Трактор поезддин күйүп жаткан бөлүгүн цистернадан оолактатып сүйрөп кетти. Видео

1326
(жаңыланган 20:42 28.07.2021)
Куткаруучу Нижний Новгород облусундагы (Россия) темир жолдо жарылууну алдын алууга жетишти. Ал трактордун жардамы менен жүк ташуучу поезддин күйүп жаткан локомотивин күйүүчү май куюлган цистернадан алыстатып сүйрөп кетти.

Окуянын видеосун күбөлөрдүн бири YouTube-каналына жүктөдү.

Окуя Нижний Новгород облусунун Навашино районундагы Тушино айылында болгон. 20-июль күнү кечинде күйүүчү май куюлган цистерналарды ташып бараткан жүк ташуучу поезд өрттөнүп кеткен.

Дубай шаары. Архивдик сүрөт
© Sputnik / Григорий Сысоев
Аталган облустун Өзгөчө кырдаалдар министрлигинин башкармалыгы билдиргендей, өрт электровоздун экинчи бөлүгүндө башталган жана анын келип чыгышына электр жабдыгынын бузулуп калышы себеп болгон.

Өрттү өчүрүүгө жергиликтүү куткаруучулар тартылган. Алардын бири Сергей Дажинов локомотивди күйүүчү май куюлган цистерналардан оолактатып сүйрөп кетип, кырсыкты алдын алып калган.

Локомотивдин салмагы төрт тонна экени айтылат. Поездди сүйрөгөн трактордун үлгүсү жазылган эмес.

1326
Белгилер:
Россия, поезд, трактор, өрт, жарылуу
Тема боюнча
Казакстанда талаадан чыккан өрт жүздөгөн койду куйкалап кетти. Видео, сүрөт
Ааламда ири жаратылыш кырсыктары эмнеге болуп жатканын окумуштуулар түшүндүрдү

Пил аялды тепселеп коё жаздап... Чочутуп, андан соң жылмайткан видео

75
(жаңыланган 16:02 27.09.2021)
Түштүк Африкага келген туристтер аз жерден өмүрүнөн ажырап кала жаздаган видео интернет айдыңына тарады. Окуя Крюгер атындагы жаратылыш паркына туристтер чогулуп, кире турган учурда болгон.

Эс алуу аз жерден трагедия менен аяктап кала жаздаганы кадрга түшүп калган.

Видеодон автоунаалар катар тизилип токтоп, ал эми жолдон артка кетенчиктеп бара жаткан пилди четте турган туристтин телефонго тартып жатканын көрүүгө болот. Сырттан караган кишиге ал жаныбардын аракети суроо жаратып, бирок ошол учурда бадалдардын арасынан бир үйүр пилдин чыгып келе жатканы буга жооп болгон.

Бир нече ирмемде болуп кеткен коркунучтуу окуяга күбө болгон коопсуздук кызматынын менеджери Андре Шваб андан ары эмне болгонун түшүндүргөн.

Видеодон балдары менен өтүп бара жаткан үйүрдүн башындагы пил алардын жолунда, бирок бир топ алыс жүргөн эки аялды көздөй чуркаган. Муну көрүп коркуп кеткен берки туристтер кыйкырып, чаңырып, машиналардын сигналын жапырт иштетип, айтор, эне пилди алагды кылганга аракет кылышкан. Ири жаныбардын келе жатканын көргөн эки аял эки жакты көздөй качкан. Пил бирөөнүн артынан түшүп алып, жакындап калганда жолунан кайрылып кеткен. Көз ирмемде өмүрүнөн ажырап кала жаздаган аял токтобой чуркап, трассага чейин келген. Кадрдан кооптуулук өтүп кеткенден кийин туристтер кыраан-каткы болуп күлүп жатканын, ал эми пилдер жолун андан ары улаганын көрүүгө болот.

Андре Шваб бул окуя боюнча комментарий берген. Бул ирмем эки аялдын аман калып, бактылуу күнү экендигин айтып, дегеле жалпы туристтерге парктын ичинде сак болуп, абайлап жүрүүгө кеңеш берген. Кызматкер бул аймакта байырлаган жаныбарлардын баары бир жапайы экендигин эскерткени айтылды.

75
Белгилер:
Түштүк Африка Республикасы, Крюгер паркы, пил, турист, кооптуулук, жаныбарлар
Тема боюнча
Кескелдирикти, жыланды да "сулуулайт". Өзгөчө кесиптин ээси менен видеомаек
Ээсине эркелеп жатып көз ирмемде "азезилге" айланган ит. Кызыктуу видео

Шевченконун көз ирмемдеги муштуму жана UFC 266дагы кызыктуу учурлар. Видео

143
(жаңыланган 14:44 27.09.2021)
UFC Russia уюмунун YouTube каналы Лас-Вегаста болгон UFC 266 турниринин кызыктуу учурларын кесип, чогултуп, видеосун жарыялады.

Бул беттештердин эң эсте каларлыгы жана кызыктуусу жеңил салмактагы спортчу, кыргызстандык Валентина Шевченко менен америкалык Лорен Мерфиники болду. Шевченко октагондо башынан аягына чейин лидерликти дээрлик берген эмес. 4-раундда катуу чабуулга өтүп, Мерфини жерге жыгып катар-катар ургулагандан кийин калыс беттешти токтоткон.

Кыргызстандык мушкер кыздын беттешиндеги кызыктуу учурларды редакция чогулткан видеотоптомдон көрүүгө болот.

