Түштүк Кореяда беш кабаттуу үй эл ташып бараткан автобусту басып калды. Видео

381
(жаңыланган 17:23 10.06.2021)
Түшүк Кореянын шаарларынын биринде беш кабаттуу үй жүргүнчүлөрдү ташып бара жаткан автобусту басып калып, бери дегенде тогуз киши каза болду. Дагы сегиз адам ар кандай жаракат алганы айтылууда.

Korea JoongAng Daily порталы жазгандай, каргашалуу окуя Кванджу шаарында болгон. Имарат бузулуп жаткан учурда анын бир жак дубалы жол тарапка кулап, жакын жерде аялдамада турган автобусту басып калган. Каза болгондордун жана жаракат алгандардын баары жүргүнчүлөр.

​Түштүк Кореянын президенти Мун Чжэ Ин кылдат иликтөө жүргүзүүнү тапшырды.

381
Белгилер:
курмандык, кырсык, автобус, имарат, Түштүк Корея
Тема боюнча
Көз жумгандар 50гө жетти. Пакистанда поезддер кагышкан кырсыктын видеосу

Россиянын аскер учагы Кара деңизде британиялык кемени кантип токтотту. Видео

12
(жаңыланган 23:54 23.06.2021)
Россиянын Коргоо министрлиги Кара деңизде Улуу Британиянын Degender эсминецинин үстүнөн аскер учагы кантип учуп өткөнүн көрсөттү.

Кеме бүгүн Кара деңизден чек араны мыйзамсыз кесип өткөн. Россиялык учкучтар эскертүү катары эсминецтин жолун аткылап, авиабомба таштаган.

Ошондой эле кеменин өзүнө карата курал колдонуларын эскерткен.

Британия эсминец тынчтык жүрүшү менен бара жатканын айткан. Ал эми Россия бул окуя учурунда БУУнун деңиздеги укуктар боюнча 1982-жылкы конвенция бузулду деп эсептейт.

12
Белгилер:
чек ара, учак, кеме, деңиз, Улуу Британия, Россия
Тема боюнча
Кара деңизге жеткирилген артиллериялык, десанттык кемелер. РФ флоту эмнени көздөөдө?

Кескелдирикти кебелбей жутуп койгон кобранын видеосу

163
(жаңыланган 19:02 23.06.2021)
Жыланга жолуккан кескелдирик канчалык жан далбас кылып бошонуп кетүүгө аракеттенгени менен кутула албай, курмандыкка айланды.

"National Geographic Россия" сайты Крюгер паркында болгон окуя тууралуу жазды.

Ал жердеги туристтер биринчи мозамбик кобрасын байкашкан. Жылан көздөп турган олжосуна дароо кол салбай, бир аз байкоо салып турган. Кыймылсыз жаткан кескелдирик качууга аракет кылып секиргенде кобра андан да катуу ылдамдык менен муунта, бекем оролуп алганга жетишкен.

Берки жаныбар канчалык аракет кылып чабалактаганы менен баары бир кутула албай, акыры жем болгон.

Видеодон алгач кумдуу жерде экөө кармашып, бирок баары бир кобра артыкчылык кылып, бир нече убакыттан кийин кескелдирикти толугу менен жутуп, андан соң чөптү аралай сойлоп кеткендигин көрүүгө болот.

163
Белгилер:
уу, кескелдирик, кобра, Крюгер паркы
Тема боюнча
Илбирс камераны аз жерден чайнап кое жаздады. Видео
Бир бакта өскөн 40 түрлүү жемиштер. Видео