Бишкектин борборун аралаган айбаты күчтүү аскердик техникалар. Видео

527
Кыргызстанда эгемендүүлүктүн 30 жылдыгы белгиленип, анын урматына масштабдуу иш-чара борбор калаа Бишкектеги "Ала-Тоо" аянтында болууда.

Бүгүнкү аземдин башкы окуясы күч түзүмдөрүнүн эки миңдей өкүлү катышкан аскердик парад болду. "Ала-Тоодон" Коргоо министрлигинин, УКМКнын Чек ара кызматынын, Улуттук гвардиянын, Абадан коргонуу күчтөрүнүн, ӨКМдин, ИИМдин жана ИИМ Академиясынын өздүк курамынын кызматкерлери басып өттү.

Элдин алдынан айбаты күч аскер техникалары жүрүш жасады. Алар беш колоннадан турган танкалар, сооттолгон техникалар, артиллерия, пилотсуз башкарылуучу учактар болду. Парадды коргоо министри Таалайбек Өмүралиев жетектеп, аны башкы командачы Садыр Жапаров кабыл алды.

Жүрүштү спортчулар, искусство ишмерлери, мугалимдер, дарыгерлер улантты. Ал эми кечинде, саат 22:00дө, "Ала-Тоо" аянтында майрамдык концерт болуп, салют атылат.

527
Белгилер:
Кыргызстан, 'Ала-Тоо' аянты, Кыргызстандын эгемендүүлүк күнү, Садыр Жапаров, аскердик парад
Тема:
Эгемендүүлүктүн 30 жылдыгын майрамдоо (65)
Тема боюнча
Жапаров Кыргызстан 5 жылда кандай өзгөрөрүн айтты. Президенттин кебинен тезистер
Жапаров: чакан ишканаларга үстөксүз 6 млрд. сом каралат

Токой аралап, чатырга түнөп... Путин менен Шойгу тайгада эс алган видео

114
(жаңыланган 13:00 26.09.2021)
Россия президенти Владимир Путиндин тайгада эс алып жүргөн учурдагы видеосун News24 Russia телеканалы жарыялады. Анда өлкө башчыны коргоо министри Сергей Шойгу коштоп жүргөнүн көрүүгө болот.

Кадрлардан Путиндин балык уулап, токой аралап, кайык айдап жүргөнү көрүнүп турат. Ошондой эле анын чатырда түнөгөнү айтылат. Шойгу президент отурган чатырды карап "мыкты экен" деп баа берсе, Путин "мыкты иштеген кишинин турак жайы дагы жакшы болот" деп тамашалап жооп берет.

Эске салсак, Владимир Путин көбүнесе тайгада эс алат. Адатта анын кыска мөөнөттүү эмгек өргүүсү бир нече күнгө созулуп, коргоо министри Сергей Шойгу жанында жүрөт.

114
Белгилер:
Россия, Владимир Путин, Сергей Шойгу, эс алуу, видео
Тема боюнча
Тоодон зуулдап түшкөн Путин менен Лукашенко. Эки лидердин лыжа тепкен видеосу

Мен чемпионмун, баарына даярмын! Шевченко кийинки атаандашы боюнча жооп берди

117
Кыргызстандык мушкер Валентина Шевченко жеңишинен кийин суроолорго жооп берип жатып ким менен кайсы дивизиондо болсо дагы таймашууга даяр экенин айтты.

Ага кийинки атаандашы тууралуу суроо беришти.

"Мен эч нерсеге карабай ким менен болсо дагы таймашууга даярмын. Мен бул жердемин, мен чемпионмун!" — деди спортчу.

Ошондой эле ал бир нече тилде күйөрмандарына салам жолдоп, ыраазычылгын билдирди.

