Парламенттеги мушташ. Боливиялык депутаттардын урушуп кеткен видеосу

119
(жаңыланган 09:46 10.06.2021)
Боливияда депутаттар жыйын учурунда массалык түрдө мушташып кетти. Уруш ИИМ жетекчиси эки жыл мурдагы мамлекеттик төңкөрүш боюнча айтып жатканда чыккан.

Парламентарийлердин бул кылыгын Pаgina Siete порталы өзүнүн YouТube каналына жүктөдү.

Портал министрдин билдирүүсү оппозициядагы депутаттардын кыжырын келтирип, бир даары аткаминердин позициясына макул эместигин айтып, кыйкырышкан. Нааразылык жараткан чиновникти "Социализмге карай" деп аталган бийликтин партиясы колдоп чыккан.

Алгач эки депутат жаакташа кетип, андан кийин мушташканга өткөн.

Кадрдан чапчылашкан парламентарийлердин полдо жатканын көрүүгө болот. Алардын арасында урушкандарды ажыратууга аракет кылгандар болгон. Акыры чыдабай кеттиби, айтор, ажыраткандардын катарында жүргөн Татьяна Аньес менен Мария Аланока аттуу депутаттар бири-бирин чачтан алганы видеого түшүп калган.

Мындай окуядан кийин парламенттин жыйыны токтотулган.

119
Белгилер:
мушташ, парламент, Боливия
Тема боюнча
Казакстандык жана украиналык футболчулар мушташа кетип, оюн токтоду. Видео

Адамдын боорукерлиги: суу каптаган апааттан кирпини сактаган кишинин видеосу

75
(жаңыланган 12:17 21.06.2021)
Крымдын аймагын каптаган кубаттуу циклон түйшүк жаратып, элди бир топ чыгымга кириптер кылды. Аймактарды каптаган суу киши боюна жакындаган. Чыгыш-Крым тарыхый-маданий музей-коругу суу ташкында кирпини алардын кызматкери куткарган видеону жарыялады.

Кадрдан сууга түшүп кетпегенге аракет кылып жаныбардын калкыган темирге бекем жабышып турганын көрүүгө болот. Эгерде ирим бир аз эле күчтөнсө, колдун башындай болгон кирпини суу жууп кетери турган иш эле. Жаныбарды байкап калган корук кызматкери аны аярлап алып, "жай" издеп жүргөнү тартылып калган.

Адатта адамдын колуна келгенде качканга аракет кылып, буттарын тыбырчылатып жиберчү кирпи чечендин каршылык кылбай, көздөрүн тостойткон тейде тынч турганы кадрга түшүп калган.

Ал суу биринчи кабатына бир аз жетпей калган үйлөрдүн бирине барып, жашоочусу менен сүйлөшүп, кирпини коопсуз колго тапшырган. Улгайган адам балкондон жипке байлап баштык түшүрүп, ага салынган жаныбарды кайра өзүнө тартып алган.

Маалыматта суу кечип, кирпиге жаңы кожоюн издеп жүргөн ак пейил адам Анатолий Щербак аттуу кызматкер экени айтылган.

Видеонун аягында интернет-колдонуучулардын куткарылган кирпи үчүн ага ыраазылык билдиргенин окууга болот.

75
Белгилер:
суу ташкыны, суу, кирпи, Крым
Тема боюнча
Томпоңдоп чуркап, жыт алып качкан бала аюу. Сары-Чат—Ээр-Таштан тартылган видео

Индия: кабыландын итти жаткан жеринен тамактап, көтөрүп кеткен видеосу

242
(жаңыланган 08:49 21.06.2021)
Индияда үйдүн алдында жаткан итти кабыландын байкатпай келип басып калып, тамактан тиштеп караңгыны көздөй алып кеткен учуру видеого түшүп калган.

The Hindustan Times басылмасы бул окуя бир нече күн мурда Махараштра штатындагы Нашик шаарында болгонун жазды. Эртең менен ойгонгон үй ээси эшиктин алдынан тамчылаган канды көрүп, орнотулган камераны караган. 

Кадрдан бооз кабылан акырын басып келип, олжосун алгач жыттап, ит ойгонгондо дароо басып калганын көрүүгө болот. Андан соң темир тордон тиштеген итти эч буйдалбай көтөрүп өтүп кеткен.

Бул окуянын видеосу социалдык тармакка тездик менен тарап кеткен. Ошол аймактын жашоочулары жергиликтүү бийликтен айланада каңгып жүргөн кабыландар боюнча тиешелүү иш-чараларды көрүүнү талап кылышкан.

242
Белгилер:
олжо, ит, кабылан, Индия
Тема боюнча
Гепард, леопард, пантера... Жырткычтардын кыргызчасын атап беребиз
Автоунаалар Бишкек - ​​Ош трассасында бара жатат

Шейшембиге карата аба ырайы

0
22-июнга караган түнү өлкөнүн кээ бир райондорунда өткүн өтүп, күн күркүрөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 21-июн. — Sputnik. Шейшембиде күндүз дыйканчылык аймактарда жаан-чачын болбойт. Бул тууралуу Кыргызгидромет билдирди.

Абанын температурасы Чүйдө +24…+29, Талас облусунда +22…+27, Ош, Жалал-Абад, Баткен аймактарында +31…+36, Ысык-Көлдө +19…+24, Нарын чөлкөмүндө +18…+23 градуска жогорулайт.

Күндүн табы Бишкекте +26…+28, Ош шаарында +34…+36, Чолпон-Атада +18…+20 градус ысыйт.

0
Белгилер:
Кыргызстан, июнь, аба ырайы
Тема боюнча
Маал-маалы менен өткүн өтүп турат. Бир жумага карата аба ырайы