143
Белгилер:
Лас-Вегас, Валентина Шевченко, UFC, сокку, октагон, видео
Тема боюнча
Силерди жакшы көрөм! Шевченконун Кыргызстанга салам жолдогон видеосу
Спортчу Мамашов АСА мелдешинде UFC уюмунун экс-мушкери менен беттешет
"Нокауттардын ханышасы". Шевченко UFC уюмун кантип багындырган. Видео
Көмүр түшүрүп жаткан жумушчу. Архив

Быйыл көмүрдүн баасы кандай болот? Кара алтындын наркына сереп

41
(жаңыланган 17:49 27.09.2021)
Синоптиктер аптанын аягында күн сууктай турганын божомолдоодо. Аба ырайы бузулары менен турак үйдө тургандар арасында көмүргө болгон суроо-талап өсөт.

Быйыл азык-түлүктөн тарта күйүүчү майга чейин кымбаттады. Мунун баары көмүрдүн баасына таасир этпейби? Кара алтындын баасы канча болот, кору жетиштүүбү? Sputnik Кыргызстан маалымат агенттиги ушул жана башка суроолорго жооп алып, көмүрдүн наркы, запасына сереп салды.

Бишкек шаарындагы көмүр саткан ишкерлердин айтымында, азырынча ордо калаага Кара-Кеченин көмүрү келе элек. Учурда шаарда Казакстандын Кара-Жыра, Шабыркүл көмүрлөрү эле сатылууда. Алардын бир тоннасы 4 800 сомго бааланып жатканы маалым болду.

"Кыргыз көмүр" мамлекеттик ишканасынын директорунун орун басары Надырбек Бекжанов былтыркы жылга салыштырмалуу быйыл көмүр казуу иштери бир аз кечигип жатканын айтып, себебин түшүндүрдү.

"Каражаттын жетишсиздигинен, жайында тоолуу райондорго эки ай тынбай жамгыр, кар да жаагандыктан көмүр кеч казылып калды. Анын үстүнө буга күйүүчү май, тетиктердин кымбатташы да себеп болду. Ага карабай көмүр казуу иштери уланып жатат. Тилекке каршы, көмүрдүн кесегин аныктай албагандыктан, казылган көмүрлөр бир аз майда болууда", — деди Бекжанов.

Анткен менен быйыл өлкөдө көмүр жетиштүү болору белгиленди. Бекжановдун айтымында, жылдан-жылга көмүр көп казылып, жалпысынан өлкөдө кара алтындын алты миллиард тонна запасы бар.

"Бул жылы үч миллион тоннадан ашык көмүр керектелиши күтүлүүдө. Анын ичинен 1 миллион 150 миң тоннасы элге берилсе, 250 миң тонна бюджеттик мекемелерге жумшалат. Калганы ТЭЦке жумшалат", — деди Бекжанов.

Ал учурда ТЭЦти көмүр менен камсыздоо иши жүрүп жатканын айтып, көмүр элге жана бюджеттик мекемелерге 1-октябрдан тарта бериле баштаарын кошумчалады.

"Быйыл күйүүчү майдын жана техникалык каражаттардын кымбаттаганы көмүрдүн баасына да таасирин тийгизбей койбойт. Карьерден чыккан 1 тонна көмүрдүн баасы Монополияга каршы жөнгө салуу мамлекеттик агенттиги тарабынан 1 330 сом деп белгиленди. Статистикалык маалымат боюнча, кара алтындын бир тоннасы Нарында 2 500 сомдон 4000 сомго чейин, Чүй өрөөнүндө 4500-4700 сом, Ысык-Көлдө 5000 сомго чейин чыгат. Ал эми өлкөнүн түштүк аймагында 7000-8000 сомго сатылары божомолдонууда", — деди ал.

Монополияны жөнгө салуу мамлекеттик агенттигинин билдирмеси боюнча, быйыл жергиликтүү көмүрдүн бир тоннасынын наркы 3 620 сомдон 6 500 сомго чейин болмокчу. Мунун ичинде Кара-Кече, Сүлүктү, Таш-Көмүр, Кызыл-Кыя көмүрү бар.

Ал эми сырттан келген көмүрдүн (Казакстан) бир тоннасы 5000-7000 сомду түзөт. "Кыргыз көмүр" ишканасы азыркы учурда Кыргызстанга Казакстандан көмүрдүн Кара-Жыра, Шабыркүл деген түрлөрү аз-аздан келип жатканын айтып, бирок Казакстан ички керектөөсүн толук камсыздап алмайынча, канча тонна көмүр келери белгисиз экенин кошумчалады.

Эскерте кетсек, өлкөдө көмүрдүн сатыла турган баасын (карьерден чыкканын гана белгилейт — ред.) бир дагы мамлекеттик орган бекитпейт. Монополияга каршы жөнгө салуу мамлекеттик агенттиги көмүрдүн баасы чектен ашып сатылып жаткан күндө гана өкмөттүн токтому менен көзөмөлгө алат.

Былтыр Бишкекте Кара-Кече көмүрүнүн баасы 3700дөн 4200 сомго чейин сатылса, Казакстандын Кара-Жыра, Шабыркүл көмүрлөрүнүн баасы 4000 сомдон ашкан.

41
Белгилер:
көмүр, баалар, Кыргызкөмүр мамлекеттик ишканасы
Тема боюнча
Кулжыгачов: Бишкек ЖЭБи күзгү-кышкы жылытуу мезгилине даяр
Кышка даярдык башталды. Бишкек менен Чүйдө электр чубалгылары оңдолот. Сүрөт