Белгилей кетсек, UFC уюмунун жеңил салмактагы чемпиону Шевченко бүгүн, 26-сентябрда, америкалык Лорен Мерфини жеңип, алтынчы ирет чемпиондук наамын коргоп калды. Беттеш АКШнын Лас-Вегас шаарындагы T-Mobile спорттук аренасында өттү.

117
Белгилер:
Валентина Шевченко, жеңиш, маек, жооп
Тема боюнча
Валентина Шевченко атаандашы Лорен Мерфини шайын кетирип утуп алды. Видео
Силерди жакшы көрөм! Шевченконун Кыргызстанга салам жолдогон видеосу
Кыргыз желегин желбиретип... Шевченко кантип жеңгенин көрсөткөн видеолор
Кыргызстандын дизайнер Айкин Арипова Даңазалуу доор сериалынын жылдызы Мерьем Узерли менен. Архив

Мерьем Узерли кийген кийимдердин дизайнери Айкин: актриса төбөмдү көккө жеткирди

0
"Даңазалуу доор" сериалынын жылдызы Мерьем Узерли Кыргызстанга келгендеги көз жоосун алган кийимдери эсиңиздеби? Алар биздин жаш дизайнерлерибиздин бири Айкин Арипованын колунан чыккан.

Биздин маектеш жергиликтүү мода чөйрөсүндө кеңири белгилүү. Sputnik Кыргызстанга курган маегинде чыгармачыл бийкеч ишиндеги сырлары менен бөлүштү.

— Балалыгыңыз кандай өткөн?

— Бишкекте төрөлгөм. Атам профессионал футболчу эле, апам Ленинградда билим алган. Кесиби искусство менен байланышкан. Үйдө тун перзентмин, ошондуктан экөөнүн тең мээримине бөлөнүп өскөм.

Чоң атам небересинин балерина болушун тилек кылып, кичинемде мени көркөм гимнастикага беришкен. Мектепти бир "төрт" менен аяктагам. Химия сабагынан... Бала чагым бактылуу өткөн десем болот.

— Кийим дизайнерлигине кандайча ыктап калдыңыз?

— Эс тарткандан бери эле ушул кесипке кызыкчумун. Апам бала кезде тарткан сүрөттөрүмдү дале сактап жүрөт. Анда өзүмдү дизайнер сезип, подиумдарды, укмуш көйнөкчөн моделдерди тарта берчүмүн...

Кээде ошол "эскиздерди" карап, алардын бирин ишке да ашырсамбы деп калам.

Дизайнер одежды Айкин Арипова у зеркала
© Фото / Айкин Арипова
Айкин Арипова: Социалдык медиа аркылуу дүйнөнү музыканттар эле эмес, дизайнер, сүрөтчүлөр да багындырууда. Алгач адам кандай максатты көздөгөнүн түшүнүп алышы абзел. Эгер келечектеги жыйынтыкты так элестете алсаңыз, баары өзүнөн-өзү куралып чыга келет.

— "Кыргызстан сулуусу" сынагындагы жеңишиңизден кабардарбыз. Моделдик бизнесте калгыңыз келген жокпу?

— Алгач ирет подиумга беш жашымда чыккам, чоң апам мени балдар көргөзмөсүнө алып барган. Он жашымда биринчи сулуулук сынагын уттум. Өспүрүм куракта, кийинчерээк да сулуулук жарыштарына катышып жүрдүм. "Бишкек сулуусу" жана университеттеги сынактар баштан өттү. "Кыргызстан сулуусу" конкурсундагы ийгиликтен кийин "Дүйнөлүк туризм сулуусу" сынагына республиканын атынан чыккам.

Эгерде моделдик кесипти өнүктүрүүнүн арзый турган варианты, мисалы, чет жерге деле сунушталса, чын дилимден уланта бермектирмин. Бирок андай сунуш түшкөн эмес. Клип, фотосессияларга тартылып, билим алууга басым жасадым. Азыр деле кээде чакырып калышат, дизайнер кесиптештеримдин көргөзмөлөрүнө да модель катары чыгып калмайым бар.

