Жарака кетип, талкаланган үйлөр. Тажикстандагы жер титирөөдөн кийинки видео

1556
Бүгүн түнү Тажикстандын түндүгүндө очогунда күчү алты баллга жеткен жер титирөө катталып, беш киши көз жумуп, турак жайлар талкаланды.

Sputnik Тажикстан агенттигинин жазышынча, Рашт жана Тажикабад райондорунун тургундары көп жабыр тартты. Жаратылыш кырсыгынан кийинки видеону социалдык тармактын колдонуучулары чыгарууда.

Видеодон үйлөрдүн дубалдарынан чоң жарака кетип же такыр жарабай топонго айланганын көрүүгө болот.

Европа-Жер Ортолук деңиз сейсмологиялык борборунан маалыматы боюнча, жер титирөө аймактагы убакыт боюнча түнкү саат 02.14тө катталган. Анын эпиборбору Кожент шаарынан 169 чакырым түштүк-чыгышта жайгашканы айтылат, ал эми очогу 40 чакырым тереңдикте жаткан.

Тажикстандын бийлиги атайын комиссия түзүүнү тапшырып, жашоочуларга керектүү жардамдарды берерин убадалаган.

Беш адамдан тышкары эки бала жабыркап ооруканага жеткирилген. Жер титирөөдөн 20 үй жана электр өткөргөн линиялары жабыркаган. Учурда чыгымдын суммасы эсептелип жатат.

1556
Белгилер:
Тажикстан, жер титирөө, үй, жабыркоочулар, видео
Тема боюнча
Кытайда 73 кабаттуу имарат теңселип, эл чуру-чуу болду. Видео

Мелдешке суусаган балдар. Көлдөгү уруш өнөрлөрү боюнча дүйнө чемпионаты видеодо

205
(жаңыланган 13:57 05.08.2021)
Ысык-Көлдүн Чолпон-Ата шаарында Кыргызстан менен Россиянын эриш-аркак жылынын алкагында спорттун беш түрү боюнча "Биримдик — 2021" аталышындагы дүйнө чемпионаты башталды.

Спорттук иш-чаранын ачылышына Россиянын Кыргызстандагы элчилигинин өкүлү Андрей Лактионов, Россиядагы "ММА - свободный поединок" уюмунун башчысы Василий Борисов, аталган уюмдун Кыргызстандагы төрагасы Константин Куценко, ONE FC уюмунун чемпиону Кямран Аббасов жана федерация өкүлдөрү катышты.

Алар спортчуларга ийгилик каалап, беттештерге старт берилди.

Кармаштар "Газпром" ден соолукту чыңдоо борборунда жана ипподромдо болууда. Дүйнө чемпионатынын программасына ММА, жиу-житсу, грепплинг, самбо жана тай боксу кирген. Ага Россиядан жана Борбор Азиядан 500дөн ашуун спортчу келди.

Мелдештин максаты мамлекеттердин биримдигин чыңдоо жана ар бир мамлекеттин спорту дени сак улутту тарбиялоону көздөй турганын көрсөтүү болуп саналат.

Спорттук иш-чара 7-августка чейин созулат.

205
Белгилер:
Кыргызстан, Россия, Кыргызстан менен Россиянын эриш-аркак жылы, чемпионат, спорт
Тема боюнча
Достукту чыңдап. Чолпон-Атадагы дүйнө чемпионатындагы салмакка түшүү учурунун видеосу
Бүйүр кызытып... Хабиб Нурмагомедовдун Чолпон-Атадагы турнири видеодо

О, кудай! Садыр Жапаров жубайы менен Айсулуунун беттешин көргөн видеосу

358
(жаңыланган 21:53 04.08.2021)
Президенттин маалымат катчысы Facebook баракчасына мамлекет башчы Садыр Жапаровдун кыргызстандык балбан Айсулуу Тыныбекованын финалдык беттешин көргөн видеосун жарыялады.

Жапаров мелдешти жубайы Айгүл Жапарова менен чогуу көргөн. Күрөш башталганда президент: "О, кудай! Айсулуу кызыбызга күч-кубат бере көр", - деп айткан. Видеодон көрүнүп тургандай, кыргызстандык балбан кызга президент менен кошо канайым да жан үрөгөн.

