Көз жумгандар 50гө жетти. Пакистанда поезддер кагышкан кырсыктын видеосу

230
(жаңыланган 11:56 08.06.2021)
Пакистандагы жол кырсыгынан каза болгондордун саны 50 кишиге жетти. Маалыматтарга караганда, алардын көбү уктап бара жаткан учурда эки поезд кагышкан.

Окуя эртең менен Пакистандын түштүгүндө болгондугун, жарадарлардын саны азырынча 100 адам деп берилип жатканын RT кабарлады.

РИА Новости аймакты так атап, адамдар Синд провинциясындагы темир жолдо каза тапканын билдирди. Маалыматта экспресс-поезд маңдай жактан келе жатып, рельстен чыгып кеткен поезд менен кагышкан.

Окуяга күбө болгондордун айтымында, жүргүнчүлөрдүн көбү ал учурда катуу уктап келе жаткан. Кагышуунун кесепетинен 12 вагон рельстен чыгып кеткен. Бир локомотив менен төрт вагон таптакыр эле талкаланып калган.

Учурда куткаруучулар талкаланган темирлердин арасынан адамдарды издеп жаткандыгы айтылды.

Пакистандын премьер-министри Имран Хан бул окуяга шок болгондугун билдирип, өлкөдөгү темир жолдордун бардыгынын коопсуздугун текшерип чыгууга буйрук берген.

230
Белгилер:
өлүм, жарадар, кагылышуу, кырсык, поезд, Пакистан
Тема боюнча
Казакстандагы каньондо мугалим менен окуучу кызды сел агызып кетти. Видео
Асфальт күбүгөн шырдактай көтөрүлүп, андан соң жарылып кетти. Ухандагы видео

Кескелдирикти кебелбей жутуп койгон кобранын видеосу

137
(жаңыланган 19:02 23.06.2021)
Жыланга жолуккан кескелдирик канчалык жан далбас кылып бошонуп кетүүгө аракеттенгени менен кутула албай, курмандыкка айланды.

"National Geographic Россия" сайты Крюгер паркында болгон окуя тууралуу жазды.

Ал жердеги туристтер биринчи мозамбик кобрасын байкашкан. Жылан көздөп турган олжосуна дароо кол салбай, бир аз байкоо салып турган. Кыймылсыз жаткан кескелдирик качууга аракет кылып секиргенде кобра андан да катуу ылдамдык менен муунта, бекем оролуп алганга жетишкен.

Берки жаныбар канчалык аракет кылып чабалактаганы менен баары бир кутула албай, акыры жем болгон.

Видеодон алгач кумдуу жерде экөө кармашып, бирок баары бир кобра артыкчылык кылып, бир нече убакыттан кийин кескелдирикти толугу менен жутуп, андан соң чөптү аралай сойлоп кеткендигин көрүүгө болот.

137
Белгилер:
уу, кескелдирик, кобра, Крюгер паркы
Тема боюнча
Илбирс камераны аз жерден чайнап кое жаздады. Видео
Бир бакта өскөн 40 түрлүү жемиштер. Видео

Согончогу менен гол киргизген футболчу. Бразилияда тартылган видео

112
(жаңыланган 10:32 23.06.2021)
Бразилиядагы футбол боюнча чемпионатта "Фламенго" жана "Брагантино" командаларынын ортосундагы мелдештин бешинчи турунда футболчу топту дарбазага согончогу менен киргизди.

Өзгөчө топту оюндун 12-мүнөтүндө "Брагантино" командасынын коргоочусу Адерлан де Лима Силва киргизген. Айып талаадан берилген топту дарбазанын тушунан согончогу менен тээп гол жараткан.

Оюн "Брагантино" командасынын пайдасына 3:2 эсеби менен аяктаган. Акыркы голду аталган команданын футболчулары соңку мүнөттөрдө киргизишкен.

30 жаштагы Адерлан де Лима Силва команданын оң жактагы коргоочусу. Ал 2021-жылы клуб менен эркин агент катары келишим түзгөн. Ага чейин "Брагантино" командасында макулдашуунун негизинде маал-маалы менен ойночу.

112
Белгилер:
видео, гол, чемпионат, Бразилия
Тема боюнча
Башын мыкчып... Гаитинин дарбазачысы өзүнө гол киргизип алган видео
Мектеп бүтүрүүчүнүн аттестаты. Архив

Эртең мектептерде аттестат бериле баштайт. Бүтүрүү кечеси болобу?

0
(жаңыланган 22:50 23.06.2021)
Райондук жана шаардык билим берүү башкармалыктары коштошуу аземи мектептин аймагында жана ата-энелердин биринин гана катышуусу менен өткөрүлүшүн көзөмөлдөө зарыл.

БИШКЕК, 23-июн. — Sputnik. Эртеңден тарта мектептерде бүтүрүүчүлөргө орто билими боюнча аттестат бериле баштайт. Бул тууралуу Билим берүү жана илим министрлигинен билдиришти.

Райондук жана шаардык билим берүү башкармалыктары коштошуу аземи мектептин аймагында жана ата-энелердин биринин гана катышуусу менен өткөрүлүшүн көзөмөлгө алышы шарт.

Мектеп жетекчилиги аттестат тапшыруу учурунда бүтүрүүчүлөрдүн өмүрү жана ден соолугу үчүн жооптуу. Коштошуу кечесин ресторан жана кафелерде өткөрүү үчүн акча чогултууга жол берилбеши керек.

0
Белгилер:
аттестат, бүтүрүүчү, мектеп, Кыргызстан
Тема боюнча
Усеналиев: "Алтын тамга" 11 жылдан бери өтүп келет
ЖРТнын жыйынтыгы менен алтын сертификат алгандар. Тизме