Мигранттар алданып калбайт. Иш издөө боюнча ЕАЭБде жаңы система ишке кирди

272
(жаңыланган 19:28 01.07.2021)
Унификацияланган издөө тутумуна беш өлкөнүн улуттук маалыматтык системасына катталып алгандан кийин кирип, ишти издей берсе болорун айтышты.

Бүгүн, 1-июлдан тарта, Евразиялык экономикалык биримдиктин алкагында "Чек арасыз жумуш" унификацияланган издөө тутуму иштеп баштады. Бул ЕАЭБ айдыңындагы санариптешкен биринчи долбоор.

Ал уюмдун ичиндеги жумуш орундарын жана жумушчулардын базасын кароого багытталган. Долбоордун жардамы менен ЕАЭБ өлкөлөрүнүн жарандары жумуш орду жөнүндө маалымат таап, жумуш берүүчү менен бардык жактарын талкуулоого мүмкүндүк алат.

Долбоор биримдиктин алкагында жумуш рыногунун санариптик инструменттер, улуттук маалыматтык системалар тарабынан улам кошулган вакансия, резюмелердин арбышынан улам өз ара тыгыз иштешин камсыздайт. Бул, жогоруда белгиленгендей, ЕАЭБ аймагында болот.

"Чек арасыз жумуш" долбооруна ЕАЭБге мүчө болгон беш мамлекеттин учурда иштеп жаткан системалары катышат. Алар иш жана персонал табуу боюнча "Горц" (Армения) деп аталган система; жумуш менен камсыздоо боюнча мамлекеттик кызмат (Беларусь); "Работа" аталышындагы маалыматтык портал – электрондук биржа, бул Казакстандын Эмгек жана калкты социалдык жактан коргоо боюнча министрлигинин алдында иштейт; Кыргызстандын Саламаттык сактоо жана жана социалдык өнүктүрүү министрлигинин алдындагы "Занятость" деп аталган эмгек рыногунун маалыматтык системасы; "Работа в России" деп аталган маалыматтык аналитикалык система, жумуш боюнча жалпы россиялык база(Россия).

Унификацияланган издөө тутумуна жогорудагы улуттук маалыматтык системаларга катталып алгандан кийин кирип, иш издеп, караштыра берсе болорун айтышты.

Член коллегии (министр)  Евразийской экономической комиссии по внутренним рынкам, информатизации, информационно-коммуникационным технологиям Гегам Варданян у стенда МИА Россия сегодня на Петербургском международном экономическом форуме - 2021.
© Sputnik / Павел Бедняков
ЕЭКтин Ички рыноктор, информатизация жана маалыматтык коммуникациялык технология боюнча министри Гегам Варданян
"Чек арасыз жумуш" долбоорунун унификацияланган издөө тутуму евразиялык аймакта санариптешүүнүн гана өнүгүшү эмес, ЕАЭБ жарандарынын иш менен камсыздоо тармагындагы толук кандуу санариптик экосистеманын калыптанышынын башталышы", — деген ЕЭКтин Ички рыноктор, информатизация жана маалыматтык коммуникациялык технология боюнча министри Гегам Варданян.

Аталган системанын пандемиядан кийин элдин иш табышына жакшы жардамчы болоруна үмүт артылып жатат.

Министр экономического развития РФ Максим Решетников во время брифинга в Доме правительства РФ.
© Sputnik / Дмитрий Астахов
Россиянын экономикалык өнүктүрүү министри Максим Решетников
"Чек арасыз жумуш" коронавирус пандемиясынан кийин жалпы эмгек рыногубузду калыбына келтирген инструменттердин бири болот деп ишенебиз. Чындыгында бул ЕАЭБ жарандарын жумуш менен камсыздоо боюнча толук кандуу экосистема түзүүгө жасалган биринчи кадам", — деген Россиянын экономикалык өнүктүрүү министри Максим Решетников.

Буга чейин "Чек арасыз жумуш" долбоорунун мигранттар үчүн да ишенимдүүлүк жаатында өтө пайдалуу болору айтылган. Тагыраагы, Евразия экономикалык биримдигинин алкагында жумушка орношууда тобокелчиликтерди азайтат дешкен.

Координатор ассоциации Замандаш, осуществляющей деятельность в сфере проблем миграции, Азамат Айтбаев
© Sputnik / Табылды Кадырбеков
Координатор ассоциации "Замандаш" Азамат Айтбаев
"Тиркеме аркылуу жумуштун шарттары, жоопкерчиликтери такталып, легалдуу жумушка орношууга мүмкүнчүлүк жаралат. Анткени өлкө ичинен келишим түзүп алса болот. Натыйжада жарандардан бир аз тыйын алып жумушка орноштурууну сунуштаган ортомчу компаниялар жоголот", — деген "Замандаш" ассоциациясынын координатору Азамат Айтбаев.

Долбоордун кыргызстандыктарга ЕАЭБге мүчө-мамлекеттердин жарандарына аталган биримдиктин ичинде эч кандай тоскоолдуксуз иш табууга жана иштөөгө мүмкүндүк берери да айтылган.

