Кудум ниндзядай. Кабыландын антилопага чукул келип кол салган видеосу

280
(жаңыланган 10:14 20.08.2021)
Видео Түштүк Африка менен Ботсвана чектешкен жердеги жаныбарлар коругунда тартылган. Кабылан эч дабыш чыгарбастан кумдуу дөңсөөнүн бооруна жашынып, көлөкөдө оттоп турган антилопага жакындап келген.

Жырткыч антилопага өтө жакын калганда гана кол салды. Муну чукул арада байкаган жейрен так секирип качканы менен ал кабыландын чеңгелинде калган. Видеонун автору белгилегендей, кабылан олжосун балдарына алып кеткен. Аны эки күчүгү күтүп турганын "National Geographic Россия" жазды.

280
Белгилер:
кабылан, антилопа, аңчылык, видео
Тема боюнча
Аяп... Кабыландын антилопанын алсыз баласына кол салган видеосу

Жалал-Абадда бир суткада 9 килограммга жакын нашаа табылды. Видео

93
(жаңыланган 14:47 16.09.2021)
11-сентябрда Жалал-Абад облусунда эки килограмм нашаа менен өзбекстандык жаран кармалган. Көп өтпөй башка шектүүдөн дагы 7 килограммга жакын баңгизат чыккан.

Милиция 9 килограммга чукул афган гашишин тапканын ИИМдин маалымат кызматы кабарлап, видеосун таратты.

11-сентябрда саат 14:00гө чукул Жалал-Абадда 51 жаштагы Т. О. аттуу өзбекстандык жаран кармалган. Милициянын айтымына караганда, ал Өзбекстанда да, Кыргызстанда да бир нече ирет сот жообуна тартылган.

"Кармалган жаранды текшергенде жанынан түстүү баштык табылып, анын ичинде скотч менен оролгон эки таңгактагы кочкул күрөң түстөгү өзгөчө жыты бар зат чыккан. Жалпы салмагы 1 килограмм 905 грамм болгон заттын "афган гашиши" экендиги аныкталган.

Ошол эле күнү Т.О. саат 19:00дөр чамасында баңгизатты сатууну көздөгөнү анык болду. Саткан баңгизатынын акчасын алып жатканда Сузак районунун 1995-жылы туулган К.А. аттуу тургуну кармалган. Тинткенде шымынын оң чөнтөгүнөн 8000 доллар табылган", — деп билдирди маалымат кызматынан.

Ал эми 12-сентябрда түнкү саат 01:00дөр чамасында Жалал-Абад шаарында К.А. аттуу жарандын жашаган жерин текшере келгенде 5 таңгак зат табылган.

"Анын жалпы салмагы 6 килограмм 922 грамм, "афган гашиши" болуп чыкты. Иликтөөнүн жүрүшүндө баңгизат Чүй облусунун Кара-Балта шаарында жайгашкан сугат талааларынан жеткирилгени аныкталды", — деп кабарлады маалымат кызматы.

Кармалган жарандар тергөө абагына киргизилип, сотко чейинки өндүрүш башталган.

93
Белгилер:
Кыргызстан, Жалал-Абад, Афганистан, гашиш, баңгизат, милиция, кармоо
Тема боюнча
Талибдер таржымалы: ок ойногон жылдар, Кыргызстандын арага түшүү ниети
УКМК баңгизат сатуу боюнча ири канал түзгөн топту аныктап, бир мүчөсүн кармады

Ажатканага барганды үйрөнгөн музоолор. Кызык учурдун видеосу

147
Окумуштуулардын айтымында, уйдун заарасында азот көп. Химиялык затты иштетүү үчүн илимпоздор музоолорго эксперимент жүргүзүп көргөн.

Германиялык окумуштуулар жаңы зеландиялык кесиптештери менен бирге экологияны коргоо үчүн ири мүйүздүү малды ажатканага барганды үйрөткөнүн National Geographic басылмасы жазды.

Кызык учурдун видеосу басылманын Youtube каналына жарыяланды.

