Кыргызстанды кыдырган россиялык блогер кубанычтан жашып... Видео

6007
(жаңыланган 10:54 25.08.2021)
Россиялык YouTube-блогер Кыргызстан тууралуу бир нече видео жарыялады. Лариса Булина бул эң сонун саякат болгонун белгилеген.

Блогер Кыргызстанга жазында да келген. Башында ал Бишкек, кыргызстандыктар тууралуу видео чыгарып, кийин Нарын менен Ысык-Көлдүн түштүк жээгине барган.

Саякатын уланткан Булина боз үй, шырдак, "Жомок" каньонун жана каралбай калган "Аалам Ордо" этнокомплексин көрсөткөн. Андан кийин капчыгайга барып, чатырда таң атырып, сезимдери менен бөлүшкөн.

"Буга чейин барган башка мамлекеттерди таарынтып алгым келбейт, бирок менин Кыргызстанга болгон саякатымдай укмуштуудай сонун саякат бир да жерде болгон эмес. Бул жерде мен жолуктурган адамдардын көздөрүнөн гармония, бакытты көрүүгө болот. Мындайды чоң шаардын жашоочуларынан сейрек кездештиресиң. Мындай адамдарды көрүп алып эле эс аласың. Бул жерден өзүмдү ушунчалык бактылуу сезип, шайыр, сулуу көрүнөм. Сезимдеримди өзүм менен кошо ала кетким келет. Айтор, бул мамлекетти таап алганым үчүн бактылуумун", — деп айтып, жашып кеткен.

Андан соң ал бөбөктөр менен жолугуп, биринчи жолу кымыз ичип, ат минген.

6007
Белгилер:
Кыргызстан, Россия, саякат, видео, сезим
Тема боюнча
Кыргызстанга саякат: келген турист кайда, канчага жана кантип эс алса болот
Шатманов: Кыргызстандын кооз жерлерин онлайн саякаттаса болот

Токой аралап, чатырга түнөп... Путин менен Шойгу тайгада эс алган видео

116
(жаңыланган 13:00 26.09.2021)
Россия президенти Владимир Путиндин тайгада эс алып жүргөн учурдагы видеосун News24 Russia телеканалы жарыялады. Анда өлкө башчыны коргоо министри Сергей Шойгу коштоп жүргөнүн көрүүгө болот.

Кадрлардан Путиндин балык уулап, токой аралап, кайык айдап жүргөнү көрүнүп турат. Ошондой эле анын чатырда түнөгөнү айтылат. Шойгу президент отурган чатырды карап "мыкты экен" деп баа берсе, Путин "мыкты иштеген кишинин турак жайы дагы жакшы болот" деп тамашалап жооп берет.

Эске салсак, Владимир Путин көбүнесе тайгада эс алат. Адатта анын кыска мөөнөттүү эмгек өргүүсү бир нече күнгө созулуп, коргоо министри Сергей Шойгу жанында жүрөт.

116
Белгилер:
Россия, Владимир Путин, Сергей Шойгу, эс алуу, видео
Тема боюнча
Тоодон зуулдап түшкөн Путин менен Лукашенко. Эки лидердин лыжа тепкен видеосу

Мен чемпионмун, баарына даярмын! Шевченко кийинки атаандашы боюнча жооп берди

150
Кыргызстандык мушкер Валентина Шевченко жеңишинен кийин суроолорго жооп берип жатып ким менен кайсы дивизиондо болсо дагы таймашууга даяр экенин айтты.

Ага кийинки атаандашы тууралуу суроо беришти.

"Мен эч нерсеге карабай ким менен болсо дагы таймашууга даярмын. Мен бул жердемин, мен чемпионмун!" — деди спортчу.

Ошондой эле ал бир нече тилде күйөрмандарына салам жолдоп, ыраазычылгын билдирди.

Белгилей кетсек, UFC уюмунун жеңил салмактагы чемпиону Шевченко бүгүн, 26-сентябрда, америкалык Лорен Мерфини жеңип, алтынчы ирет чемпиондук наамын коргоп калды. Беттеш АКШнын Лас-Вегас шаарындагы T-Mobile спорттук аренасында өттү.

150
Белгилер:
Валентина Шевченко, жеңиш, маек, жооп
Тема боюнча
Валентина Шевченко атаандашы Лорен Мерфини шайын кетирип утуп алды. Видео
Силерди жакшы көрөм! Шевченконун Кыргызстанга салам жолдогон видеосу
Кыргыз желегин желбиретип... Шевченко кантип жеңгенин көрсөткөн видеолор
Жаратылыш. Архив

Дүйшөмбүгө карата аба ырайы

0
27-сентябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-сен. — Sputnik. Дүйшөмбү, 27-сентябрда, күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй, Ысык-Көл, Нарын өрөөндөрүндө +22...+27, Таласта +20...+25, Ош, Жалал-Абад жана Баткен облустарында +24...+29 градус болору айтылды.

Күндүн табы Бишкекте +25...+27, Ош калаасында +27...+29 градуска көтөрүлөт.

0
Белгилер:
аба ырайы, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы