Казак мушкеринин күттүргөн жеңиши. UFC уюмунун жаңы турниринин видеосу

175
(жаңыланган 13:11 23.05.2021)
Жекшембиге караган түнү Невада штатында UFC Вегас 27 турнири өтүп, казак мушкери Дамир Исмагулов көптөн күткөн жеңишин камсыздады.

Турнирдин эң кызыктуу учурлары UFC Russia YouTube-каналына жүктөлдү.

Мелдештин башкы беттешинде америкалык мушкерлер Коди Гарбрандт менен Роб Фонт кез келип, калыстардын чечими менен Фонт жеңишин майрамдады.

Дагы бир башкы беттешинде кытайлык Ян Сяонань менен америкалык Карла Эспарза кармашып, Эспарза техникалык нокаут менен утту. Бул айым UFC уюмунун 52 килограмм салмактагылар арасында алгач ирет чемпион болгонун белгилей кетели. Кийин полльшалык Йоанна Енджейчикке алдырып ийген.

Казак мушкери Дамир Исмагулов бразилиялык Рафаэль Алвести калыстардын чечими менен жеңди. Ал ар кандай себептер менен 2019-жылдан бери UFC октагонуна чыга элек болчу.

175
Белгилер:
видео, турнир, беттешүү, UFC
Тема боюнча
Чарльз Оливейра жеңил салмакта чемпион болуп, Хабибдин ордун ээледи. Видео
Алдыда бир эле жол бар. Антонина Шевченко жеңилген соң биринчи ирет үн катты

Россиянын аскер учагы Кара деңизде британиялык кемени кантип токтотту. Видео

123
(жаңыланган 23:54 23.06.2021)
Россиянын Коргоо министрлиги Кара деңизде Улуу Британиянын Degender эсминецинин үстүнөн аскер учагы кантип учуп өткөнүн көрсөттү.

Кеме бүгүн Кара деңизден чек араны мыйзамсыз кесип өткөн. Россиялык учкучтар эскертүү катары эсминецтин жолун аткылап, авиабомба таштаган.

Ошондой эле кеменин өзүнө карата курал колдонуларын эскерткен.

Британия эсминец тынчтык жүрүшү менен бара жатканын айткан. Ал эми Россия бул окуя учурунда БУУнун деңиздеги укуктар боюнча 1982-жылкы конвенция бузулду деп эсептейт.

123
Белгилер:
чек ара, учак, кеме, деңиз, Улуу Британия, Россия
Тема боюнча
Кара деңизге жеткирилген артиллериялык, десанттык кемелер. РФ флоту эмнени көздөөдө?

Кескелдирикти кебелбей жутуп койгон кобранын видеосу

193
(жаңыланган 19:02 23.06.2021)
Жыланга жолуккан кескелдирик канчалык жан далбас кылып бошонуп кетүүгө аракеттенгени менен кутула албай, курмандыкка айланды.

"National Geographic Россия" сайты Крюгер паркында болгон окуя тууралуу жазды.

Ал жердеги туристтер биринчи мозамбик кобрасын байкашкан. Жылан көздөп турган олжосуна дароо кол салбай, бир аз байкоо салып турган. Кыймылсыз жаткан кескелдирик качууга аракет кылып секиргенде кобра андан да катуу ылдамдык менен муунта, бекем оролуп алганга жетишкен.

Берки жаныбар канчалык аракет кылып чабалактаганы менен баары бир кутула албай, акыры жем болгон.

Видеодон алгач кумдуу жерде экөө кармашып, бирок баары бир кобра артыкчылык кылып, бир нече убакыттан кийин кескелдирикти толугу менен жутуп, андан соң чөптү аралай сойлоп кеткендигин көрүүгө болот.

193
Белгилер:
уу, кескелдирик, кобра, Крюгер паркы
Тема боюнча
Илбирс камераны аз жерден чайнап кое жаздады. Видео
Бир бакта өскөн 40 түрлүү жемиштер. Видео