"Кыргыз Флойд" мээлейсиз мушташтагы кезектеги атаандашын сулата чаап утту. Видео

252
(жаңыланган 11:28 03.06.2021)
Беттештен кийинки сөзүндө кыргызстандык спортчу ким менен таймашпасын аягына чейин кармашарын белгиледи.

Кыргыз мушкери Самат Абдырахманов Hardcore Fighting Championship мелдешинин кезектеги этабында атаандашын нокаутка кетирип, жеңишке жетти. Беттештин видеосун аталган уюм өзүнүн YouTube каналына чыгарган.

27-майда Москвада аталган гран-при мелдешинин квалификациялык этабында Кыргыз каймана атты алып жүргөн Абдырахманов россиялык Лео кайманы ысымдуу Анатолий Скрыпник менен кез келип, биринчи эле раундда сулата чапкан.

Беттештен кийинки сөзүндө кыргызстандык мушкер ким менен таймашпасын аягына чейин кармашарын айтты.

"Кыргыз эли ар дайым өз эл-жери, мекени үчүн бекем туруп, согушуп келген. Мен үч миң чакырым алыс жерден келгем. Ошон үчүн жеңилүүгө акым жок", — деген спортчу.

Ошондой эле ал өзү жашап, машыккан Россиянын Тюмень шаарына салам жолдогон.

Ал буга чейин башкыртстандык Вячеслав Орлов менен мелдештин экинчи сезонунда беттешип, алгачкы раундда эле атаандашын нокаутка кетирген.

Ыкчам кыймылы, күтүүсүз жана сулатуучу чагылгандай тез соккулары үчүн кыргыз мушкерин лиганын алып баруучулары "Кыргыз Флойду" деп атап коюшкан.

Hardcore Fighting Championship уюмунун экинчи сезонунда ар кайсы салмак категориялары боюнча тандалма мелдештер өтөт. Финалга чыккандар Гран-при үчүн ат салышат. Биринчи орунду алган спортчуга — BMW автоунаасы, экинчиге —  миллион рубль, үчүнчүгө 500 миң рубль берилет.

252
Белгилер:
Самат Абдырахманов, нокаут, беттешүү, мушкер
Тема боюнча
Боксчулар Азия чемпионатынан төрт коло медаль менен кайтты. Сүрөт
Грек-рим боюнча күрөштүн балбандары Түркиядагы мелдешке Грузиядан даярданышат

Чектөө киргизбейбиз. Улукбек Мариповдун видео кайрылуусу

277
(жаңыланган 19:52 24.06.2021)
Министрлер кабинетинин төрагасы Улукбек Марипов кыргызстандыктарга кайрылды. Ал коронавирус пандемиясы учурунда ар бир адам өзү жана жакындарынын ден соолугу үчүн социалдык жоопкерчиликти сезиши керектигин эске салды.

Мариповдун айтымында, өкмөт массалык иш-чараларды эске албаганда чектөө киргизүүгө камынган жок.

"Ар бирибиз жакындарыбыздын ден соолугу үчүн социалдык жоопкерчиликти сезишибиз керек. Бул сиздердин коронавирус пандемиясы менен күрөшкө кошкон салымыңыздар болот. Биз 2020-жылдын июль айы кандай болгонун эсибизден чыгарган жокпуз. Ошол окуялардын кайталанышын эч ким каалабайт. Ар бирибиздин санитардык нормаларды сактаганыбыздан айланадагы адамдардын саламаттыгы көз каранды. Өзүңүздөрдүн жана жакындарыңыздардын жашоосун коркунучка кептебеңиздер. Эл көп топтолгон жерлерге, тойлорго барууну азайтыңыздар", — деди Марипов.

Өкмөт башчы вакцинаны биринчи кезекте улгайган адамдар алышы керектигин белгиледи. Ал ошондой эле өзү дагы жакында эмдөөдөн өтөрүн кошумчалады.

277
Белгилер:
эпидемия, коронавирус, Улукбек Марипов
Тема:
Коронавируска байланыштуу Кыргызстандагы кырдаал
Тема боюнча
COVID: эмделер алдында антителого тест тапшыруунун зарылдыгы барбы
Министр: Кыргызстанда коронавирустун бардык штаммы болушу мүмкүн

"Россия сегодня" 80 жылдык мааракесин белгилеп жатат. Видео

47
"Россия сегодня" эл аралык маалымат агенттиги бүгүн 80 жылдыгын белгилеп жатат. Эл аралык алдыңкы медиагруппанын тарыхы 80 жыл мурда, Совинформбюро түзүлгөндө башталган.

Ондогон жылдардан берки убакыт аралыгында агенттиктин аталышы "Новости", РИА "Новости", "Россия сегодня" болуп өзгөрдү. Бирок журналистиканын жогорку деңгээли менен ишке болгон жоопкерчилик ошол бойдон калды.

"Россия сегодня" 200 шаарда иш алып барып, 32 тилде, күнү-түнү Россияда жана дүйнөдө болуп жаткан жаңылыктар менен кабардар кылат.

47
Белгилер:
маалымат агенттиги, "Россия Сегодня" ЭМА
Тема боюнча
"Өздүгүн жашырууга аракет кылган". Facebook кимдин цензурасынан өтөт?
Москвадагы эл аралык мамилелер институту. Архив

Москвадагы эл аралык мамилелер институтуна сунушталган КР жарандары. Тизме

0
(жаңыланган 00:10 25.06.2021)
Талапкерлерди министрликтин Сынактык тандап алуу боюнча комиссиясы аныктап, алардын ЖРТда алган упайы жана англис тили боюнча тестирлөөнүн жыйынтыгы эске алынган.

БИШКЕК, 24-июн. — Sputnik. КРдин Тышкы иштер министрлиги Эл аралык мамилелер боюнча Москва мамлекеттик институтуна кабыл алууга сунушталган кыргызстандыктардын тизмесин жарыялады.

Мекеменин маалымат кызматы абитуриенттерди тандоо иши Россия менен Кыргызстандын ТИМинин ортосундагы кызматташуу программасынын алкагында жүргүзүлгөндүгүн билдирди.

"Сынактык тандап алуу боюнча комиссия ЖРТнын жана англис тили боюнча тестирлөөнүн жыйынтыктарын алды. Ошондой эле тандалган багыттар боюнча эң жогорку баллга ээ болгон талапкерлердин тизмесин бекитти", — деп айтылат маалыматта.

Талапкерлердин тизмеси

Бакалавриат

  • Абдымаликова Айзада Абдымаликовна (багыты эл аралык мамилелер)
  • Чалбаев Ильдар Уланбекович (багыты эл аралык мамилелер)
  • Абылгазиева Айша Таалайбековна (багыты чет өлкөлүк аймак таануу)
  • Эрматова Саадат Сэйитбековна (багыты юриспруденция)
  • Мукаева Бермет Айдарбековна (багыты юриспруденция)
  • Маликова Дарин Маликовна (багыты экономика)

Магистратура

  • Бердиев Арген Равшанович (багыты эл аралык мамилелер)
  • Караева Айжана Мааданбековна (багыты юриспруденция).
0
Белгилер:
тизме, талапкер, Россия, Кыргызстан
Тема боюнча
МГИМО кыргызстандык абитуриенттерди кабыл алат. Шарт-талабы
Кыргызстандын 10 мыкты бүтүрүүчүсү тандап алган окуу жайлар
Россиялык университет кыргызстандык студенттерди кабыл алууда. Шарт-талабы