Кыргызстандыктар "Танк биатлонунда" Тажикстан аскерлерин утуп алды. Видео

2354
(жаңыланган 20:39 31.08.2021)
Кыргызстандын аскер кызматкерлери бутага таамай атуу менен өзгөчөлөнүп алдыга чыккан. Эстафетанын финалдык баскычына дивизиондогу беш команданын төртөө чыгат.

Кыргызстандын аскер кызматкерлери "Танк биатлону — 2021" жарышынын жарым финалдык эстафетасында Тажикстанды утуп алды. Бул тууралуу tvzvezda.ru сайты жазды.

Жарыш Россиянын Подмосковье аймагындагы "Алабино" полигонунда болуп жатат.

Курама командалар мелдештин экинчи дивизионунда ат салышууда.

Кыргызстандын аскер кызматкерлери 24 бутанын бешөөнө тийген. Ал эми тажикстандыктар бир да жолу тийгизе алышкан эмес.

Кыргызстандын курама командасы эстафетаны жалпысынан 2 саат 23 мүнөттө жыйынтыктаган. Ал эми атаандаш команда 15 мүнөткө артта калган.

Дивизиондун жарым финалдык баскычында Кыргызстан, Лаос, Мьянма, Тажикстан жана Түндүк Осетия командалары ат салышууда. Жарым финалдык бөлүк 1-сентябрда жыйынтыкталат.

Эске салсак, эстафетанын финалдык баскычына дивизиондогу беш команданын төртөө чыгат.

"Танк биатлону" жарышынын экинчи дивизиондогу командаларынын финалы 3-сентябрда болот.

Кыргызстан мындай жетишкендиктери менен жарыштагы биринчи дивизионго көтөрүлүү мүмкүнчүлүгүнө ээ болду. Былтыр сегизинчи орунду ээлеп, экинчи дивизионго түшүп калган эле.

2354
Белгилер:
танк биатлону, Кыргызстан, жеңиш, Тажикстан
Тема боюнча
Кыргызстан "Танк биатлонунун" экинчи дивизионунда биринчи келе жатат. Видео
Танк үстүндөгү балерина менен жоокердин бийи. Алабинодон тартылган видео

Эйфель мунарасынан театрга чейин аркан менен баскан дарчы. Видео

86
(жаңыланган 15:02 20.09.2021)
Франциялык экстрим Натан Полен асманда аркан менен 670 метр жолду жыгылбай, мүдүрүлбөй басып өткөн.

Бул туурасында жазган RT бул номерин ал Европа мурастарынын күнүнө арнагандыгын жазды.

Дарчынын "сапары" Эйфель мунарасынан башталып каршысында турган Шайо улуттук театрынан аяктаган.

Бул трюкту спортчу ар кыл кырсыктан камсыздаган жипти белине байлап алып жасаган.

86
Белгилер:
Франция, мунара, театр
Тема боюнча
Аскага чыкканына сүйүнгөн спортчу секире коюп олуттуу жаракат алды. Видео

Бизнестен, батирден баш тартып. Кыргызстандык түгөйлөрдүн шыктандырган видеосу

170
(жаңыланган 13:53 20.09.2021)
Калыбек Кадыр менен Чолпон Даниярова 30 жылдан бери бирге түтүн булатып келишет. Мурда алар бизнес менен алектенишсе, кийин бул үй-бүлө жашоосун таптакыр башка нукка өзгөрткөн.

Алар шаардагы бардык ыңгайлуулуктар түзүлгөн шарттан, батирден баш тартышкан. Жайында Ысык-Көлдө жашаса, кышында жылуу өлкөлөргө кетип калышат.

Калыбек кайтсёрфингге, Чолпон сапсёрфингге үйрөтөт. Түгөйлөр эми алардын өзүнүн сүйгөн ишине жана спортко көңүл бурууга мезгил келгендигин айтып беришти. Балдар чоңойду, аларга кам көрүп карагыдай кичинекей эмес. Андыктан өмүрдү кызыктуу кылып өткөрүп, рахатын көрүү керек дешет.

170
Белгилер:
Кыргызстан, Балыкчы, Ысык-Көл, түгөй, кайтсерфинг, сапсерфинг
Тема боюнча
"Орёл и решканын" экинчи бөлүгү чыкты. Ысык-Көлдө тартылган видео
Кол кармашып турган түгөй. Архив

Түгөйлөрдүн бири эмнеден улам орой болуп калат? Адистин түшүндүрмөсү

0
Психологдун айтымында, орой адамды жар катары тандаган киши "жылытууга" аракет кылышы керек. Мисалы, кыйкырыкка кыйкырык менен жооп бербей, тескерисинче, жумшак мамиле кылган туура.

БИШКЕК, 21-сен. — Sputnik. Психолог Александр Колмановский жубайлардын оройлугу эмнеден келип чыгарын жана аны кантип жеңсе болорун айтып берди. Адистин пикирин РИА Новости жарыялады.

"Кандай адамдар жакындарына ороңдоп бир тийип, көңүлүн көп оорутат? Адатта булар кичинесинде ата-энеси жетишерлик көңүл буруп, бооруна тартпаган балдар. Көкүрөгүндө кичине кезинде албай калган мээримдин орду бош болуп, кийин анын ордун түгөйүнүн мээрими менен толтургусу келет. Бирок ошол нерсеге жылуу-жумшак жол менен жетүүнүн ордуна оройлугун көрсөтөт, башка жолун билбейт", — деди адис.

Колмановский түшүндүргөндөй, мындай адамды кабыл алып, жар катары тандаган киши "жылытууга" аракет кылышы керек. Мисалы, кыйкырыкка кыйкырык менен жооп бербей, тескерисинче, жумшак мамиле кылган туура.

"Мисалы, сиз аябай шашып бара жатканда, бирөө токтотуп алып сиз үчүн маанисиз бир нерсе сурады дейли. Албетте, жиниңиз келип, кагып коюшуңуз мүмкүн. Ошол учурда ал кечирим сурап, кичипейил мамиле кылса, сиз уялып каласыз. Кийин ал адамды көргөндө ыңгайсыз болуп, жакшы сүйлөгөнгө аракет кыласыз", — деди психолог.

Адис кошумчалагандай, түгөйүн мындай абалдан алып чыгып кетем деген киши ал уруша баштаганда сөздөрүнө эмес, ошол учурдагы абалына көңүл бурушу керек. Ошондо гана кырдаал даана көрүнүп, жакын адамга жардам берүү оңоюраак болот.

0
Белгилер:
күйөө, аял, уруш, психология, абал
Тема боюнча
Бош убакыттын көптүгү маанайды чөгөрүп, ден соолукка залакасын тийгизет
Окумуштуулар коронавирустун дагы бир олуттуу кесепетин айтышты