Чарльз Оливейра жеңил салмакта чемпион болуп, Хабибдин ордун ээледи. Видео

236
(жаңыланган 13:11 16.05.2021)
Абсолюттук мушкерлер уюму (UFC) Хьюстон шаарында өткөн UFC 262 турнириндеги кармаштардын кызыктуу ирмемдерин топтоп YouTube каналына жарыялады.

Кеченин башкы кармашында Чарльз Оливейра менен Майкл Чендлер жеңил салмактагы чемпион титулу үчүн салгылашкан. Оливейра каршылашын нокаутка кетирип, чемпион курун тагынган. Буга чейин ал кур Хабиб Нурмагомедовдо болчу.

Чарльз Оливейра празднует победу во время чемпионского боя в легком весе UFC 262 в Toyota Center в Хьюстоне, Техас (США). 15 мая 2021 года
© AFP 2021 / CARMEN MANDATO
Оливейра каршылашын нокаутка кетирип, чемпион курун тагынган. Буга чейин ал кур Хабиб Нурмагомедовдо болчу

Ушул эле видео топтомдон Антонина Шевченко менен америкалык Андреа Линин, Тони Фергюсон менен Бенеилу Дариушанын айыгышкан кармаштарын көрүүгө болот.

236
Белгилер:
видео, Чарльз Оливейра, мушкер, UFC
Тема боюнча
Антонина Шевченко америкалык Андреа Лиге жеңилип калды
Өзү деле билчү... Рамзан Кадыров Хабибди UFC уюмунун долбоору деп атады

Кыргызстанга "Спутник V" вакцинасынын үчүнчү партиясы келип түштү. Видео

36
(жаңыланган 20:37 17.06.2021)
Кыргызстан россиялык "Спутник V" вакцинасынын кезектеги, тагыраагы, үчүнчү партиясын алды. Препаратты коронавирус көбүрөөк тарап жаткан аймактарга беришет.

Бүгүн "Манас" эл аралык аэропортуна "Спутник V" вакцинасынын 80 миң дозасы жүктөлгөн учак келип конду. Бул россиялык препараттын үчүнчү партиясы. Буга чейин апрель менен майда 40 миңин алып келишкен.

Кыргызстан жалпысынан аталган вакцинанын 500 миң дозасына буюртма берген. Гуманитардык жардам менен дагы ушунча сандагысы келмекчи. Россиялык бул препаратты сатып алууга 215 миллион сом жумшалды. Дагы 815 миллион сом бөлүү чечилгенин Иммундук профилактика боюнча республикалык борбордун жетекчиси Гүлбара Ишенапысова билдирди. Анын айтымына караганда, келген партиялар эпидемиологиялык жактан көйгөй чыгып жаткан Бишкек, Ош шаарларына, Ысык-Көл, Чүй жана Жалал-Абад облусуна бөлүнмөкчү. Ал препараттын 40 миң адамды эмдегенге жетерин кошумчалады.

Саны чектелүү болгондуктан россиялык "Спутник V" вакцинасы өнөкөт оорусу барлар менен улгайган жарандарга гана сайылууда.

36
Белгилер:
вакцина, Спутник V, Россия, Кыргызстан
Тема:
Коронавируска каршы эмдөө
Тема боюнча
Вице-мэр: Бишкекте жамаат менен коронавируска каршы эмделсе болот
900 кишиге мөөнөтү өткөн вакцина сайылып... Нью-Йорктогу окуя

Айдоочуга сыноо, жүргүнчүгө азап берген жол. Бишкек Ош трассасынан репортаж

134
(жаңыланган 18:26 17.06.2021)
Бишкек — Оштун бүтпөгөн жолу айдоочулардын айласын кетирүүдө. Узаган аптанын дем алыш күндөрү өлкөнүн негизги трассаларында 15 адам набыт болду. Айдоочулар аңгектен качсаң дөңгөккө кептеген жол каргашанын бир себеби болуп жатканын айтат.

