"Афраварк", "Хуйман". Министр менен ЖК депутатынын жарыша жаңылган видеосу

874
(жаңыланган 18:12 03.06.2021)
Жогорку Кеңештин депутаты Өмүрбек Бакиров менен саламаттык сактоо жана социалдык өнүктүрүү министри Алымкадыр Бейшеналиев кезеги менен тилинен жаңылды.

Депутат министрден өлкөдө канча жеке менчик лаборатория ПЦР-тест алып, анализ жүргүзүп жатканын сураган.

Ал төрт фирмага уруксат берилгенин айтып, санап берди. Бирок аталыштарын минтип бурмалап алды: "Бонецкий" (Бонецкий лабораториясы), "Афраварк" ("Аква Лаб"), "Евролаг" ("Евролаб").

"Буларда бүт санитардык талаптар аткарылып жаткандыктан уруксат бергенбиз. Көбү эле кылабыз деп жатат, бирок шарттары жок", — деди министр.

Андан соң депутат "мисал үчүн "Хуйман" дегени бар "Human" туурабы?" деп тактады.

Министр депутаттын жаңылган сөзүн оңдойм деген тейде өзү да жаңылып, "Гуман" деп атап, башка лабораторияларга ПЦР-тест алууга уруксат берилбегенин айтты.

874
Белгилер:
лаборатория, Алымкадыр Бейшеналиев, Өмүрбек Бакиров

Адамдын боорукерлиги: суу каптаган апааттан кирпини сактаган кишинин видеосу

77
(жаңыланган 12:17 21.06.2021)
Крымдын аймагын каптаган кубаттуу циклон түйшүк жаратып, элди бир топ чыгымга кириптер кылды. Аймактарды каптаган суу киши боюна жакындаган. Чыгыш-Крым тарыхый-маданий музей-коругу суу ташкында кирпини алардын кызматкери куткарган видеону жарыялады.

Кадрдан сууга түшүп кетпегенге аракет кылып жаныбардын калкыган темирге бекем жабышып турганын көрүүгө болот. Эгерде ирим бир аз эле күчтөнсө, колдун башындай болгон кирпини суу жууп кетери турган иш эле. Жаныбарды байкап калган корук кызматкери аны аярлап алып, "жай" издеп жүргөнү тартылып калган.

Адатта адамдын колуна келгенде качканга аракет кылып, буттарын тыбырчылатып жиберчү кирпи чечендин каршылык кылбай, көздөрүн тостойткон тейде тынч турганы кадрга түшүп калган.

Ал суу биринчи кабатына бир аз жетпей калган үйлөрдүн бирине барып, жашоочусу менен сүйлөшүп, кирпини коопсуз колго тапшырган. Улгайган адам балкондон жипке байлап баштык түшүрүп, ага салынган жаныбарды кайра өзүнө тартып алган.

Маалыматта суу кечип, кирпиге жаңы кожоюн издеп жүргөн ак пейил адам Анатолий Щербак аттуу кызматкер экени айтылган.

Видеонун аягында интернет-колдонуучулардын куткарылган кирпи үчүн ага ыраазылык билдиргенин окууга болот.

77
Белгилер:
суу ташкыны, суу, кирпи, Крым
Тема боюнча
Томпоңдоп чуркап, жыт алып качкан бала аюу. Сары-Чат—Ээр-Таштан тартылган видео

Индия: кабыландын итти жаткан жеринен тамактап, көтөрүп кеткен видеосу

244
(жаңыланган 08:49 21.06.2021)
Индияда үйдүн алдында жаткан итти кабыландын байкатпай келип басып калып, тамактан тиштеп караңгыны көздөй алып кеткен учуру видеого түшүп калган.

The Hindustan Times басылмасы бул окуя бир нече күн мурда Махараштра штатындагы Нашик шаарында болгонун жазды. Эртең менен ойгонгон үй ээси эшиктин алдынан тамчылаган канды көрүп, орнотулган камераны караган. 

Кадрдан бооз кабылан акырын басып келип, олжосун алгач жыттап, ит ойгонгондо дароо басып калганын көрүүгө болот. Андан соң темир тордон тиштеген итти эч буйдалбай көтөрүп өтүп кеткен.

Бул окуянын видеосу социалдык тармакка тездик менен тарап кеткен. Ошол аймактын жашоочулары жергиликтүү бийликтен айланада каңгып жүргөн кабыландар боюнча тиешелүү иш-чараларды көрүүнү талап кылышкан.

244
Белгилер:
олжо, ит, кабылан, Индия
Тема боюнча
Гепард, леопард, пантера... Жырткычтардын кыргызчасын атап беребиз
Ош шаардык тез жардам кызматынын диспетчердик бөлүмүнүн кызматкери. Архив

Ошто эпидемиологиялык абал курчуй берсе шаарга чектөөлөр кирет

0
(жаңыланган 21:49 21.06.2021)
Кыргызстандын экинчи борборунда коронавирус боюнча абал оор боюнча калып жаткандыгын айткан вице-мэр элди санитардык эрежени бекем сактоого чакырды.

БИШКЕК, 21-июн. — Sputnik. Ош шаарында коронавирус боюнча кырдаал курчуса, чектөөлөр кириши мүмкүн. Бул тууралуу аталган калаанын вице-мэри Эмиль Шадыханов айткандыгын муниципалитеттин маалымат кызматынан кабарлашты.

Бүгүн, 21-июнда, Ош шаарынын мэриясында эпидемиологиялык кырдаалды жөнгө салуу боюнча штабдын кезектеги жыйыны болгон.

"Учурда Ош шаарындагы абал оор боюнча калууда. Шаардыктарды эл көп чогулган жайлардан алыс болуп турууга чакырабыз. Эгер кырдаал курчуй турган болсо чектөөлөр кириши мүмкүн. Муниципалдык ишканаларда 65 жаштан жогорку курактагы кызматкерлер аралыктан иштөөгө өтөт", — деген вице-мэр.

Ал элди санитардык эрежелерди бекем сактоого чакырды.

21-июлга карата Ош шаарында коронавируска чалдыккандардын саны 54 болгон. Маалыматта стационарларга кайрылган жарандардын саны суткасына 700гө жетип жатканы айтылды.

Кыргызстанда акыркы мезгилде коронавирус жуктургандар көбөйүп жатат. Алдыдагы эки жумада ооругандардын саны кескин көбөйө турганы божомолдонду.

0
Белгилер:
чектөө, коронавирус, Ош шаары, Кыргызстан