272
Белгилер:
Евразиялык экономикалык биримдик, мигранттар, жумушчу, орун, ишенимдүүлүк
Тема:
ЕАЭБдеги Кыргызстан (303)
Тема боюнча
ЕАЭБ өлкөлөрүндө азык-түлүктүн баасы кандай? Статкомдун маалыматы
Мишустин ЕАЭБ өлкөлөрү үчүн пайдалуу эки тиркеме иштелип чыкканын айтты

Нидерландда футбол фанаттары турган трибуна оюн учурунда урап түштү. Видео

90
(жаңыланган 12:17 18.10.2021)
Конокко барган команда жеңишти белгилөө үчүн фанаттары турган жакка келишкен. Алар ийгиликке секирип кубанып жаткан учурда трибуна урап түшкөн.

Нидерланддын Неймеген шаарындагы стадиондун трибунасы күйөрмандары менен кошо урап түштү.

Окуя өлкө чемпионатынын тогузунчу турундагы оюндун аягында болгон. "Витесс" клубу жергиликтүү НЕК менен беттешип, 1:0 эсебинде жеңишке жеткен. Беттештен соң жеңишти белгилөө үчүн футболчулар фанаттары турган трибунага келишкен. Күйөрмандар ийгиликке кубанып секирип жаткан учурда конструкция салмакты көтөрө албай урап түшкөн.

Кырсыктан эч ким жапа чеккен эмес. Кыйроого карабай "Витесстин" фанаттары майрамдоосун улантышкан.

Маалым болгондой, "Де Гофферт" стадиону 1939-жылдын 8-июлунда ачылып, 12 500 кишиге ылайыкташкан. Арена 2000-жылдын аягында заманга бап оңдолуп, 25-январда экинчи расмий ачылышы болгон.

90
Белгилер:
Голландия, стадион, трибуна, Кыйроо
Тема боюнча
Ошто көмүр жүктөлгөн унаа өтүп бара жаткан көпүрө урап түштү. Видео
Күйөрмандардын стадиондун үстүнөн кулаган мышыкты сактап калган кызыктуу видеосу

Бетин катканына карабай ургулап. UFC турниринин эң кызыктуу учурлары видеодо

123
UFC Russia YouTube каналы уюмдун Лас-Вегаста өткөн соңку турниринин эң мыкты учурларын чыгарды. Мушкерлердин кечеси кечээ (Бишкек убактысы боюнча таңда) өттү.

Кеченин башкы беттешинде америкалык спортчу кыздар Аспен Лэдд менен бразилиялык Норма Дюмонт кезикти. Жыйынтыгында Дюмонт калыстардын чечими менен утту.

Кеченин дагы бир башкы беттешинде беларустук Андрей Орловский дагы бразилиялык Карлос Фелипти калыстардын чечими менен жеңди.

Ошондой эле башкы карддын алкагында Жим Миллер Эрик Гонсалести нокаутка кетирсе, Манон Фиоро Майру Буэно Сильваны калыстардын чечими менен, ал эми Нейт Ландвер Людовит Клейнаны колду кайруу ыкмасынын жардамы менен утту.

123
Белгилер:
Лас-Вегас, UFC, беттешүү, кармаш, турнир, видео
Тема боюнча
Валентина Шевченко Кыргызстандын туусун коюп пост жарыялады
Бишкектеги текшерип көрүү, метрология жана сертификациялоо борборунун жетекчисинин орун басары Болот Нурматов

Нурматов: метрология жана стандартташтыруу багытында адистер жетишсиз

0
Бишкектеги текшерип көрүү, метрология жана сертификациялоо борборунун жетекчисинин орун басары Болот Нурматов кадрларды даярдоо абдан орчундуу маселе экендигин айтты.

Стандартташтыруу, метрология багыты боюнча учурда Кыргыз мамлекеттик техникалык, Кыргыз экономикалык университеттеринде адистерди даярдашат. Мындай маалыматты Болот Нурматов Sputnik Кыргызстан радиосунун эфиринде маек куруп жатып билдирди.

Нурматов: метрология жана стандартташтыруу багытында адистер жетишсиз

Анын айтымында, рынок экономикасынын шартында стандарттарга болгон өзгөрүү кыска мөөнөттө алмашып жатат.

"Стандартташтыруу, метрология багытында кадр маселеси орчундуу иш бойдон калууда. Адистерди окутуу, кайра даярдоо чоң күчтү жана көп каражатты талап кылат. Мисалы, советтик мезгилде стандарттарды өзгөртүүгө болжолдуу 20 жылдай керектелген. Ал эми бүгүнкү рынок экономикасынын шартында эки жылда жаңы стандарттарды иштеп чыгуу зарыл болуп калды. Демек, рынок тыным албай өзгөрүүлөргө дуушар болууда. Ага байланыштуу учурда Кыргыз мамлекеттик техникалык, Кыргыз экономикалык жана Кыргыз улуттук университеттеринде адистерди даярдоого көңүл бурулууда. Борбор жогорку окуу жайлар менен тыгыз иш алып барып жатат. Себеби илим менен практикалык иш айкалышканда гана жакшы жыйынтыкка жете алабыз", — деди Нурматов.

Ошондой эле жетекчи кесипкөй адистер өндүрүштө практикалык иштин жоктугунан улам жетпей жаткандыгын кошумчалады.

Подкасттын толук вариантын төмөнкү видеодон көрүңүз:

0
Белгилер:
сертификациялоо, кадрлар, өндүрүш, метрология, стандартташтыруу, Болот Нурматов
Тема боюнча
Садыков: эгемендүүлүккө жеткенден соң акысыз билим берүүнү жоготтук