Тарт, кеттик! Эльбруста муздун жаракасына түшүп кеткен кишини куткарган видео

265
Эльбрус чокусунан түшүп келе жаткан эки альпинист багытынан адашып, алардын бири мөңгүдөгү жаракага түшүп кеткен. Окуя 5000 метрге чукул бийиктикте болгон.

Маалымат алгандан кийин Россиянын ӨКМинин Эльбрустагы издеп-куткаруу отрядынын жети кызматкери окуя болгон жерди көздөй жөнөгөн.

Видеодон куткаруучулар 4900 метр бийиктиктен альпинистти издөөгө киришкенде шамал болуп, кар тозоңун учуруп жатканын, бир нече кадам жерди көрүү да кыйынчылык жаратканын байкоого болот.

Анткен менен тажрыйбалуу адистер муздун жаракасына түшүп кеткен адамды акыры таап чыгышкан.

Видеонун толук версиясын куткаруучулардын Instagram баракчасындагы elbrusgo5642 аккаунтунан көрүүгө болот.

Посмотреть эту публикацию в Instagram

Публикация от ГИДЫ • ПРОВОДНИКИ • ЭЛЬБРУС (@elbrusgo5642)

Издөө иштери бороон-чапкынга карабай уланган. Жабырланган кишини муздун жаракасынан Азау жайыгына алып чыгып, Тез жардам кызматкерлерине өткөрүп беришкен.

Кадрдан алардын бири-бирине кыйкырып жаткан үндөрүн бурганак улам жулуп кетип жатканын көрүүгө болот. Алардын "таптык окшойт. Ал түшүп кеткен оюкту да кар жаап калыптыр..."  деп өз ара сүйлөшүп жатканы угулат.

Видеодон кыргыз тилдүүлөр котормосуз түшүнгөндөй "тарт, кеттик" деген куткаруучулардын биринин сөзүн да уга аласыз. Эске салсак, Эльбрус Россияга караган Кабардин-Балкар Республикасынын аймагында жайгашкан. Аймактын расмий тилдеринин бири — түрк тилине кирген карачай-балкар тили.

"5000 миң метрден ылдыйлап, аба ырайы бузулгандыктан катталган топтун бирөө муздун жаракасына түшүп кеткен. Ал жигит экинчи ирет төрөлдү, туулган күнүң менен. Катаал шартта таштап баса бербей, кырсык болгон аймактан кетпей турган досуна рахмат. Болбосо анын кайсы жерге түшүп кеткенин тапмак эмеспиз. Эльбрусчулар адам өмүрүн сактап калганга баладай сүйүнүп турабыз", — деп жазылган куткаруучулардын elbrusgo5642 аталышындагы баракчасында.

Постун алдына алар "эгерде адам өмүрүн сактап калсаң, демек жөн жашаган жоксуң" деген дагы бир жакшы сөздү жазып коюшкан.

Instagram баракчасына жарыяланган видеонун алдына denisbelgrad аттуу аккаунттун ээси куткаруучуларга ырахматын айткан.

"Ооруканадан чыксам силерге сөзсүз кирип кетем. Сиздер бүгүн менин өмүрүмдү сактап калдыңыздар. Өмүр бою унутпайм", — деп жазган ал.

Эльбрус — Чоң Кавказдын каптал кырка тоосундагы обочолонгон эки чокулуу тоо. Батыш чокусунун бийиктиги 5 642 метр, бул Россиянын эң бийик жери. Ал эми чыгыш чокусунуку - 5 621 метр. Ал дүйнөдөгү эң бийик чокулардын бирине кирет.

265
Белгилер:
куткаруучу, альпинист, Россия
Тема боюнча
Мен чыкчу дагы эки чоку бар. Эверестти багындырган Эдуард Кубатовдун видеосу

Атаандашын жонуна көтөрүп. Япониялык дзюдочу кыздын кубанткан видеосу

153
Чемпион болгон спортчу кыз финалда жаракат алган атаандашына ичи ачышканын билдирип, ага жакшылык кылууну чечкен.

