Афганистан азап чеккен өлкөгө айланып баратканда. Видео

247
Афганистандын миңдеген жашоочулары согушкерлердин "Талибан" кыймылынын чабуулунан улам үйлөрүн таштап, коопсуз жайдагы чатырлар тигилген лагерде баш калкалап турушат.

Согушкерлер аталган өлкөдөн америкалык аскерлер чыгып кеткен соң күчү жеткен аймактарды каратып алууда. Бул өзгөчө түндүк жакта катуу жүрүп жатат.

"Кыштагыбызды курчап алышты. Колубуздан эч нерсе келген жок, талибдер үйлөрүбүздү басып алды. Балдарыбыз менен кошуп чыгарып коюшту, эч нерсебиз жок отурабыз", — деп айтып берди жергиликтүү тургун Биби Заинаб.

Качып, лагерде баш калкалап тургандар суу, тамак-аш жана медициналык жардам жок экендигин айтышууда.

"Биринчилерден болуп мындай абалга кабылганбыз, бизди бул жакка жайгаштырышкан, бирок эч кандай жардам ала алган жокпуз. Аты-жөнүбүздү жазып кеткен болот, бирок алардын деле бизге берер эч нерсеси жок. Азык элдин жарымына гана жетип жатат, абал өтө жаман", — деди Шафи Гул.

Талибдердин бул кадамдарына Вашингтон тынчсызданганы менен АКШ афган бийлигине өлкөнү коргоо үчүн өзүнүн мүмкүнчүлүктөрүн колдонууну сунуштады.

"Алардын активдешүүсүнө мезгил келип жетти", — деген Пентагондун мааламат катчысы Жон Кирби.

Талибдер Афганистандын 80 пайызын ээлеп алгандыгы боюнча жар салууда, ал эми расмий Кабул бул билдирүүнү четке какты.

247
Белгилер:
Афганистан, Кабул, АКШ, 'Талибан' кыймылы
Тема:
Афган бийлиги менен талибдердин тиреши (56)
Тема боюнча
Талибдер Афганистанды башка өлкөлөргө кол салуу үчүн колдонбоого убада берди
Лавров Россия Афганистандын ишине кандай учурда киришерин айтты

Мелдешке суусаган балдар. Көлдөгү уруш өнөрлөрү боюнча дүйнө чемпионаты видеодо

201
(жаңыланган 13:57 05.08.2021)
Ысык-Көлдүн Чолпон-Ата шаарында Кыргызстан менен Россиянын эриш-аркак жылынын алкагында спорттун беш түрү боюнча "Биримдик — 2021" аталышындагы дүйнө чемпионаты башталды.

Спорттук иш-чаранын ачылышына Россиянын Кыргызстандагы элчилигинин өкүлү Андрей Лактионов, Россиядагы "ММА - свободный поединок" уюмунун башчысы Василий Борисов, аталган уюмдун Кыргызстандагы төрагасы Константин Куценко, ONE FC уюмунун чемпиону Кямран Аббасов жана федерация өкүлдөрү катышты.

Алар спортчуларга ийгилик каалап, беттештерге старт берилди.

Кармаштар "Газпром" ден соолукту чыңдоо борборунда жана ипподромдо болууда. Дүйнө чемпионатынын программасына ММА, жиу-житсу, грепплинг, самбо жана тай боксу кирген. Ага Россиядан жана Борбор Азиядан 500дөн ашуун спортчу келди.

Мелдештин максаты мамлекеттердин биримдигин чыңдоо жана ар бир мамлекеттин спорту дени сак улутту тарбиялоону көздөй турганын көрсөтүү болуп саналат.

Спорттук иш-чара 7-августка чейин созулат.

201
Белгилер:
Кыргызстан, Россия, Кыргызстан менен Россиянын эриш-аркак жылы, чемпионат, спорт
Тема боюнча
Достукту чыңдап. Чолпон-Атадагы дүйнө чемпионатындагы салмакка түшүү учурунун видеосу
Бүйүр кызытып... Хабиб Нурмагомедовдун Чолпон-Атадагы турнири видеодо

О, кудай! Садыр Жапаров жубайы менен Айсулуунун беттешин көргөн видеосу

341
(жаңыланган 21:53 04.08.2021)
Президенттин маалымат катчысы Facebook баракчасына мамлекет башчы Садыр Жапаровдун кыргызстандык балбан Айсулуу Тыныбекованын финалдык беттешин көргөн видеосун жарыялады.

Жапаров мелдешти жубайы Айгүл Жапарова менен чогуу көргөн. Күрөш башталганда президент: "О, кудай! Айсулуу кызыбызга күч-кубат бере көр", - деп айткан. Видеодон көрүнүп тургандай, кыргызстандык балбан кызга президент менен кошо канайым да жан үрөгөн.

Мелдеш аяктаган соң Садыр Жапаров Айсулуу Тыныбековага чалып, "алтынга жетпей калдым деп эч капа болбоңуз, бул дагы чоң жетишкендик" деп айтып, күмүш медалы менен куттуктаган.

341
Белгилер:
Садыр Жапаров, Айсулуу Тыныбекова, куттуктоо, видео, мелдеш, финал
Тема боюнча
Айсулуунун жашы токтобой. Бүткүл Кыргызстанды ыйлаткан видео
Жапаров Айсулуунун беттешин үй-бүлөсү менен көрүп, балбанды телефондон куттуктады
Эркек адам. Архив

Өзү 50 жашта. Жапжаш көрүнгөн Британия тургуну сыры менен бөлүштү

0
Жигиттей көрүнгөн киши жумасына үч ирет спорт залга бара турганын айткан. Ошондой эле ал эти жок тамактарды гана жеп, кумшекер, ичимдиктен баш тарткан.

БИШКЕК, 5-авг. — Sputnik. Улуу Британиянын 25теги жигиттей көрүнгөн 50 жаштагы тургуну Тристан Ли жаштык сыры менен бөлүштү. Бул тууралуу The Daily Mail басылмасы жазды.

Ли 35 жылдан бери терисине жакшылап кам көрө турганын айтып, ошол себептен жаш көрүнөрүн белгилеген. Тристан туура тамактанып, терини жумшартуучу жана күндөн сактаган кремдердин сапаттуусун колдонорун да кошумчалаган.

"Териге кам көрүүдө табигый каражаттарды колдоном жана буга көп деле каражат жумшабайм. Жыты жок каражаттарды табууга аракет кылам. Анткени өтө жыттуулар терини дүүлүктүрүп жибериши ыктымал", — деди ал.

Мындан сырткары, ал күндө жарым сааттык сейилдөөгө чыгып, жумасына үч ирет спорт залга бара турганын айткан. Эти жок тамактарды гана жеп, кумшекер, ичимдиктен баш тарткан.

"Мен абдан жаш көрүнгөндүктөн улгайып калган адамдар кантип баарлашууну билбей, ыңгайсыз боло беришет. Ошол эле учурда канчада экенимди билген жаштар да кыйналат. Ошол себептен баары жакшы эмес", — деген Ли.

Ли сырткы келбетинен улам айрымдар аны алдамчы деп ойлой турганын кошумчалаган.

0
Белгилер:
Улуу Британия, жаштык, жигит
Тема боюнча
Төрөттөн кийин дароо 40 килограммга арыктаган аял сыры менен бөлүштү