Мелдеш аяктаган соң Садыр Жапаров Айсулуу Тыныбековага чалып, "алтынга жетпей калдым деп эч капа болбоңуз, бул дагы чоң жетишкендик" деп айтып, күмүш медалы менен куттуктаган.

358
Белгилер:
Садыр Жапаров, Айсулуу Тыныбекова, куттуктоо, видео, мелдеш, финал
Тема боюнча
Айсулуунун жашы токтобой. Бүткүл Кыргызстанды ыйлаткан видео
Жапаров Айсулуунун беттешин үй-бүлөсү менен көрүп, балбанды телефондон куттуктады
Рубль валютасынын символу. Архив

Рубль дүйнөдө наркы бааланбаган валюта. Доллар чынында канча турат?

8
(жаңыланган 17:02 05.08.2021)
Россия жана АКШдагы McDonald's тамактануучу жайларындагы бигмактын (керектөөчүлөрдүн сатып алуу жөндөмүнүн бейрасмий түрдөгү индекси, бул тез татым түйүнүндө Big Mac – "сыйлуу" бургерлердин бири) баасына карасак, доллар 30 рубль болууга тийиш. Бул 2013-жылдагыдан аз.

Ирина Бадмаева

Америкалык экономикалык журналдын индикатору канчалык объективдүү жана эмнеликтен иш жүзүндөгү жана "бургердик" баалар эмнеге мынчалык айырмаланары тууралуу Ирина Бадмаеванын макаласы РИА Новости агенттигине жарыяланган.

"Экономисттин" шакабасы (тамашасы)

Россиялык рубль бааланбагандыгы боюнча "бигмак индексине" ылайык ливан фунтунан гана өйдөңкү сапта турат. Бургер бирдей баада болушу шарт экени болжонот. АКШга караганда арзан турган өлкөдө жергиликтүү валютанын наркы бааланбай, же тескерисинче, ашкере бааланат.

Россияда бигмак — 169 рубль, АКШда — 5,65 доллар. Демек, адилеттүү курс 30ду түзөт. Бирок алмаштырууда реалдуу баасы — 74,53. Башкача айтканда, доллар боюнча РФ валютасы дээрлик 60 пайызга, ал эми евро — 11,1, британиялык фунт — 15,5га бааланган эмес. Төрт акча бирдиги ашкере бааланган. Бул тизмеде венесуэлалык боливар айрыкча айырмаланат, дегеле ал 47,7 пайызга арзан болушу керек эле. Швейцариялык франк — 24,7, норвегиялык жана швед крондору — 11,5 жана 9,6га ашык бааланган.

"Бигмак индексин" 1986-жылы The Economist журналы тамаша иретинде ойлоп чыккан. Бирок эми маңызында керектөөчүлүк жөндөмдүүлүк паритетин аныктоонун бейрасмий ыкмасы — бирдей эле товардын наркына карап эки валютаны салыштыруу. Жылына эки ирет эсептелет.

Бардык жерде сатылгандыктан McDonald's гамбургерин тандап алышкан. 1980-жылдары эле тез татым ресторан түйүнү глобалдык бизнеске айланган. Буга мүнөздүү болгон М тамгалуу тамактануу жайлары Бермуд аралдарында, Иран, Македония, Йемен, Черногория, Түндүк Корея, Зимбабве, Боливия, Армения жана Исландияда жок.

Башкысы — классикалык бигмак бардык жерде бирдей. Анан жалпы эл сатып ала тургандай эле азыктардан – нан, сыр, котлета, жашылчадан жасалат. Өткөн айдагы соңку рейтингге ылайык, көп өлкөлөрдө бигмак Кошмо Штаттарга караганда, атап айтсак, Австралия, Сауд Аравиясы, Катарда арзаныраак. Тизменин акыркы саптарында Азербайжан, Түркия, Түштүк Африка бар.

Таанымал экени анык, бирок калыстыкка жатпайт

Рублдин бааланбаганы ондогон жылдардан бери айтылып келет. Бирок "бигмак индексинен" тышкары дагы башка факторлор толтура. Анан да бургер ар кайсы өлкөлөрдө бирдей баада боло албайт.

