Ак аюулар чумкуп, ырахаттанып, дронго жүткүнүп. Чукоткадан тартылган видео

147
Чукотка деңизинде ак аюулар муздуу шыргалаң сууда ырахаттана чумкуп, балыктай сүзүп жүргөнүн ыктыярчы тартып алган.

Мындай сейрек кадрлардын автору — сүрөтчү жана "Аюу кайгуулу" деп аталган ыктыярчылар кыймылынын мүчөсү Максим Деминов. Алар Чукотка деңизине барган кезектеги сапарында адамдын көзүн кубанта турган көрүнүштү кадрга түшүргөн.

Видео бир нече ак аюунун дал үстүнөн тартылган. Муздуу суу үстүнөн караганда тоңуп бара жаткан майга окшогон элес калтырат. Жаныбарлар шыргалаң сууда ырахаттана сүзүп, ал тургай чумкуп кирип кетип, бир топтон кийин гана деңиздин бетине кайра чыкканын көрүүгө болот. Төбөсүндө учуп жүргөн дронду байкап, алардын бирөө алдыңкы буттарын сермеп кармап калууга да аракет кылып жүткүнгөн.

147
Белгилер:
муз, дрон, ыктыярчылар, аюу, Чукотка
Тема боюнча
Жаалданган бегемоттун туристтердин артынан сая түшкөн видеосу

Россиялык YouTube-блогер Бишкек менен кыргыздарды сүрөттөп берди. Видео

1388
(жаңыланган 11:18 19.06.2021)
Кыргызстанга россиялык саякатчы-блогер Лариса Булина келип кетти. Ал өз аудиториясына Бишкек жөнүндө гана көрсөтпөстөн, кыргыздардын ким экенин билүүгө аракет кылды.

Берүүнүн башында автор Бишкек мурдагы Советтер Союзунун курамындагы өлкө борборлорунун ичинен анча билине бербеген шаар экенин айтат. Ошол эле учурда калаанын уникалдуу экенине токтолот. Ага кыргызстандык YouTube-блогер Адилет Ногойбаев гид болуп берген.

Баарынан дагы блогер кыргыз таануучу Мелис Мураталиев менен маектешкени кызыгуу жаратат.

"Бишкекте бир нече күн жашап, көчөлөрүндө сейилдеп, эл менен сүйлөшүп жүрүп бул шаардын башкаларга окшошпогон өзгөчөлүгү эмнеде экенин түшүндүм. Көрсө шаардыктардын жан дүйнөсү ачык экен. Мээримдүү караган көздөр, жылмаюулар, меймандостук жана тамашакөйлүк... Мына Бишкектин жүзү. Бишкек мен үчүн эркиндикти сүйгөн, күчтүү, мекен жана адилеттүүлүк үчүн күрөшкөн адамдардын шаары болуп калды. Бул адамдар менен жыргалды дагы, түйшүктү дагы бөлүшө аласың. Бул шаар менин досторумдун шаары", — деди россиялык блогер.

Ошондой эле ал кийин көк бөрү спорту боюнча атайын берүү даярдоону пландап жатканын айта кетти.

1388
Белгилер:
туризм, блогер, Бишкек
Тема боюнча
Кыргызстанга кирүүнүн эрежеси. Кандай документтер талап кылынат?

Рекорд коём деген каскадёр дөңдү сүзүп көз жумду. Видео

288
Мотоцикл менен трюк жасап таанылган америкалык каскадёр Алекс Харвилл аралыкка секирип дүйнөлүк рекорд коём деп жатып каза тапты.

TMZ порталы жазгандай, каргаша 17-июнда Мозес-Лейк (Вашингтон штаты) шаарында болгон. Бул жолу Харвилл мотоцикли менен жүз метрден ашык аралыкка секирүүнү ниет кылган.

Ошол жактагы көрүүчү өнөрпоздун акыркы мүнөттөрүн видеого түшүрүп калган. Кадрлардан көрүнүп тургандай, 28 жаштагы экстремал марага аз калганда дөңдү сүзүп кулаган.

Шоунун уюштуруучулары Харвиллдин секирүүсүнөн түшкөн акчанын бардыгын анын жакындарына берүүнү убадалаган.

Алекс Харвилл тажрыйбалуу каскадёр болгон. 2013-жылы мотоцикл менен 90,5 метр аралыкка секирип, дүйнөлүк рекорд койгон. Анын артында жубайы менен эки баласы калды, кичүүсү бир ай мурун төрөлгөн.

288
Белгилер:
видео, өлүм, мотоцикл, рекорд, каскадер
Тема боюнча
Жер жарылып унааларды жутуп кетти. Израилдеги окуянын видеосу
Бишкектеги түнкү жарыш. Архивдик сүрөт

Бишкекте түнкү жарыш старт алды. Сүрөт

0
(жаңыланган 22:29 19.06.2021)
Башында мелдеште 2000дей кишинин чуркашы күтүлсө, пандемияга байланыштуу 500үн кыскартууну чечишкен.

БИШКЕК, 19-июн. — Sputnik. Бишкекте бүгүн, 19-июнда, Toyboss Night Run 2021 түнкү марафону старт алды.

  • Участники забега Toyboss Night Run 2021 в Бишкеке
    Бишкекте бүгүн, 19-июнда, Toyboss Night Run 2021 түнкү марафону старт алды
    © Sputnik / Эркин Садыков
  • Участники забега Toyboss Night Run 2021 в Бишкеке
    Жарыш Чокон Валиханов көчөсү менен Чүй проспектинин бир бөлүгүндө өтөт
    © Sputnik / Эркин Садыков
  • Участники забега Toyboss Night Run 2021 в Бишкеке
    Башында 2000дей кишинин чуркашы күтүлсө, пандемияга байланыштуу 500үн кыскартууну чечишкен
    © Sputnik / Эркин Садыков
  • Участники забега Toyboss Night Run 2021 в Бишкеке
    Мелдешти Nomad Sport коомдук бирикмеси уюштурууда.
    © Sputnik / Эркин Садыков
1 / 4
© Sputnik / Эркин Садыков
Бишкекте бүгүн, 19-июнда, Toyboss Night Run 2021 түнкү марафону старт алды

Жарыш Чокон Валиханов көчөсү менен Чүй проспектинин бир бөлүгүндө өтөт.

Башында 2000дей кишинин чуркашы күтүлсө, пандемияга байланыштуу 500үн кыскартууну чечишкен.

Мелдешти Nomad Sport коомдук бирикмеси уюштурууда. Баш калаада жарыш үчүнчү ирет өтүүдө.

Белгилей кетчү жагдай, быйылкы жарышта катышуучулардан түшкөн каражаттын бир бөлүгү Кара-Балтадагы Улуттук Кызыл Ай коомунун балдар кризистик борборуна берилет. Аталган жайда эки жаштан 18 жашка чейинки 25 бала жашайт. Алар жетим балдар, мигранттардын балдары жана мүмкүнчүлүгү чектелген балдар болуп саналат.

Спорттук иш-чарада каалоочулар футболка, рюкзак сатып алып же диагностикадан өтүп балдар борборуна жардам бере алышат.

0
Белгилер:
спорт, жарыш, Бишкек
Тема боюнча
Көпкө күттүргөн жарыш. "Жаз деми" марафонунан видео