Аталган трассанын Жалал-Абад облусунун Ноокен районундагы Бүргөндү айыл өкмөтүнүн Ууру-Жар айылында өткөн аптанын аягында Mercedes-Benz үлгүсүндөгү жүк ташуучу унаа менен Honda Odyssey кагышкан. Кырсыктын кесепетинен жети адам мерт болду. Ал эми Чолпон-Атада үч жана Ноокат районунда алты адам каза тапты.

Буга президент Садыр Жапаров да көңүл буруп, ИИМге жол кырсыктарын алдын алуу ишин күчөтүүнү тапшырды.

Түндүк менен түштүк региондорун бириктирип турган жолдогу аң-чөнөктөр күн сайын көбөйүп жатат. Ал эми оңдоо иштери башталган тилкелер үч-төрт жылдан бери бүтпөй турат. Жолдордун абалын жеринен көрүп, көйгөйдү коомчулукка жеткирүү максатында Sputnik Кыргызстандын кабарчылары таксиге отуруп Ошко сапар алды.

Айдоочуларды түйшүккө салган шагыл жол шаардан чыгып Сокулук районуна киргенде эле башталат.

Бишкек — Кара-Балта жолун оңдоо иштери 2017-жылы башталган, анын узундугу 52,5 чакырымды түзөт. Жакында эле министрлер кабинети 2022-жылдын октябрында оңдоп бүтөрүн билдирди. Бул кыргыз өкмөтү бир жылда 10 чакырым гана жол кура аларын айгинелейт.

Таксист Чолпонбай Мамасадыков бул жол менен 20 жылдан бери каттайт. Ал бизге ар бир жерди коён жатагына чейин көрсөтүп берди.

"Сосновка" постунан өтүп Төө-Ашууга чыгып бараткан жолдо бирин-серин аң-чөнөктөр пайда боло баштаган. Хусейин Көлбаев атындагы туннелдин ичиндеги жол да бузулуп кеткенине күбө болдук.

Ал эми Төө-Ашуунун түштүк тарабына өткөндө айдоочулар айла жок сөгүнөт, себеби жолдун ар жери оюлуп кеткен. Аң-чөнөктөн качып айдаганда Суусамырдан чыкканга чейин автоунаа жылан сымал сойлоп бараткандай элес калтырат.

"Соңку эки-үч жылдан бери жолдор өтө жаман болуп кетти. Эгер бурулуштарда аңдан качам деп каршы тилкеге өтө койсо, ары жактан катуу келген унаа менен кагышып кетиши мүмкүн. Кээ бир жерлерди жамоо үчүн төрт бурчтук кылып кесип кеткен, бирок дароо асфальт төшөп койбой көпкө калтырып коюшат. Караңгыда аны көрбөй катуу барып түшүп калсаң дөңгөлөк жарылат, дисктер сынат. Азыр тетиктер дагы кымбаттады, дөңгөлөк эле 2500 сом", — деди таксист.

Мамасадыковдун айтымында, мурда жолго 10 саат убакыт кетсе, азыр 13 саатта жетип жатканын айтат. Мындан улам жеңил автоунааларда жол кире 1200дөн 1500 сомго кымбаттаган. Ал эми минивэндер 1000ден 1200 сомго көтөргөн. Буга күйүүчү майдын баасы өскөнү да таасир берди.

Ала-Бел ашуусунан ары унаа зуулдаган бойдон кетип Кочкор-Ата шаарына барып такалат.

Транспорт министрлиги Маданият — Жалал-Абад жолун оңдоого 2019-жылы киришкен. Анын узундугу 67 чакырым, 2022-жылдын аягына чейин куруп бүткөрүү пландалууда.

