Жүрөк жылытат! Иттин чөгүп бараткан чаарчыкты сактап калган видеосу

170
АКШнын Алабама штатында жашаган Харли аттуу ит сууга чөгүп бараткан чаарчыкты сактап калган.

Иттин жүрөктү жылыткан мындай боорукерлиги тууралуу анын кожоюну Ральф Дорн жазып, сүрөт, видеого тартканын "National Geographic Россия" сайты кабарлады.

Ральф Дорн ити бир нече убакытка жок болуп кеткендиктен издей баштаган. Үйү көлдүн жээгине жакын болгондуктан, терезеден сууну чапчылап жаткан жандыкты көздөй сүзүп бараткан Харлини көргөн...

Эликтин баласы көлдүн ортосуна эмне болуп барып калганы белгисиз. Адатта чоңдору өз алдынча сүзүп кетет, ал эми балдары жалгыз калса чөгүп кетери турган иш.

Харли көлдүн ортосуна жетип, чаарчыкты абайлап тумшугу менен түртүп, кээде катарлаша сүзүп, жээкке алып чыккан.

Видеодон иттин камкордук менен эликтин баласын суудан түртүп чыгарып, калтырап турган чаарчыкты жалап, тынчтандырууга кылган аракетин көрүүгө болот.

Ральф Дорндун жазганына караганда, бир аздан кийин курганган чаарчык энесин ээрчип, түнөк жайы — токойду көздөй кирип кеткен.

Бир нече күндөн кийин кандайдыр бир дабышты уккан кожоюн эшикке чыгып, баягы чаарчыкты көргөн. Ал иттен биринчи сапардагыдай коркпой, тескерисинче, жыттап, айланчыктап жүргөнүн айтып берген.

Кинологдор кээ бир иттердин генинде башкаларды сактап, жардам берүүгө каалоосу күч болорун айтышат.

170
Белгилер:
сактоо, көл, ит, АКШ
Тема боюнча
Ит-мышык менен коюндашып жетим өскөн. Легендага айланган Сейталиев тууралуу 9 факты
Буту менен мойну өзгөчө узун ит АКШда жашайт. Видео

Күрмөсүн куюнга чечтирип жиберген футболчу. Боливияда тартылган видео

6
Боливияда футболдук беттеш башталар алдында күтүүсүздөн оюн талаасынын чаңын сапырган куюн башталып, оюнчулардын биринин күрмөсүн чечип кеткен.

Окуянын видеосун The Guardian өзүнүн YouTube-каналына жарыялады.

Окуя Ахокалла шаарында өтүп жаткан футболдук оюн учурунда болгон.

Кадрдан көрүнүп тургандай, командалар беттеш алдындагы саламдашуу маалында куюн күтүүсүздөн келген. Оюнчулар туш-тарапка качкан. Ага карабастан шамал спортчулардын биринин күрмөсүн жулуп кеткен.

Окуядан улам беттеш бир аз убакытка үзгүлтүккө учураган.

6
Белгилер:
видео, куюн, беттешүү, футбол, Боливия
Тема боюнча
Кинодогудай кооптуу! Стамбулдагы адам өмүрүн алган куюндун видеосу
Асманга кеткен жол сымал. Кытайдагы таңгалдырган куюндун видеосу

Балбан 1,5 тонналык тик учакты жердеги темири менен кошо көтөрдү. Видео

62
(жаңыланган 17:26 24.07.2021)
Пауэрлифтинг жана армрестлинг боюнча чебер, "Россиядагы эң күчтүү адам" наамынын ээси Эльбрус Нигматуллин 1476 килограммдык тик учакты жана жердеги платформасын көтөрүп кеткен. Таңгалдырган бул көрүнүш менен ал рекорд койгон.

Россиянын Экстремалдуу күчтөр федерациясы бул дүйнөдө теңдеши жок өзгөчө көрүнүш экендигин айтканын "Башинформ" агенттиги жазды.

Посмотреть эту публикацию в Instagram

Публикация от Russian Strongman Federation (@strongmanrussia)

Нигматуллиндин айтымында, мындай маанилүү ишке беш ай даярданган. Кадимки эле тренажерлорду колдонгон, атайын жасалган тик учак менен платформасын да көтөрүп көргөн.

"Ойлогонум орундалды. Конуп жаткан тик учакты көтөрүп, рекорд коюлган соң техника кайра учуп кеткидей кылып пландаштырганбыз", — деп айтып берди спортчу.

Балбан Нигматуллин бул рекордун Токидогу Олимпиадага кеткен Россиянын курама командасына жана дагы бир-эки иш-чарага арнагандыгын айтты.

62
Белгилер:
рекорд, тик учак, балбан, Башкырстан, Россия
Тема боюнча
Канадалык жети жашар кыз 80 килограммдык штанга көтөрүп таң калтырды. Видео
Кыргызстандык суучул Денис Петрашов. Архивдик сүрөт

Кыргызстандык суучул Петрашов Олимпиадада 27-орунду ээледи

0
(жаңыланган 19:21 24.07.2021)
Кыргызстандык атлет үчүн Олимпиада мелдеши аяктаган жок. 27-июлда ал брасс ыкмасында 200 метр аралыкка сүзүүдө жарышка чыгат.

БИШКЕК, 24-июл. — Sputnik. Кыргызстандык суучул Денис Петрашов Токиодогу Олимпиада-2020 оюндарында 100 метрлик аралыкка брасс ыкмасында сүзүү жарышында жеке рекордун жаңыртты. Бирок бул ага мелдештин жарым финалына чыгуусуна жардам бере алган жок.

Спорттун бул түрүнөн бүгүн жалпысынан 49 суучул ат салышкан. Петрашов төртүнчү жарышта таймашка түшүп, 100 метрге брасс ыкмасында 1 мүнөт 0,23 секундада келди.

Бул көрсөткүч менен кыргызстандык спортчу 27 орунду ээледи. Кыргызстандык атлет үчүн Олимпиада мелдеши аяктаган жок. 27-июлда ал брасс ыкмасында 200 метр аралыкка сүзүүдө жарышка чыгат.

0
Белгилер:
Олимпиадалык оюндар, Токио, суучул, Денис Петрашов
Тема боюнча
Токио: биринчи медалдар ойнотулду. Кыргызстандык Кубанычбекова орунга илинген жок