Танканы чаң ызгыта айдап, ок чыгарган кыргызстандык аскерлер. Россиядагы видео

827
Кыргызстандык жоокерлер "Танк биатлону — 2021" эл аралык мелдешинин алдында Россияда Т-72 Б3 танкасы менен машыгуу өткөрүштү.

Видеону Кыргызстандын Коргоо министрлигинин социалдык тармактагы баракчасы чыгарды.

Буга чейин чемпионатка катыша турчу командалар чүчү кулак кармап, 19 өлкөнүн тайпасы эки дивизионго бөлүнгөн. Кыргызстандын командасы Лаос, Мали жана Мьянма өлкөлөрүнүн катышуучулары менен биргеликте экинчи дивизиондун курамында жана сары түстөгү танк менен чыгышары айтылат. Өлкөнүн биринчи экипажы 22-августта жарышка чыгат.

"Танк биатлону" — Россияда жыл сайын өткөрүлүп келген аскердик ири иш-чаралардын бири. Өлкө бул мелдешке 2013-жылдан бери катышууда. Өткөн жылы Кыргызстан командасынын экинчи экипажы группалык этапта 3-орунду алган.

Мелдеш быйыл 22-августтан 4-сентябрга чейин өтөт.

827
Белгилер:
Россия, Кыргызстан, танк биатлону, Аскер, мелдеш, видео
Тема боюнча
Катардагы жоокер, ефрейтор, прапорщик. Мамлекеттик сыйлыкка татыгандардын тизмеси

Эйфель мунарасынан театрга чейин аркан менен баскан дарчы. Видео

28
(жаңыланган 15:02 20.09.2021)
Франциялык экстрим Натан Полен асманда аркан менен 670 метр жолду жыгылбай, мүдүрүлбөй басып өткөн.

Бул туурасында жазган RT бул номерин ал Европа мурастарынын күнүнө арнагандыгын жазды.

Дарчынын "сапары" Эйфель мунарасынан башталып каршысында турган Шайо улуттук театрынан аяктаган.

Бул трюкту спортчу ар кыл кырсыктан камсыздаган жипти белине байлап алып жасаган.

28
Белгилер:
Франция, мунара, театр
Тема боюнча
Аскага чыкканына сүйүнгөн спортчу секире коюп олуттуу жаракат алды. Видео

Бизнестен, батирден баш тартып. Кыргызстандык түгөйлөрдүн шыктандырган видеосу

93
(жаңыланган 13:53 20.09.2021)
Калыбек Кадыр менен Чолпон Даниярова 30 жылдан бери бирге түтүн булатып келишет. Мурда алар бизнес менен алектенишсе, кийин бул үй-бүлө жашоосун таптакыр башка нукка өзгөрткөн.

Алар шаардагы бардык ыңгайлуулуктар түзүлгөн шарттан, батирден баш тартышкан. Жайында Ысык-Көлдө жашаса, кышында жылуу өлкөлөргө кетип калышат.

Калыбек кайтсёрфингге, Чолпон сапсёрфингге үйрөтөт. Түгөйлөр эми алардын өзүнүн сүйгөн ишине жана спортко көңүл бурууга мезгил келгендигин айтып беришти. Балдар чоңойду, аларга кам көрүп карагыдай кичинекей эмес. Андыктан өмүрдү кызыктуу кылып өткөрүп, рахатын көрүү керек дешет.

93
Белгилер:
Кыргызстан, Балыкчы, Ысык-Көл, түгөй, кайтсерфинг, сапсерфинг
Тема боюнча
"Орёл и решканын" экинчи бөлүгү чыкты. Ысык-Көлдө тартылган видео
Пассажиры выходят из рейса частной иранской авиакомпании Mahan Air в аэропорту Кабула (Афганистан). 15 сентября 2021 года

Кабул аэропорту 36 күндөн кийин коммерциялык каттамдар үчүн ачылды

0
(жаңыланган 16:28 20.09.2021)
15-августта талибдер Кабулду басып алгандан кийин аба майданда туруктуу авиакаттамдар токтотулган болчу.

БИШКЕК, 20-сен. — Sputnik. Кабулдун аэропорту ички жана эл аралык коммерциялык авиакаттамдар үчүн расмий түрдө ачылды. Бул тууралуу РИА Новости https://radiosputnik.ria.ru/20210920/kabul-1750935698.html Афганистандын Жарандык авиация башкармалыгындагы булактарына таянуу менен жазды.

Аба майдан эртең мененки саат 6:00дөн 18:00гө чейин иштейт.

Август айынын башында "Талибан"* кыймылы АКШ аскер күчтөрүн өлкөдөн чыгарып кетип жаткан маалда өкмөттүк күчтөргө каршы чабуул койгон. Ал эми 15-августта борбор калаа Кабулду басып алышкан. Аэропортту 31-августка чейин АКШ жана башка мамлекеттер өз жарандарын, кээ бир афгандыктарды чыгарып кетүү үчүн колдонгон.

Буга чейин "Талибан" Россия жана Түркия менен авиакаттамдарын жандандырууга ниеттенип жатканы айтылган.

*"Талибан" кыймылы — Кыргызстанда жана башка бир катар өлкөлөрдө террордук уюм катары таанылып, ишмердүүлүгүнө тыюу салынган.

0
Белгилер:
Кабул, аэропорт, каттам, ачуу
Тема:
Афган бийлиги менен талибдердин тиреши