Рулда ичип алган айдоочуну көргөндө эмне кылуу керек. ЖКККББнын ролиги

141
ИИМдин Жол кыймылы коопсуздугун камсыздоо башкы башкармалыгы (ЖКККББ) ичип алып автоунаа айдаган айдоочуларды кезиктиргенде кандай чара көрүү керектиги тууралуу ролик жарыялады.

YouTube сервисине жүктөлгөн видеодо рулда бара жаткан айдоочу сыра ичкенин көрүүгө болот. Автоунаа катуу ылдамдыкта, жол эрежелерин бузуп бара жатат. Муну байкаган башка айдоочу телефон аркылуу ЖКККББнын нөөмөт бөлүмүнө кабарлайт. Андан соң жол инспекторлору ичип алган адамды токтотушат.

"Автоунаа кырсыктарынын көпчүлүгү жол кыймылынын эрежелеринин одоно бузулушу менен байланыштуу. Мисалы, ашынган ылдамдык, каршы тилкеге чыгуу, аралыкты сактабагандык, жөө адамдар өтүүчү чийиндерге көңүл бурбоо жана мас болуп айдоо", — дешти ЖКККББнын маалымат кызматынан.

Жол эрежелерин бузгандарды көрсөңүз (0312) 63-09-00, 63-09-01, 63-07-49, 100 (чалуу акысыз) номерлерине чалып же (0703) 63-09-00, (0708) 88-61-14 Whatsapp номерлерине кабарлаңыз.

141
Белгилер:
коопсуздук, айдоочу, автоунаа, эреже, ЖКККББ, Бишкек
Тема боюнча
"Ичтиӊби, унаа айдаба!". Ысык-Көл ЖКККБ жол кырсыгына байланыштуу ролик тартты

Кудум кинодогудай! Кытайдагы шаарды кум каптаган видео

135
Асмандын дээрлик жартысын ээлегендей элес калтырган кум бороон Кытайдын Ганьсу провинциясы менен Цзюцюань шаарын бир нече мүнөттөрдө эле аралап кеткен.

Окуяга күбө болгондор жаратылыштын бул кубулушун видеого тартып, социалдык тармакка таратып жиберген. Кадрдагы көрүнүш киши коркутпай койбойт.

Асмандын бетин бербей уюлгуган кум менен чаң шаарды тез эле басып калган. Маалыматтарда анын 10 мүнөт ичинде калаанын бир топ аймагын каптаганы айтылат.

Синьхуа агенттиги жол кыймылы буулуп, бир нече метрден кийин жол көрүнбөй калганын жазды.

Бактыга жараша, жаратылыштын бул кубулушунан адамдар жабыркаган эмес. Окумуштуулар мындай көрүнүш күн абдан ысыганда пайда болорун айтышкан.

135
Белгилер:
кыймыл, кино, бороон, кум, Кытай
Тема боюнча
Индияда суу астындагы жер көтөрүлүп, элди чочутту. Видео
Жүрөк үшүн алат! Чаңдуу бороон Казакстандын райондорун каптаган видео

Көчөдөн баса калып... ИИМ "Женгонун" жан сакчысын кармаган видеону жарыялады

543
(жаңыланган 11:59 26.07.2021)
Ошто "Женго" деген каймана аты бар кримтөбөлдүн айдоочу-жан сакчысы кармалды. Бул туурасында ИИМдин маалымат кызматы кабарлады.

Билдирүүгө ылайык, 26 жаштагы М.А. аттуу жаран уюшкан кылмыштуу топтун мүчөсү катары ИИМдин каттоосунда турган, Ош шаарында мурда соттолгон. Ошондой эле Ош шаары жана облусу боюнча кримтөбөл "Женгонун" айдоочу-жан сакчысы экени айтылат. 

"Ал 10-июль күнү алдын ала сүйлөшүлгөн адамдардын тобу менен бейбаштык кылган. Ош шаарындагы кафелердин биринин жанында Өзгөн районунун Куршаб айылынын тургунун бычак менен коркутуп, кол сумкасын тартып алган. Анын ичинде 1600 доллар жана 48 миң сом өлчөмүндөгү акча болгон", — деп айтылат маалыматта. 

Факт Жазык кодексинин 266-беренеси (“Бейбаштык”) менен каттоого алынган. Кармалган жаран Ош шаардык милициянын убактылуу кармоочу жайына киргизилди. 

543
Белгилер:
кармоо, жан сакчы, Дженго, Ош шаары
Тема боюнча
Унаасын алып, 300 миң сом талап кылган. Ошто Женгонун жакын адамы кармалды
УКМК криминалдык авторитет "Дженгого" издөө жарыялады
Крым Республикасынын туруктуу өкүлү Георгий Мурадов. Архив

Кыргыз-орус ишкерлер кеңешинин директору Крымдын туруктуу өкүлү менен жолукту

0
Жолугушууда Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланган.

БИШКЕК, 26-июл. — Sputnik. Кыргыз-орус ишкерлер кеңешинин аткаруучу директору Болот Дүйшөналиев Крым Республикасынын туруктуу өкүлү Георгий Мурадов менен жолукту. Бул тууралуу өкүлчүлүктүн маалымат кызматы билдирди.

"Жолугушууда Евразия экономикалык биримдигинин интеграциялык процессинин алкагында Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланды.  Ошондой эле ЕАЭБ өлкөлөрүнүн коомдук палатасын түзүүнүн келечеги тууралуу кеп болду", — деп айтылган маалыматта. 

Андан сырткары Крым менен ЕАЭБ өлкөлөрүнүн региондорунун активдүү кызматташуусун өнүктүрүүдө жаралган тоскоолдуктарды анализдөө темасына көңүл бурулган.

0
Белгилер:
Кыргызстан, Крым, жолугушуу, Евразиялык экономикалык биримдик
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду