2021)
Көрүп алып көз чарчап, көңүл ооруйт. Мындан 27 жыл мурда Лейлек районундагы кыргыз-тажик чек арасына жакын Максат айылы келечектүү максат, жакшы тилек, жаркын ой менен атайын түптөлгөн эле... Ал эми коңшулардын кылыгынан кийин азыркы көрүнүш такыр башкача.

Sputnik Кыргызстан Баткендеги чек арада тажик аскерлери аткылоого алып, өрттөлгөн Максат айылынын азыркы көрүнүшү менен жай турмуштагы учурун салыштырып, видеоролик жасады.

Баткендеги чек ара жаңжалында, абал чыңала баштаганда максаттыктар оокат-жайы, документтери эсине келбей балдарын жетелей качкан. Абал салыштырмалуу тынчып, айылдагылар үч күндө кайтып келип, күлгө айланган тамды бозоро тиктеп отуруп калды.

Тажик тараптын чабуулунан социалдык объектилер да талкаланган. Сегиз жыл мурда жаңы салынган Максат орто мектеби жарактан чыгып, ал жерден миномёттун октору табылды.

Бала бакчаны да өрттөп жиберишкен, фельдшердик-акушердик пунктунун, милиция бөлүмүнүн төрт дубалы гана калган.

Баткендеги кандуу кагылыш

Адам өлүмүнө алып келген Баткендеги кандуу кагылышуу 28-апрель күнү кечинде башталып, ок атылып, калаба 2-3 күнгө созулуп кетти. Натыйжада 36 кыргызстандык жаран көз жумуп, 150гө чукул киши октон, таштан жаракат алып ооруканага түштү.

8015
Белгилер:
чатак, кыргыз-тажик чек арасы, Тажикстан, Кыргызстан
Тема:
Баткендеги кыргыз-тажик жаңжалы (218)
Тема боюнча
Чек ара чатагынан келтирилген зыяндын көлөмү. Алдын ала маалымат
Баткендеги чек ара чырынан 4 жашар бөбөк чарчап калды

Бир айыл 5 уулун жоготту. Турдубайдын чек арада окко учканын 4 баласы биле элек

622
(жаңыланган 17:11 06.05.2021)
Балдары көчө чаң ызгыта ойноп, күлкүсү жаңырчу Кара-Бак айылында энелердин көз жашы төгүлүп, боздогон ыйы угулуп жатат. Кыргыз-тажик жаңжалында бул айылдан беш жигит набыт болгон. Алардын бири 33 жаштагы Турдубай Саттаров.

Ал чыр чыккан күнү кечинде көзү өтүп кеткен атасына куран окутуп, ооз ачырмак. Эртең менен базарга барып азык-түлүк алып жүргөндө тажик тарап "Головной" суу бөлүштүрүүчү жайын "басып алган жатат" деп уккан. Бирок ал учурда акыркы суусун ичип жатканын билген эмес. Тилекке каршы, кечинде атасына куран окутуунун ордуна өзү шейит кетти.

Sputnik Кыргызстандын кабарчылары барганда маркумдун апасы үйүндө өзүнө келе албай жатканын айтышты. Ал эми балдары атасынын көз жумганын биле элек экен.

Маркумдун агасы (атасынын бир тууган иниси) Илияз Саттаров Турдубай суунун башында окко учканын айтат.

"Базардан алган азык-түлүгүн үйгө алып келип таштап, кайра "Головнойго" бараткан машинанын артынан өзүнүн унаасы менен кууп барып, чыгып кетиптир. Унаасын тээ май куюучу жайдын жанына калтырган экен. Булар барганда эле куралчан тажиктер атып, кырып салыптыр да. Турдубай иним токтоо, кичи пейил, адамгерчиликтүү, бүт эл-журтка, туугандарга күйүмдүү эле. Ушуга чейин бир жерде бейчеки басканын көргөн жокмун", — деди Саттаров.

Турдубай Саттаровдун артында жубайы Кайры Абдирашит кызы чиедей бир уул, үч кызы менен калды.

"Эми эл катарына кошулуп Москвада кыйналып, аялы менен иштеп заңгыратып үй салды эле. Быйыл толук бүтүрүп күздө той кылам деп жаткан. Келиним эми ал үйдө кантип жашайт, балдары жаш болсо. Чоң уулу 3-класста окуйт, кичине кызы бир жашар. Кичүүсү үйгө машина келген сайын "ата" деп издеп жатат. Балдары билбейт азыр, "атаң Россияга кетти" деп койгонбуз", — деди маркумдун бир тууган эжеси Салтанат Саттарова.

Турдубай Саттаров жалгыз инисин 10 күн мурун Россияга иштеп келгени жөнөткөн. Суук кабарды угары менен ал айылына кайтып келди.

"Головной" суу таратуучу пункту Баткен районунун Кара-Бак айылынын тургундары үчүн да маанилүү. Себеби ошол жактан чыккан суу менен эгиндерин сугарышат.

Белгилей кетсек, "Головной" суу бөлүштүрүүчү жайында жалпысынан 25 жай тургун мерт болгон. Тажик тарап элге карата курал колдонуп, миномёт менен жардырган. Жаңы чыккан жагдайларда ылайык, бир чуңкурга жашынган 12 адамга миномёт снарядынын чачырандысы тийип жан берген. Ал жерге тез жардам унаасы да өтө алган эмес.