Окумуштуулардын айтымында, уйдун заарасында азот көп. Химиялык затты иштетүү үчүн илимпоздор музоолорго эксперимент жүргүзүп көргөн. Аларды тосулган жайда кармап, заара кылган сайын музоолорго даамдуу тамак берип турушкан. Кийинчерээк аларды кармаган жай кеңейтилип торпоктор ажатканага өздөрү барып келгендей шарт түзүлгөн. Ажатканага жетпей заара кылып салгандарга суу чачышкан. Бул иштер 15 күнгө созулуп, сегиз музоонун ичинен жетөө ажатканага барып заара кылганды үйрөнгөн.

147
Белгилер:
Жаңы Зеландия, Германия, уй, ажаткана
Тема боюнча
Кескелдирикти, жыланды да "сулуулайт". Өзгөчө кесиптин ээси менен видеомаек
Ээсине эркелеп жатып көз ирмемде "азезилге" айланган ит. Кызыктуу видео
Кытайдын Тышкы иштер министри Ван И президент Садыр Жапаров менен жолукту

Кытай Кыргызстанга 100 млн. доллар жана миллион доза вакцина берүүгө даяр

0
(жаңыланган 23:02 16.09.2021)
Президент Садыр Жапаров Кытайдын тышкы иштер министри Ван И менен Душанбеде жолугуп, бир катар маселелерди талкуулады.

БИШКЕК, 16-сен. — Sputnik. Кытай өкмөтү Кыргызстандын социалдык-экономикалык өнүгүүсүн колдоо иретинде 650 миллион юань (100 миллион доллардын тегереги) менен коронавирустук инфекцияга каршы кытайлык вакцинанын 1 миллион дозасын берүүгө даяр. Бул тууралуу Кытайдын тышкы иштер министри Ван И президент Садыр Жапаров менен жолукканда билдирди.

Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.

  • Президент Кыргызской Республики Садыр Жапаров принял члена Государственного совета, министра иностранных дел Китайской Народной Республики Ван И. 16 сентября 2021 года
    Кытайдын Тышкы иштер министри Ван И президент Садыр Жапаров менен жолукту
    © Пресс-служба президента КР / Султан Досалиев
  • Член Государственного совета, министр иностранных дел Китайской Народной Республики Ван И во время встречи с президентом КР Жапаровым
    Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Кытайдын Тышкы иштер министри Ван И президент Садыр Жапаров менен жолукту

Жапаров Кыргызстан Кытайды негизги соода инвестициялык өнөктөштөрдүн бири катары карай турганын жана биргелешкен инвестициялык долбоорлорду ишке ашырууга кызыкдар экенин билдирген.

Президент учурда өлкөдөгү инвестициялык климатты жакшыртуу боюнча активдүү чаралар көрүлүп жатканын кошумчалаган. Анын айтымында, кыргыз тарап эки өлкө ортосундагы туруктуу аба каттамдарын жандантууну маанилүү деп эсептейт.

Кытай — Кыргызстан — Өзбекстан темир жолунун курулушу боюнча да кеп болуп, Жапаров долбоорду ишке ашыруу Кыргызстан үчүн эле эмес, жалпы регион үчүн маанилүү экенин белгилеген.

"КЭР мамлекеттик кеңешинин мүчөсү, тышкы иштер министри Кытай өкмөтү өлкөнүн социалдык-экономикалык өнүгүүсүн колдоо иретинде Кыргызстанга 650 миллион юань (100 миллион АКШ долларынын тегерегинде) бөлүүгө даярдыгын айтты. Ошондой эле коронавирустук инфекцияга каршы кытайлык вакцинанын кошумча партиясын (1 миллион доза) жана медициналык каражаттарды берүү чечимин кабыл алганын билдирди", — деп айтылат маалыматта.

Мамлекеттик кеңештин мүчөсү Кытай тараптын автоунаа жолдорун куруу жана ирригациялык түйүндөрдү кеңейтүү тармактарында биргелешкен долбоорлорду ишке ашырууга кызыкдар экенин билдирген. Мындан сырткары, тараптар регионалдык коопсуздук маселелерин талкуулаган.

0
Белгилер:
Кыргызстан, Кытай, Садыр Жапаров, вакцина, каражат
Тема:
Коронавируска каршы эмдөө
Тема боюнча
3 млн. бет кап, коргоочу костюм. Кыргызстанга Кытайдан гумжардам келди