Айталы, маяна жана ижаралык үстөк РФте Кошмо Штаттарга салыштырмалуу кыйла аз. Ошол себептен баа дагы төмөн. Анан да бигмактар тиричилик электроникасы же акылдуу телефон сымал сырттан ташып келинбейт, жеринде жасалат. " iPod индекси" боюнча рубль ашкере бааланып, кыйла арзан турары бышык. Ошону менен бирге эле McDonald's компаниясы бааны жергиликтүү калктын реалдуу кирешесин жана сатып алуу жөндөмдүүлүгүнө жараша белгилейт. Салык жана атаандаштык туурасында да унуткарбоо абзел. Ошондуктан "бигмактын индексин" адилеттүү дешке болбойт. Салыштыруунун мындан да комплекстүү жана ачык ыкмалары бар. Маселен, эң зарыл товар, сырье, жарым-жартылай даяр азыктардын негизинде. Алардын бааларын коммерциялык сыр боюнча укугуна таянган жеке компания эмес, рынок коет.

Кеп бигмакта эмес

Улуттук валюта куну өлкөнүн төлөм балансынын узак мөөнөттүү динамикасын аныктайт. Ал өз кезегинде инфляцияга таасир этет.

Эл аралык жана ички валюталык рыноктогу маанилүү оюнчулар — борбордук банктар. Каржылык жөнгө салуучулар улуттук акча бирдигин чыңдоону чектеп, же тескерисинче, кескин түрдө түшүп кетишинен сактай алышат. Валюталык курс алардын көзөмөлүндө, анткени бул – өлкөлөр ортосундагы атаандаштык соода күрөшүнүн негизги ыкмаларынын бири. Натыйжада акча наркы көбүнесе бурмаланат. Активдерди эркин сата алгандар катары эле баанын коюлушунда рыноктун катышуучуларынын күткөнү да камтылат. Андыктан "бигмак индексине" анча таяна берген болбойт.

"Валютасынын наркы бааланбагандардын алгачкы он сабында негизинен дүйнөдө кеңири таралган алдыңкы 100 акча да кирет. Буга ачык мисал — ливан фунту. Андан өйдөңкү сапта россиялык рубль турат.

Анткен менен өтө жогору бааланган венесуэлалык боливардын акылга сыйгыс инфляцияга тушугуп, АКШнын мүмкүн болгон бардык санкцияларына кабылган", — дейт CMS Institute экономикалык жана каржылык иликтөөлөр департаментинин кызматкери Николай Переславский. Анын айтымында, акыркы жети жылда рубль кунуна геосаясат да таасир этүүдө. Россияга каршы санкциялар салынган, алардын кеңири таралуу тобокелдиктери да бар. Адатка айлангандай эле мунай баалары да роль ойнойт. Кара алтын кымбаттаган учурларда РФ Каржы министрлиги тарабынан валюталарды сатып алуу эрежеси да ага чагылбай койбойт.

Ошентип рублдин ашыкча бекемделишине жасалма түрдө бөгөт коюлат. Жалпысынан курсту түзүүчү саясат анын күчтөнүшүнө өбөлгө эмес.

Рубль кунунун орточо чабалдыгы чет өлкөгө чыгарылышынан түшкөн бюджеттик кирешелерди жогорулатат. Бул экономикада үстөмдүк кылган экспортчуларга да майдай жагат.

Кыйыр факторлор — дүйнөлүк каржылык рыноктордун ички саясаты жана маанайы.

"Санкцияларсыз россиялык валюта кеминде эле бир жарым эсеге кымбат бааланары туурасындагы ыктымал абдан жогору", — деп тактап өттү эксперт.

Кандай болгон күндө да жыл соңуна дейре баары бир доллар 70 рублден төмөндөбөйт. Ал эми саясий тобокелдиктердин айынан 80ге да чыгышы толук мүмкүн. Болду-болбоду, доллардын куну 73-77, евронун курсу 85-90 рубль чегинде калары турулуу иш.

8
Белгилер:
Россия, рубль, доллар, баалар, валюта
Тема боюнча
НАТОнун антироссиялык жаңы "манифести" КМШ өлкөлөрүнө коркунуч туудурат