Посмотреть эту публикацию в Instagram

Публикация от Aikin (@aikin_aripova)

— Жаш дизайнер Кыргызстанда кантип өз брендин тааныта алат? Сырттан бизге бул ири каржыны талап кылган күч жеткис иштей сезилет…

— Сөздү ыраактан баштайын. Биз өзгөчө убакта — социалдык медиа доорунда жашайбыз, ар кимдин өз өнөрүн көрсөтүп, таанытууга мүмкүнчүлүгү бар. Бул күндөн-күнгө артып да барат. Мисалы, Казакстандын Павлодар облусундагы диджей Иманбектин баянын эле алалычы! Анын треги бардык музыкалык саптарда озуп чыгып, "Грэмми" сыйлыгына татыды!

Социалдык медиа аркылуу дүйнөнү музыканттар эле эмес, дизайнер, сүрөтчүлөр да багындырууда... Алгач адам кандай максатты көздөгөнүн түшүнүп алышы абзел. Эгер келечектеги жыйынтыкты так элестете алсаңыз, баары өзүнөн-өзү куралып чыга келет. Кадыресе эле сөздүр, бирок ар бир ийгиликтин өзөгүндө эбегейсиз эмгек жатат. Көңүлүң эңсеп турган иш болсо, жасаганың кубаныч тартуулап турса, ага күч жумшоодон чочулабаш керек.

Кыргызстанда жеке брендин жаратууну каалаган дизайнерлер өз аудиториясын талдап, түшүнүп, башкача айтканда, "кандай жана кимдер үчүн кийим чыгарам?" деген суроого так жооп таап алгандары дурус. Башкысы, баарын жүзөгө ашырууга болорун унуткарбоо зарыл. Маселен, өзүм бул чөйрөгө эч кандай инвестициясы жок эле келгем.

Эскизы одежды от дизайнера Айкин Ариповой
© Фото / Айкин Арипова
Айкин Арипова: Дизайнерлик кийимдин баасы эмнелерден түптөлөрүн адамдар түшүнсө дейм. Биздин брендде ар бир кездеме тазаланат, мисалы, кездеменин биринчи жолку кириши үчүн адегенде ал жуулат. Кийимдердин даяр болушу менен эле иш токтоп калбайт, ченеп көргөндөн кийин аны таанытуу машакаты бар.

— Алгачкы эмгектериңиздин баалары кандай эле? Азыр Айкин Арипова жараткан кийимдердин наркы канча?

— Жалпы өндүрүшкө караганда ата мекендик дизайнерлик бренддин ортосунда өндүрүмдүн чакандыгын, баанын түптөлүшү жаатында чоң айырма бар экенин түшүнгөн оң. Идея, аны иштеп чыгуу, ылайыктуу кездеме, фурнитурасын издөө убарасы бар, кол эмгеги көп талап кылынат. Ушунун баары процессти абдан татаалдаштырат.

Дизайнерлер мени жакшы түшүнөр, кийим дээрлик даяр дегенде да майда бир нерсе, айталы, кемер же топчу жетишпей туруп алган учурлар болот. Бул кымындай эле нерселери, бирок эң маанилүү элементтерин шаарды түрө кыдырып издеп калган учурлар да жок эмес.

Дизайнерлик кийимдин баасы эмнелерден түптөлөрүн адамдар түшүнсө дейм. Биздин брендде ар бир кездеме тазаланат, мисалы, кездеменин биринчи жолку кириши үчүн адегенде ал жуулат. Кийимдердин даяр болушу менен эле иш токтоп калбайт, ченеп көргөндөн кийин аны таанытуу машакаты бар. Ал эми бул – фотографтар, фотостудия, модель, макияж… Айтор, ички чыгымдары толтура. Бул чыгымдарды эсепке албаган дизайнер тез эле сызга отуруп калат.

Албетте, бул ишке алгач киришкенде кийимдерибиздин баасы башка эле, ушул тапта таптакыр бөлөк баалар, бирок так санын айта албайм. Анткени күндө кийилчү кийимдер менен катар ар кандай кече, үлпөт той же кыз узатууга да көйнөктөрдү чыгарабыз. Жылдыздарга да образдарды жаратабыз. Ар башкача линия болгондуктан баасы да ар кыл.

Посмотреть эту публикацию в Instagram

Публикация от @aikinaripova

— Жергиликтүү белгилүү адамдардын кимиси менен иштештиңиз?

— Андан көрө иштешпегендерди санаганым жеңилирээк, себеби Бишкек кыйла чакан шаар. Баары бири-бири менен кызматташат, тааныш же достук мамиледе. Кай бирин атоо кыйын. Анан да өз кардарларымды жылдыз жана "жылдыз эмес" деп бөлгүм жок.

— Маектериңиздин биринде ой чабытыңыздан чыккан кийимдердин баары аялзатка арналарын айткан экенсиз...

— Эгер менден "кийинки өмүрдө аял болуп жаралгыңыз келеби же эркек болуппу?" деп сурашса, биринчисин тандамакмын. Ушул турпатым жагат. Кыргызстандык айымдарды өз чыгармачылыгым менен шыктандырып, колдоо көрсөткүм келет. Биз чыгарган кийимдерди кийген ар бир айым гармонияны, өзүнө бекем ишенимди сезгени мен үчүн абдан маанилүү.

Ушул ишти баштагандан бери көйнөктөрүбүздү кийип, болочок өмүр шериктерин тапкан кыздар мага көп жазды. Менимче, мында кеп ал кийимдерде эмес, кыздардын аларды кийгендеги сезимдеринде.

Дизайнер одежды Айкин Арипова на фотосессии
© Фото / предоставлено Айкин Ариповой
Дизайнер: Биздин милдет – белгиленген датага образды жаратып гана үлгүрбөстөн, кездемени, фурнитурасын тандоого жетишүү. Буюртма кылган материал кечигип, кездемелер кемтик менен келген учурлар да көп кездешет.

— Дизайнерлик иште эч кимдин оюна келбеген жагдайлар болобу?

— Ар бир кесиптин эч ким туйбаган кыйынчылыгы болот. Дизайнердин ишинде чектелүү убакыт бар, баары ошол акыркы мөөнөттүн тегерегинде жүрөт.

Биздин милдет – белгиленген датага образды жаратып гана үлгүрбөстөн, кездемени, фурнитурасын тандоого жетишүү. Буюртма кылган материал кечигип, кездемелер кемтик менен келген учурлар да көп кездешет. Мында уюштуруучулук жөндөм болбосо иш жүрбөйт. Эстрада жылдызы же тасма тартуу үчүн костюмдарга буюртма алдык дейли, планын иштеп чыгып, дайым кызматкерлер жана кардарлар менен байланышта болушуң шарт. Татаал тарабы жетиштүү, анткен менен бара-бара мындай күнүмдүк иштер адатка айланып калат.

— Командаңызда канча киши эмгектенет?

— Эгер мезгил-мезгили менен кызматташкандарды эсептебей турган болсок, SMM адиси, каржы менеджери, сатуу боюнча менеджерлерди кошкондо 10 кишибиз.

Одежда от дизайнера Айкин Ариповой
© Фото / Айкин Арипова
Айкин Арипова: Мерьем Узерлинин Instagram баракчасын баштан-аяк карап, катышкан кечелерди түгөл көрүп чыктым. Ага кийим жаратууда баарын: чачын, көзүн, боюн да эске алдым...

— Азем-салтанаттар азайып, көпчүлүк кыргызстандыктар жумушсуз калган пандемия жылын кандай кечирдиңиз?

— Чындыгында биз үчүн былтыр кыйла ийгиликтүү жылдардан болду. Карантин алдында биз жаңы офлайн-сатык түйүнүн ачууну пландап жаткан элек. Жай таап, имараттын кожоюндары менен да макулдашып койгонбуз. Бирок карантин жарыяланып калды, пландарды өзгөртүүгө туура келди. Анан калса, дал ушул себептен Москвадан алган ири буюртма да үзгүлтүккө учурады.

Ошондо Instagram баракчадан онлайн-сатууга аракет жумшоону чечтим. Өлчөм торчосун, кийим калыптарын, кездемесин ойлонуштуруп, даяр кийим-кечелерди тигүүгө билек түрө кириштим. Пандемиянын айынан көпчүлүк акчадан кыйналып турган, ошондуктан болушунча эл төлөй алчу бааны койгом.

Ал аракетимдин акыбети кайтты! Сатыктын көлөмү дүр этип өсөрүн күткөн жок элем. Болгондо да Кыргызстан ичинде эле эмес, чет өлкөлөрдө да ушундай көрсөткүчкө жетиштик.

Звезда турецкого сериала Великолепный век Мерьем Узерли прилетела в Бишкек по приглашению Азиатского международного кинофестиваля, для презентации премии для телесериалов.
© Sputnik / Табылды Кадырбеков
Арипова: Өзүм күйөрманы болгон бул актриса кийимдердин баарын ала кеткени төбөбүздү көккө жеткирди. Менин ой-демилгелеримдин мындай дүйнөлүк деңгээлдеги жылдыздын да көңүлүнө төп келишине жетине албай турам.

— Актриса Мерьем Узерлинин эки кийими дал сиздин колуңуздан чыккан экен. Ушул туурасында кеңири айтып берсеңиз.

— 29-августта долбоордун башкы стилисти Чолпон Чаргынова кайрылды. Кыргызстанга Мерьем Узерли келерин маалымдап, ал үчүн маалымат жыйыны жана иш-чаранын кечки бөлүгүнө ылайыктуу, ушундай өңүттөгү эл аралык деңгээлдеги иш-чараларга шайкеш кийимдерди даярдоо керектигин айтты.

Актрисанын Instagram баракчасын баштан-аяк карап, катышкан кечелерди түгөл көрүп чыктым. Ага кийим жаратууда баарын: чачын, көзүн, боюн да эске алдым...

Эки сутка ичинде эки образ түзүп чыгып, эскиздерин ага макулдашууга жөнөттүм. Мерьем: "Вау, сонун, ишке киришели!" – деп жооп берди... Өз каалоосуна жараша өзгөртүүлөрдү киргизе аларын айтсам, ага баары эле жакканын билдирди. Командабыз менен актрисанын келишине төрт күн тынымсыз камдандык, дал маалында кийимдерди тигип бүттүк.

Кошумча дагы тигилүү турган топ (кыска кофта) жана шымдарды да кошо даярдап турууну чечкен элек. Италиялык кездемеден тигилген ошондой бир топ Мерьемге өзгөчө жагып, эскизде сунушталгандын ордуна ошону кийип чыкты.

Өзүм күйөрманы болгон бул актриса кийимдердин баарын ала кеткени төбөбүздү көккө жеткирди. Менин ой-демилгелеримдин мындай дүйнөлүк деңгээлдеги жылдыздын да көңүлүнө төп келишине жетине албай турам. Болочокто эл аралык рынокко чыккым келет. Кандай гана чыгармачыл жан болбосун бул орундуу тилек, аны аткарууга умтулам.

0
Белгилер:
Мерьем Узерли, дизайнер, кийим, соода, дүкөн, команда, подиум, модель, Айкин Арипова
Тема боюнча
Тырмак жасап айына 600 миң сом тапкан Екатерина: кыйналганда бизнес ачтым
Мерьем Узерли, Марк Дакаскос, Стивен Сигал... Кыргызстанга кайсы жылдыздар келген?