Фермер койлорун жүрөк кылып тизип, эжесине сый-урматын көрсөттү. Видео

397
(жаңыланган 20:47 01.09.2021)
Коронавирус пандемиясынан улам жакын тууганына топурак сала албай калган австралиялык фермер коштошуу сезимин багып жүргөн койлору аркылуу билдирген.

Австралиянын Жаңы Түштүк Уэльс штатында жашаган фермер Бен Жексон короодогу койлорун жүрөк кылып тизгенин видеого тартып алган.

Ролик анын эжесин жерге берүү зыйнатында көрсөтүлгөн. Жексон өзү пандемиядан улам тууганын акыркы сапарга узатууга катыша албай калганын The Guardian жазды.

Фермердин эжеси Деб Каудери эки жылдай рак илдети менен ооруган. Маркум Квинсленд штатында жашаган. Пандемиядан улам Жексон тууганы ооруп жатканда андан кабар алууга, каза болгондо жерге берүү зыйнатына бара алган эмес.

"Мен сүйүктүү эжемди жакшы көрөрүмдү кантип билдирүүнүн жолун таппай кыйналдым", — деген ал.

Койлор жүрөк болуп тизилиши үчүн Жексон аларды бир канча күн бою окшош режимде жем берип багып көндүргөн.

Фермер видеону дрондун жардамы менен тартып алып, эжеси жактырган Bridge Over Troubled Water (Шар аккан суудагы көпүрө) ырынын обону менен монтаждап, Квинсленддеги туугандарына жиберген.

Жексондун айтымында, тажияда коштошуу видеосун көргөн көпчүлүк ыйлаган. Соцтармактарда болсо Жексон сыяктуу локдаун маалында туугандарын жоготкон он миңдеген австралиялыктар лайк басышкан.

397
Белгилер:
фермер, Австралия, видео, кой
Тема боюнча
Жүрөк жылытат! Иттин чөгүп бараткан чаарчыкты сактап калган видеосу

Бир нече мүнөттүн ичинде үч ажалдан кутулган антилопанын видеосу

72
Туристтер антилопанын бир эмес, бир нече ирет кургак жерден да, суунун ичинен да кол салууга камданган душмандарынан кутулуп, ажалдан аман калган учуруна күбө болгон.

Бул тууралуу видео Latest Sightings YouTube каналына жарыяланды.

Бул күлүк, бирок алсыз жаныбар алгач африкалык 16 жапайы иттин таландысына кала жаздаган. Жанына күч келгенде көлмөгө кире качкан. Кыңшылаган гиена сыяктуу иттер олжосунан кол жууп, шилекейин чууртуп жээкте кала берген.

Видеону ошол жерде туристтерди коштоп жүргөн 24 жаштагы Рейнжер Дэниел Хитчингс тартып алган.

Антилопа сууга кирип аркы өйүзгө сүзүп бара жатканда андан бир нече метр аралыкта крокодил пайда болуп, тооруп баштаган. Сырттан карап турган кишинин чыдамы кете турган бул картина эч кандай окуясыз аяктап, антилопа аллигатордон да кутулган. Үчүнчү дагы бир кооптуулук аны жээкке жакын жерде күтүп турган. Үйүрү менен сууга түшүп жаткан бегемоттордун эң ириси ага жакындап келип, секиргенде антилопа шамдагайлыгы менен чет жакка ойт бергенге жетишип калган. Алсыз, бирок эч кимге зыяны жок жаныбар бактыга жараша, бир нече ирет ажалдын чеңгелинен кутулуп, жээкке чыгып, андан ары секирген тейде бадалдын арасына кирип кеткен. Ошентип, бул ирет да ага жашоо жылмайган.

72
Белгилер:
Түштүк Африка Республикасы, жаратылыш, антилопа, жайыт, ит, бегемот
Тема боюнча
Кудум ниндзядай. Кабыландын антилопага чукул келип кол салган видеосу
Жан айласын кылып сууга кирген антилопанын кейиштүү окуясы. Видео

Бишкекте россиялыктар Мамдуманын депутаттарын шайлоодо. Видео

127
Ушул тапта Кыргызстандын төрт шаарында шайлоо тилкеси иштеп, өлкө аймагындагы россиялыктар РФтин Мамлекеттик Думасына кезектеги депутаттарды шайлоого добуш берип жатышат.

Шайлоо 17-сентябрдан 19-сентябрга чейин белгиленген. Аны менен биргеликте аймактык жана муниципалдык шайлоо да кошо өтүп жатат. Добуш берүүнүн негизги күнү катары 19-сентябрь эсептелет.

Россиянын Кыргызстандагы элчиси Николай Удовиченко шайлоо тилкелери 8:00дөн 20:00гө чейин иштей турганын айтты.

"Төрт шайлоо тилкеси ачылды: Бишкекте элчиликтин базасында, Оштогу башкы консулдуктун базасында, Кант менен Караколдо. Добуш берүүгө Кыргызстанда жүргөн Россия Федерациясынын бардык жарандары жана онлайн режиминде мамлекеттик кызмат көрсөтүү системасы аркылуу добуш бербегендер катыша алат", — деген элчи.

Мамлекеттик Думага 450 депутат тандалат: жарымы партиялык тизме менен болсо, жарымы бир мандаттуу округдар аркылуу. Жарышка ат салышууга 14 саясий партия катталган. Шайлоочулардын саны 110 миллиондон ашат.

127
Белгилер:
Кыргызстан, Россия, Мамлекеттик Дума, шайлоо, жер тилкеси, добуш берүү
Тема боюнча
Ош шаарында РФ жарандары Мамдума шайлоосуна добуш берип жатат. Сүрөт
Бишкектеги Патрулдук милиция кызматкери

Эскертүү! Автоунаа салыгын төлөбөгөндөргө карата рейд жүрүп жатат

9
(жаңыланган 12:02 20.09.2021)
Мыйзамга ылайык, салыкты өз убагында төлөбөгөндөргө 2000 сом айып салынып, ага кошо ар бир өткөн күнүнө туум эсептелет.

БИШКЕК, 20-сен. — Sputnik. Мамлекеттик салык кызматы Жол коопсуздугун камсыздоо боюнча башкы башкармалыгынын инспекторлору менен биргеликте салык төлөбөгөн унаа ээлерин аныктоо боюнча рейд жүргүзүп жатат. Бул тууралуу аталган органдын маалымат кызматы билдирди.

Быйыл автоунаа салыгын төлөө мөөнөтү 1-сентябрда аяктаган.

  • ГНС совместно с сотрудниками ГУОБДД МВД КР проводят рейды по выявлению водителей, не уплативших налог на автотранспорт. 20 сентября 2021 года
    Мамлекеттик салык кызматы Жол коопсуздугун камсыздоо боюнча башкы башкармалыгынын инспекторлору менен биргеликте салык төлөбөгөн унаа ээлерин аныктоо боюнча рейд жүргүзүп жатат
    © Фото / пресс-служба ГНС КР
  • ГНС совместно с сотрудниками ГУОБДД МВД КР проводят рейды по выявлению водителей, не уплативших налог на автотранспорт. 20 сентября 2021 года
    Быйыл автоунаа салыгын төлөө мөөнөтү 1-сентябрда аяктаган
    © Фото / пресс-служба ГНС КР
  • ГНС совместно с сотрудниками ГУОБДД МВД КР проводят рейды по выявлению водителей, не уплативших налог на автотранспорт. 20 сентября 2021 года
    Мыйзамга ылайык, салыкты өз убагында төлөбөгөндөргө 2000 сом айып салынып, ага кошо ар бир өткөн күнүнө туум эсептелет. Мындан улам Салык кызматы акчаны азыр төлөөгө чакырат
    © Фото / пресс-служба ГНС КР
1 / 3
© Фото / пресс-служба ГНС КР
Мамлекеттик салык кызматы Жол коопсуздугун камсыздоо боюнча башкы башкармалыгынын инспекторлору менен биргеликте салык төлөбөгөн унаа ээлерин аныктоо боюнча рейд жүргүзүп жатат

Мыйзамга ылайык, салыкты өз убагында төлөбөгөндөргө 2000 сом айып салынып, ага кошо ар бир өткөн күнүнө туум эсептелет. Мындан улам Салык кызматы акчаны азыр төлөөгө чакырат.

Маалыматта рейддер салык төлөбөгөндөрдү жазалоо максатында гана эмес, калк арасында түшүндүрүү иштерин жүргүзүү үчүн да өткөрүлүп жатканы кошумчаланган.

9
Белгилер:
автоунаа, салык, төлөө, рейд, айып
Тема боюнча
Документтерди эми милиционерлерге смартфондон эле көрсөтсө болот. Шарттары
Кыргызстанда бажы салыгы эки эсеге көбөйдүбү? Расмий жооп