Россиялык жаңы истребитель коомчулукка көрсөтүлдү. Видео

567
Россиянын "Ростех" мамлекеттик корпорациясы өзүнүн YouTube каналына МАКС-2021 авиакосмостук салонуна коюлуучу жаңы россиялык истребителинин ролигин чыгарды.

Видеодо учактын сырткы көрүнүшү, айрым өзгөчөлүктөрү көрсөтүлгөн. Ошондой эле учакты "Сухой" компаниясы иштеп чыкканы расмий айтылганын РИА Новости жазды.

Мындан тышкары, видеодон истребителдин башкаруу механизмдерин көрүүгө болот.

РИА Новости май айында коргонуу-өндүрүш жаатындагы маалымат булагына таянып, "Ростех" Россияда алгачкы жолу бешинчи муундагы бир кыймылдаткычтуу, жеңил көп багыттуу истребитель иштеп чыкканын жазган. Агенттиктин маектеши белгилегендей, анын учуу салмагы 18 тоннадан ашпашы керек, ал эми максималдуу ылдамдыгы эки Махтан ашат. Ошол эле учурда ал радарга байкалбай турган жана супер маневрлүү сапаттары менен айырмаланат.

567
Белгилер:
аскердик-техника, ролик, Россия, истребитель, учак
Тема боюнча
АКШ РФтин Арктикадагы экспедициясынан кийин жүрөксүп калды. Себеби
Россиянын МиГ-31 истребителинин стратосферадагы керемет учуусу. Видео

Кудум кинодогудай! Кытайдагы шаарды кум каптаган видео

146
Асмандын дээрлик жартысын ээлегендей элес калтырган кум бороон Кытайдын Ганьсу провинциясы менен Цзюцюань шаарын бир нече мүнөттөрдө эле аралап кеткен.

Окуяга күбө болгондор жаратылыштын бул кубулушун видеого тартып, социалдык тармакка таратып жиберген. Кадрдагы көрүнүш киши коркутпай койбойт.

Асмандын бетин бербей уюлгуган кум менен чаң шаарды тез эле басып калган. Маалыматтарда анын 10 мүнөт ичинде калаанын бир топ аймагын каптаганы айтылат.

Синьхуа агенттиги жол кыймылы буулуп, бир нече метрден кийин жол көрүнбөй калганын жазды.

Бактыга жараша, жаратылыштын бул кубулушунан адамдар жабыркаган эмес. Окумуштуулар мындай көрүнүш күн абдан ысыганда пайда болорун айтышкан.

146
Белгилер:
кыймыл, кино, бороон, кум, Кытай
Тема боюнча
Индияда суу астындагы жер көтөрүлүп, элди чочутту. Видео
Жүрөк үшүн алат! Чаңдуу бороон Казакстандын райондорун каптаган видео

Көчөдөн баса калып... ИИМ "Женгонун" жан сакчысын кармаган видеону жарыялады

551
(жаңыланган 11:59 26.07.2021)
Ошто "Женго" деген каймана аты бар кримтөбөлдүн айдоочу-жан сакчысы кармалды. Бул туурасында ИИМдин маалымат кызматы кабарлады.

Билдирүүгө ылайык, 26 жаштагы М.А. аттуу жаран уюшкан кылмыштуу топтун мүчөсү катары ИИМдин каттоосунда турган, Ош шаарында мурда соттолгон. Ошондой эле Ош шаары жана облусу боюнча кримтөбөл "Женгонун" айдоочу-жан сакчысы экени айтылат. 

"Ал 10-июль күнү алдын ала сүйлөшүлгөн адамдардын тобу менен бейбаштык кылган. Ош шаарындагы кафелердин биринин жанында Өзгөн районунун Куршаб айылынын тургунун бычак менен коркутуп, кол сумкасын тартып алган. Анын ичинде 1600 доллар жана 48 миң сом өлчөмүндөгү акча болгон", — деп айтылат маалыматта. 

Факт Жазык кодексинин 266-беренеси (“Бейбаштык”) менен каттоого алынган. Кармалган жаран Ош шаардык милициянын убактылуу кармоочу жайына киргизилди. 

551
Белгилер:
кармоо, жан сакчы, Дженго, Ош шаары
Тема боюнча
Унаасын алып, 300 миң сом талап кылган. Ошто Женгонун жакын адамы кармалды
УКМК криминалдык авторитет "Дженгого" издөө жарыялады
Крым Республикасынын туруктуу өкүлү Георгий Мурадов. Архив

Кыргыз-орус ишкерлер кеңешинин директору Крымдын туруктуу өкүлү менен жолукту

0
Жолугушууда Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланган.

БИШКЕК, 26-июл. — Sputnik. Кыргыз-орус ишкерлер кеңешинин аткаруучу директору Болот Дүйшөналиев Крым Республикасынын туруктуу өкүлү Георгий Мурадов менен жолукту. Бул тууралуу өкүлчүлүктүн маалымат кызматы билдирди.

"Жолугушууда Евразия экономикалык биримдигинин интеграциялык процессинин алкагында Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланды.  Ошондой эле ЕАЭБ өлкөлөрүнүн коомдук палатасын түзүүнүн келечеги тууралуу кеп болду", — деп айтылган маалыматта. 

Андан сырткары Крым менен ЕАЭБ өлкөлөрүнүн региондорунун активдүү кызматташуусун өнүктүрүүдө жаралган тоскоолдуктарды анализдөө темасына көңүл бурулган.

0
Белгилер:
Кыргызстан, Крым, жолугушуу, Евразиялык экономикалык биримдик
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду