Арменияда каламадан 40 метрлик бутерброд жасашты. Видео

81
(жаңыланган 09:58 05.07.2021)
Арменияда каламадан 40 метрлик бутерброд жасалып, ичине түрдүү сорттогу сыр менен жыпар жыттуу чөптөр кошулду.

Видео Sputnik Армения агенттигинин YouTube-каналына жүктөлдү.

"Айбуйс" аталышындагы фестиваль Енокаван айылында болгон. Мындай иш-чара өлкөдө дайыма өтүп келет. Максаты — түрдүү чөптөр менен чайларды туура пайдаланууну көрсөтүү.

Майрамдын алкагында каламадан бутерброд жасалган, аны армяндыктар "брдуч" деп коёт. Бул ирет калама үй-бүлөнүн, чөп-чар тынчтыктын, ал эми түрдүү сорттогу сыр дүйнө элине жакшылык каалоонун символу катары түшүндүрүлгөн.

81
Белгилер:
Армения, фестиваль, видео, калама, бутерброд
Тема боюнча
Ташкенттиктер рекорд коюп, узундугу он метр шишкебек жасашты. Видео

Кыргызстан AstraZeneca вакцинасынын 226 миң дозасын алды. Аэропорттогу видео

27
(жаңыланган 22:35 30.07.2021)
Кыргызстанга AstraZeneca компаниясынын коронавируска каршы вакцинасынын 226 миң дозасы жеткирилди. Бул COVAX глобалдык механизминин алкагында алып келинген биринчи партия.

Кыргызстандыктар үчүн мындан башка россиялык "Спутник V", кытайлык "Vero Cell" (Sinopharm) жана казакстандык "QazVac" жеткиликтүү.

Республикалык штабдын маалыматына караганда, AstraZeneca вакцинасы III фаза сыноосунун негизинде SARS-CoV-2 симптоматикалык инфекциясына каршы 70 пайызга эффективдүү жана Бүткүл дүйнөлүк саламаттык сактоо уюму тарабынан тастыкталган. Эмдөөдөн 18 жаштан жогорку курактагы адамдар өтө алышат. 1 жана 2-дозалардын ортосундагы аралык 4-12 жуманы түзөт.

COVAX - бул Вакциналар жана иммунизация боюнча дүйнөлүк альянс жана Эпидемияларга карата даярдыкты камсыздоо жаатындагы инновация боюнча коалициясы менен биргеликте ДССУ тарабынан чыгарылган эл аралык механизм.

Программа өндүрүштүк кубаттуулуктарды түзүүнү колдойт жана сатып алууларды жүргүзөт. Анын шарттары боюнча, кирешеси жогору өлкөлөр башка мамлекеттерге жардам берүү максатында вакциналардын акчасын төлөшөт.

27
Белгилер:
Кыргызстан, AstraZeneca, вакцина, аэропорт
Тема:
Коронавируска каршы эмдөө
Тема боюнча
Кыргызстанга AstraZeneca вакцинасы алып келинди. Видео
Мэрия: 10 киши чогулса мобилдик топ барып вакцина сайып берет

Кыргызстанда эмнеге апийим өстүрүлбөй калган? Кооптуу жылдарды баяндаган видео

257
Кезинде Кыргыз ССРинин сегиз районунда узак убакыт апийим өстүрүлүп, республика андан жакшы киреше тапкан. Эмнеге 47 жыл мурда көйгөйү көп өсүмдүктү эгүү толук токтотулганын Sputnik Кыргызстан агенттигинин видеосунан көрүүгө болот.

Азыркы Кыргызстандын аймагында апийим орус падышачылыгы орногонго чейин эле өстүрүлүп, аны талааларга айдоо Октябрь революциясынан кийин да токтогон эмес, бирок мамлекеттин көзөмөлүндө болгон. Улуу Ата Мекендик согуш маалында кыргызстандык дыйкандардын түшүмүнө суроо-талап жогорулаган. Ал эми 1960-1970-жылдары Кыргыз ССРи дүйнө жүзүндө колдонулган апийимдин жалпы көлөмүнүн 16 пайызын, СССРдин фармакологиясынын 80 пайызын сырьё менен камсыздаган.

Ошол эле маалда ал жылдары апийимдин айынан кылмыштуулук да күч алган. Аны уурдап саткандар, баңгизат катары колдонгондордун саны кескин өскөн. Мындай терс көрүнүштөр республика башында турган Кыргызстан КП БКнын биринчи катчысы Турдакун Усубалиевди да тынчсыздандырган.

"Алгач биз чоң өлкөнү дары-дармек сырьёсу менен камсыздаган негизги республика болгонубузга сыймыктанчубуз, апийим өстүргөндөр өзүнчө эле эйфорияда жүрүшкөн. Апийим өндүрүшүн жогорулатып жатканда биздин республикага өлгүдөй коркунучтуу баңгилик — XX кылымдын чумасы келе жатканын билбептирбиз. Баңгизатка жетүүнү көздөгөндөрдү эч нерсе токтото албай калган. Алар талаада иштегендерге түшүм жыйнаганга чейин эле чоң акча берип жергиликтүүлөрдү мыйзамсыз аракеттерди жасоого мажбур кылган. Эгер ошол убакта апийим өстүрүү токтотулбаганда азыр эмне болмокпуз билбейм. Миңдеген адам ден соолугунан айрылып, Кыргызстан баңгизат менен шуулдангандардын ордосуна айланмак", — деп жазган өзүнүн китебинде Усубалиев.

Ошентип Кыргыз ССРинин башында тургандар аны өстүрүүнү токтотуу үчүн кайра-кайра Москвадагы борбордук бийликке барып, 1974-жылдан тарта республикада аны өстүрүүгө тыюу салдырган.

257
Белгилер:
Кыргызстан, апийим, тарых, видео
Тема боюнча
Таңгакталган доллар, баңгизат, курал. УКМК Баткенде депутатты кармады. Сүрөт
Кыргыздардын Памирде жашашы Афганистанга пайда. Кандаштарды эмне үчүн көчүрбөө керек
Жол кырсыгынан талкаланган унаа. Архив

Унаанын таш-талканы чыккан. Боомдогу үрөй учурган жол кырсыктын видеосу

0
(жаңыланган 00:40 31.07.2021)
Жол кырсыгы кечке жуук катталган. Окуяда жапа чеккендер тууралуу маалыматтар айтыла элек. Милициянын Кайгуул кызматы толук маалыматты кийинчерээк берүүнү убадалады.

БИШКЕК, 31-июл. — Sputnik. Боом капчыгайында үрөй учурган жол кырсыгы катталды. Жеринен тартылган видеону “Короче” телеграмм-каналы чыгарды. 

Окуя кечке жуук болгон. Кызыл-кочкул түстөгү Daewoo Nexia үлгүсүндөгү унаа каршы тилкени бөлүп турган бетон тосмого урунган. Жапа чеккендер тууралуу маалыматтар айтыла элек.

Видеодо көрүнүп тургандай, жеңил унаанын таш-талканы чыгып, жараксыз болуп калган.

Кырсык Боом капчыгайынын Ысык-Көл облусунун аймагында болгонун ИИМдин Жол кыймылы коопсуздугун камсыздоо башкы башкармалыгы тастыктап, толугураак маалымат кийинчерээк берилерин билдирди.

0
Белгилер:
жол кырсык, Боом капчыгайы, милиция
Тема:
2021-жылдын башынан бери Кыргызстанда болгон жол кырсыктар
Тема боюнча
Ысык-Көлдө минивен аласалып кетти. Жеринен тартылган видео