Инспектордун огунан көз жумган айдоочунун достору Ташиевге кайрылды. Видео

419
(жаңыланган 14:41 28.08.2021)
Бишкекте Кайгуул кызматынын инспектору менен чатакташа кетип, ок жеп каза болгон жарандын достору УКМК башчысы Камчыбек Ташиевге видеокайрылуу жасашты.

Эске салсак, 27-август күнү Бишкекте Кайгуул кызматынын инспектору менен айдоочу чатакташа кетип, милиция кызматкери ага ок аткан. Жыйынтыгында айдоочу ооруканага жетпей үзүлгөн. Милициянын маалыматына караганда, окуя саат 21.30дарда Жибек жолу менен Гоголь көчөсүнүн кесилишинде болгон.

"Биз досубуз Чыңгыз Абдраевдин каргашалуу өлүмү боюнча ишти Камчыбек Кыдыршаевич жеке көзөмөлүнө алуусун суранып видеокайрылуу жасоону туура көрдүк. Досубуз борбордук мечитке келип намаз окуп чыгып, жолдун каршы тилкесине чыкканда Кайгуул милициясы токтотуп, эки тарап уруша кеткен экен. Ал жерде төрт инспектор болгонун белгилеп кетели. Алар эскертпей, алдын албай туруп досубузду тапанча менен жүрөккө аткан. Баарынан да кейиштүүсү инспекторлор досубузду ооруканага жеткирүүгө шашылган эмес. Тез жардам кызматы 40 мүнөттө келгиче Чыңгыз үзүлгөн", — деп айтылат видеокайрылууда.

Аталган факт боюнча КР Жазык кодексинин 321-беренесине ("Бийликтен аша чаап колдонуу") ылайык кылмыш иши козголуп, шектүү катары кенже инспектор Д.Ж. УКМКнын тергөө абагына киргизилген.

419
Белгилер:
Бишкек, инспектор, айдоочу, ок атуу, дос, кайрылуу
Тема:
Инспектордун куралынан ок жеген айдоочунун өлүмү (10)
Тема боюнча
Бишкектеги айдоочунун өлүмү: инспектор менен чатакташкан учурдун видеосу
"Социал-демократтар" партиясынын лидеринин автоунаасына ок атылды. Милиция эмне дейт

Ошто туризмди даңазалаган иш-чаралар өтүп, ага Болливуд жылдыздары катышат

62
Үстүбүздөгү жылдын 26-27-сентябрында Ош шаарынын борбордук аянты туризм индустриясына жаңы эшигин ачат.

Туризм департаменти Бүткүл дүйнөлүк туризм күнүнө арналган "Жаңы шарттарда биргелешкен аракеттер менен туризмди өнүктүрүү. Кыргызстан-2021" аттуу аймактык туристтик форум жана "Кыргызстан Улуу Жибек Жолунун бутактарында" аттуу көргөзмө-жарманке өткөрөт. Мындай иш-чара Кыргызстанда алгачкы ирет болуп жатканы белгиленет. Ал эл аралык жана ата мекендик өнөктөштөрдүн колдоосу менен уюштурулууда.

Программасы:

  • эл аралык көргөзмө-жарманке;
  • этнобазар;
  • ири аймактын алгачкы туристтик форуму;
  • этномузыка;
  • Болливуд жылдыздарынын концерттик программасы;
  • ата мекендик дизайнерлердин кийимдер көргөзмөсү;
  • глэмпинг-туризм;
  • туризмди туруктуу өнүктүрүү боюнча талкуулар;
  • "Ири аймактык турбизнес жаңы шарттарда" аттуу тегерек стол;
  • жергиликтүү ышкыбоздордон атайын маданий программа;
  • эл аралык коноктор үчүн экскурсия жана маалымат-саякаты;
  • туризм жаатындагы мыктыларга сыйлык тапшыруу аземи;
  • "Дүйнөгө кат" долбооруна катышуу жана башка кызыктар тартууланат.

 

62
Белгилер:
Ош шаары, туризм, иш-чара, форум
Тема боюнча
Маданият министрлиги алдыдагы иш-чаралардын тизмесин жарыялады
Татарстанда Шамшиевдин "Ысык-Көлдүн кызгалдактары" тасмасы көрсөтүлдү. Сүрөт

Эйфель мунарасынан театрга чейин аркан менен баскан дарчы. Видео

101
(жаңыланган 15:02 20.09.2021)
Франциялык экстрим Натан Полен асманда аркан менен 670 метр жолду жыгылбай, мүдүрүлбөй басып өткөн.

Бул туурасында жазган RT бул номерин ал Европа мурастарынын күнүнө арнагандыгын жазды.

Дарчынын "сапары" Эйфель мунарасынан башталып каршысында турган Шайо улуттук театрынан аяктаган.

Бул трюкту спортчу ар кыл кырсыктан камсыздаган жипти белине байлап алып жасаган.

101
Белгилер:
Франция, мунара, театр
Тема боюнча
Аскага чыкканына сүйүнгөн спортчу секире коюп олуттуу жаракат алды. Видео
Борбордук шайлоо комиссиясынын мүчөсү Узарбек Жылкыбаев. Архив

Жылкыбаев: мыйзам көрсөткөн убакытка чейин үгүт жүргүзгөндөр жазаланат

0
(жаңыланган 11:09 21.09.2021)
Борбордук шайлоо комиссиясынын мүчөсү Узарбек Жылкыбаев мыйзамда көрсөтүлгөн убакытка чейин үгүт иштерин баштагандар талапкер катары катталбай турганын айтты.

Жабык реклама методуна салып, эксперттердин пикири же дагы башка деген таризде мыйзамда көрсөтүлгөн убакытка чейин үгүт иштерин жасагандар жазаланат. БШКнын аларды талапкер кылып каттабай коюу укугу бар. Бул тууралуу Узарбек Жылкыбаев Sputnik Кыргызстан радиосуна маек куруп жатып билдирди.

Жылкыбаев: мыйзам көрсөткөн убакытка чейин үгүт жүргүзгөндөр жазаланат

Анын айтымында, кандайдыр бир эл чогулган жерлерде азыртадан үгүт иштерин жүргүзүп жаткандарды жарандар видеого тартып БШКга жиберсе болот.

"Мыйзамда үгүт иштерине бир ай убакыт бөлүнгөн. Ал шайлоо өтөр күнгө толук бир ай калганда башталат. Быйыл бул октябрдын соңку күндөрүнө туура келет. Эгер кимдир бирөө ушул убакытка чейин ар кандай иш-чараларда өздөрүн агитациялап же ачык эле элди чогултуп алып "мени шайлап койгула" деп жатса, алар талапкер катары катталбайт. Бирок муну далилдеген видеолор болушу шарт. Видеого ар бир эле кыргызстандык тартып, БШКга жиберсе болот. Ошону менен катар эле учурда иштеп жаткан депутаттар тигил же бул аймакка барып, мекемелердин ачылышына же башка иштерге катышып кала турган болсо, биз аларды тыя албайбыз. Анткени бул эл өкүлдөрү, учурдагы ишмердүүлүгүнүн негизинде барып жатат", — деди Жылкыбаев.

Ал социалдык тармактарда белгиленген убакыттан эрте үгүт иштерин баштаган бир мандаттуу талапкерлер да, партиялар да мыйзам чегинде жазаланып, талапкерлик тизмеден четтетилерин кошумчалады.

0
Белгилер:
Узарбек Жылкыбаев, шайлоо, Жогорку Кеңеш, мыйзам, үгүт
Тема боюнча
Жактырган талапкерге добуш бере аласыз. Парламенттик шайлоодогу жаңы эреже