622
Белгилер:
бала, жубайлар, маркум, Баткен облусу, Кара-Бак
Тема:
Баткендеги кыргыз-тажик жаңжалы (218)
Тема боюнча
12 адам жашынган жеринде жан берген. Кандуу окуянын очогу “Головнойдон” кадрлар
Садагам кызым, периштем... Мадинаны жоктоп кан жуткан ата-эненин күйүтү

Кежир мамалак, кежигесинен тиштеген энеси. Бассейнге келген аюунун видеосу

133
Калифорниядагы (АКШ) Аркадия шаарынын жашоочусу Эрик Лян жаратылыш паркына жакын жайгашкан үйүнө, тагыраагы, үйдүн бассейнине жапайы аюунун төрт мамалагы менен келип, "киринип" кеткенин видеого түшүрүп калган.

"National Geographic Россия" сайты жапайы конок Angeles National Forest коругунун жашоочусу экендигин жазды.

"National Geographic Россия" сайты Angeles National Forest коругуна жакын аймактагы үйлөргө жапайы жаныбарлар келип каларын, бирок адатта бул эне аюудай болуп, кожойке катары жүрбөй тургандыгын жазды.

Кадрдан алгач аюунун бассейндеги сууда жаткандыгын, ал эми кургакта төрт мамалагы жүргөнүн көрүүгө болот. Бир топ убакыттан кийин суудан чыккан жырткыч шашпай басып, балдарын ээрчитип токойду көздөй жөнөгөн.

Бул окуянын баарын үйдүн кожоюндары айнектен жасалган дубал аркылуу видеого тартып турушкан.

Аюу шашылбай басып, адамдар келип калат деп чочулабай балдарын ээрчитип кеткени менен, бирөө бассейнди айланчыктап кетпей койгон. Башка мамалактары менен кайтып келген эне аюу алгач баласын тумшугу менен түрткүлөп алып кетүүгө аракет кылган. Бирок кичинекей кежир кеткиси келбей, чачыраган сууну айланчыктап туруп алган. Ачуусу келдиби же тажадыбы энеси мамалактын кежигесинен аярлап тиштеп, бир нече кадам барган. Бир аз айланчыктаган соң энеси жолун улап, анын артынан балдары ээрчип кетип бараткан учур менен видео аяктаган.

133
Белгилер:
мамалак, аюу, парк, жаратылыш, Калифорния, АКШ
Тема боюнча
Эшигин өзү ачып-жаап, баладай секирип ойноп. Чээнден чыккан аюунун видеосу
Головной суу бөлүштүрүүсү

Жапаров “Головной” суу бөлүштүрүү жайын модернизациялоо тапшырмасын берди

31
(жаңыланган 22:07 06.05.2021)
Садыр Жапаров Баткен облусуна барып, чек арадагы жаңжалда жабыркаган эл менен жолукту. Ошондой эле зыянга учураган объектилерди көрдү.

БИШКЕК, 6-май — Sputnik. Президент Садыр Жапаров "Головной" суу бөлүштүрүү жайын модернизациялоону тапшырды. Бул тууралуу өлкө башчынын маалымат кызматынан билдиришти.

  • Президент КР Садыр Жапаров во время выступления на военном полигоне Бужум в Баткенской области. 06 мая 2021 года
    Президент Садыр Жапаров "Головной" суу бөлүштүрүү жайын модернизациялоону тапшырды
    © Пресс-служба президента КР / Султан Досалиев
  • Военный полигон Бужум в Баткенской области во время визита президента КР. 06 мая 2021 года
    Баткен облусуна болгон сапарында президент Садыр Жапаров бүгүн, 6-майда, “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президент Садыр Жапаров "Головной" суу бөлүштүрүү жайын модернизациялоону тапшырды

Баткен облусуна болгон сапарында президент Садыр Жапаров бүгүн, 6-майда, “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды.

“Мамлекет башчы суу бөлүштүрүүчү жайды жана объектти кайтарган аскердик бөлүк турган аймакты көрүп чыгып, тийиштүү мамлекеттик органдарга суу бөлүштүрүүчү жайды модернизациялоону тапшырды”, — деп айтылат билдирүүдө.

Ошондой эле Жапаров “Бужум” полигонундагы аскер кызматкерлеринин алдында сүйлөп жатып, мамлекет Куралдуу Күчтөрдүн алдындагы социалдык милдеттенмелеринин бардыгын аткара турганын жана күч түзүмдөрүнүн көйгөйлөрүн чечүүгө өлкө жетекчилиги тарабынан өзгөчө көңүл буруларын белгиледи.

31
Белгилер:
модернизациялоо, Садыр Жапаров, "Головной" суу бөлүштүрүүчү, Баткен
Тема:
Баткендеги кыргыз-тажик жаңжалы (218)
Тема боюнча
Чек арадагы жаңжалдын кесепети. Баткендин жүрөктү тилген сүрөттөрү
Бир айыл 5 уулун жоготту. Турдубайдын чек арада окко учканын 4 баласы биле элек