Венгриянын Будапешт шааарында өтүп жаткан дзюдо боюнча дүйнө чемпионатында кыздар күрөшүнөн япониялык Сара Асахинанын атаандашына көрсөткөн бийик адамгерчилиги көрүүчүлөрдү кубантты. Ал таймашта бутунан жаракат алып аксап калган атаандашы Вакаба Томитаны далысына көтөрүп, татамиден (килем) чыкканга жардам бергенин Эл аралык дзюдо федерациясынын расмий сайты жазды.

Боорукер спортчу оппонентине ичи ачышканын билдирген.

"Эң оор беттеш финалда болду. Мен чарчап, жеңилип да калышым мүмкүн болчу. Ал жаракат алып калды. Ичим ачышты, ошондуктан ага колдон келген жардамымды берип, татамиден чыкканга көмөктөштүм", — деген ал.

Сүйкүмдүү окуянын видеосун Кыргызстандын улуттук дзюдо федерациясы өзүнүн Facebook баракчасына жарыялады. 

Анда дзюдо балбандары бийик адамгерчилиги менен дайыма коомчулукту таң калтырып келгени белгиленет.

Мелдештин жыйынтыгы аялдар күрөшүнөн +78 килограмм салмак категориясында төмөнкүчө болду:

  • Сара Асахина (Япония)
  • Вакаба Томита (Япония)
  • Мария Суэлен Альтеман (Бразилия) жана Беатрис Суза (Бразилия).
153
Белгилер:
Япония, Будапешт, дүйнө чемпионаты, дзюдо
Тема боюнча
Адамгерчилиги бийик экен! UWW Айсулуунун аракетин жылдын жагымдуу учуру деп атады
Акактап келе жаткан атаандашына суу сунган Көчкөнбаевдин ич жылыткан видеосу

Жети секундда сулата чапты. UFC 263 мелдешинин урунттуу учурларынын видеосу

174
(жаңыланган 14:51 13.06.2021)
13-июнда эртең менен аралаш мушташ боюнча UFC 263 турнири жыйынтыкталды. Мелдеш кызыктуу кармаштар, нокауттар жана реванштар менен коштолду.

Башкы беттеште промоушендин орто салмактагы чемпиону Исраэль Адесанья менен италиялык Марвин Веттори кез келди. Бул турнирде Нейт Диас Леон Эдвардс менен мушташты.

Эң жеңил салмактын чемпиондук наамы үчүн Дейвесон Фигередо менен Брэндон Моренонун реванштык беттеши, аягында Фигередонун атаандашына көрсөткөн урмат-сыйы мелдешке өзүнчө көрк берди.

Экс-чемпион, дивизиондун лидери жеңилип, чемпиондук курду алдырганына карабай атаандашын асманга көкөлөткөнүн UFC Russia өзүнүн Instagram баракчасына чыгарды.

Посмотреть эту публикацию в Instagram

Публикация от UFC Russia (@ufcrussia)

Ал эми америкалык мушкер Терранс Маккини дебюттук таймашында атаандашы Мэтт Фреволду жети секундада эле жыга чапты. Ал мекендешинин ээгине удаасы менен эки кубаттуу сокку урганда ал жерге сулк кулаган. Ийгилигине кубанган мушкер так секирип жатып бутун кокустатып алды. Алып баруучу Маккининин буту тизесинен чыгып кеткенин айтты.

174
Белгилер:
реванш, нокаут, беттешүү, турнир, UFC
Тема боюнча
Баш көтөртпөй... Абдыкааров OPEN FC Гран-при мелдешинин финалына чыккан видео
Ала-Тоо аянты. Архив

Дүйшөмбүгө карата аба ырайы

0
14-июнга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 13-июн. — Sputnik. Дүйшөмбүдө күндүз дыйканчылык аймактарда күн ачык болот. Тоолуу райондордо өткүн өтүп, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет билдирди.

Абанын температурасы Чүйдө +25...+30, Талас облусунда +24...+29, Ош, Жалал-Абад жана Баткенде +28...+33, Ысык-Көл аймагында +18...+23, Нарын жергесинде +17...+22 градус жылуу болот.

Күндүн табы борбор калаада +27...+29, Ош шаарында +30...+32 градуска чейин көтөрүлсө, Чолпон-Ата шаарында +18...+20 градусту көрсөтүп турат.

0
Белгилер:
Кыргызстан, аба ырайы
Тема боюнча
Июндун аягында кыргызстандыктар жылдыз жааган түнгө күбө болот