Учурда Ноокен жана Базар-Коргон райондорунун аймактарында шагыл жолдон чаң сапырылып жатат. Кээ бир жерге суу себилсе, көпчүлүк бөлүгүнө себилбейт экен. Мындан улам чаң ызгып жол туман сымал астыңдан көрүнбөй калат.

Жалал-Абад шаарынан чыккандан кийин Ошко чейин аң-чөнөк жок, асфальт бүтүн.

Таксисттер Бишкек — Ош жолун жакшы билбегендерге кырсыктан оолак болуу үчүн күндүз гана жолго чыгууну сунуштайт.

Жыйынтыктап айтканда, эгер өкмөттүн планы кынтыксыз аткарылса, айдоочулардын түйшүгү жеңилдеп, түз жол менен каттап калат. Ага чейин абайлап, этияттык менен жүрүү талап кылынат.

134
Белгилер:
репортаж, трасса, айдоочу, Бишкек – Ош жолу
Тема боюнча
Ноокенде бензовоз оодарылып, 15 тонна солярка жолго төгүлдү. Сүрөттөр
Унаанын дөңгөлөгү жарылып кеткен. Баткендеги жол кырсыктан бир киши каза тапты
Айыл, суу чарба жана аймактарды өнүктүрүү министри Аскарбек Жаныбеков. Архив

Министр: Орто-Токой суу сактагычындагы суу бир айга гана жетет

0
(жаңыланган 23:35 17.06.2021)
Министр Орто-Токой суу сактагычында 224 миң куб суу калганын айтып, сууну эл өзүм билемдикке салып колдонбошу керектигин эскертти.

БИШКЕК, 17-июн. — Sputnik. Эгер суунун чыгымы азыркыдай көп болсо, анда 15-20-июлда Орто-Токой суу сактагычында суу калбай калат. Бул тууралуу Айыл, суу чарба жана аймактарды өнүктүрүү министри Аскарбек Жаныбеков Жогорку Кеңештин жыйынында билдирди.  

"Орто-Токой суу сактагычында 224 миң куб суу калганын айтып коюшум керек. Эгер биз аны азыркыдай иштетсек, 15-20-июлда ал жакта суу жок калат. Суу сактагыч беш дарыядан барган суу менен толот. Быйыл нормадан 50 пайызы гана келип жатат. Кырдаалдан чыгуунун бир эле жолу бар. Ал график боюнча кезектешип сугаруу жана скважинаны иштетүү", — деди министр.  

Аткаминер эл сууну өзүм билемдикке салып бөлүштүрбөшү керектигин эскертип, суу  чарбасы бөлүштүргөн графиктин негизинде иш алып барышы керектигин белгиледи.  

Чүй облусундагы суу тартыштыгы дыйкандарды убайымга салды. Алардын эгин талаалары куурап, бир жылдык түшүмдөн кол жууп калуу кооптуулугу бар. Бийлик өкүлдөрү тоолордо күн жылыбай, мөңгүлөрдүн эрибей жатканы көйгөйдүн бирден-бир себеби экенин айтууда.
© Sputnik / Акылбек Батырбеков , Эмиль Садыров
"Эгер суу бөлүштүрүү боюнча график сакталса, суу баарына жетет. Суу ресурстары боюнча агенттикте 4 600 адам иштейт. Көбүнүн айлыгы 4600-4800 сом. Ага карабай бул адамдар каналда күнү-түнү иштеп, аракет кылып жатышат", — деди Жаныбеков.  

Буга чейин Суу ресурстары боюнча мамлекеттик агенттиктин жетекчисинин орун басары Абдыбай Жайлообаев июлда сугат суусу азыркыдан да тартыш болушу мүмкүн экенин божомолдогон.

0
Белгилер:
министр, бөлүштүрүү, айыл чарба, суу, Орто-Токой суу сактагычы
Тема боюнча
Сабиз менен картошканы сыртка сатууга тыюу салынат
Бийлик өкүлдөрү суу эмнеге кескин азайып кеткенин түшүндүрдү