Кыргызстан чемпион болгон "Танк биатлонундагы" өзгөчө ирмемдер. Видео

692
(жаңыланган 13:10 04.09.2021)
Кыргызстандык аскерлер кечээ Танк биатлонунун экинчи дивизионунда марага чыгып, жеңип алды. Бул сапар финалдагы өзгөчө учурларды тартуулайбыз.

Танк биатлону адаттагыдай эле күчтүүлөрдү, мыкты көзгө атарларды, шамдагайларды сынап, "Алабино" полигонунда өттү. Соңку эстафета-таймашка Кыргызстандан сырткары Мьянма, Тажикстан жана Түштүк Осетия командалары катышты.

Жарышта ар бир танк экипажы төрт айлампа жасап, тоскоолдуктарды багынтып, бутаны атып жана отту аралап өтүштү. Аскерлер көзгө атарлык чеберчилигин танка жүрүп бара жатканда пушка менен сынашты. Ал эми токтоп турганда жупташкан жана зениттик пулемёттон атышты. Жарышка ар бир командадан үч экипаж катышты. Бир танкада экипажды алмаштырган дагы бир адис отурду. 

Танк Т-72Б3 команды военнослужащих Киргизии во время финальных соревнований танковых экипажей в рамках конкурса Танковый биатлон-2021 на полигоне Алабино в Подмосковье в рамках VII Армейских международных игр АрМИ-2021.
© Sputnik / Валерий Мельников
Кыргызстандык аскерлер кечээ танк биатлонунун экинчи дивизионунда марага чыгып, жеңип алды

Кыргызстан марага 2 саат 16 минут 51 секундада келди. Ал эми атаандаш болгон Тажикстан командасы кыргыз аскерлеринен 3 мүнөт 13 секунд артта калды. Мьянмалык танкачылар коло медалга ээ болуп, марага 2 саат 28 минут 5 секундада келди. Төртүнчү орун Түштүк Осетия командасына тийип, алар жарышты 2 саат 29 минут 6 секунд менен жыйынтыктады.

Бүгүн биринчи дивизиондун финалдык эстафетасы болот. Танк биатлонундагы башкы кубок үчүн Азербайжан, Казакстан, Кытай жана Россия ат салышат. Таймаш Москва сааты боюнча 15:30да (18:30 - Бишкек) башталат.

"Эстафета" — Танк биатлонунун күйөрмандарынын кан кызыткан жарышы. Регламент боюнча ар бир курама команданын үч экипажы кезектешип, бир танка менен трассадан өтүп, аны менен кошо 24 бутага атып тийгизип, 50 чакырымды арбытышы керек. Сөз кылып жаткан эстафетанын өзгөчөлүгү 400 метр аралыкта танка жүрүп баратканда бутаны капталдан атуу болуп эсептелет. Бул — эң кыйын тапшырмалардын бири. Быйыл "Танк биатлонуна" Азия, Африка жана Европа өлкөлөрүнөн 19 курама команда катышты.

692
Белгилер:
Кыргызстан, Алабино, танк, танк биатлону, экипаж, эстафета
Тема боюнча
Кыргызстандыктар "Танк биатлонунда" Тажикстан аскерлерин утуп алды. Видео

Эйфель мунарасынан театрга чейин аркан менен баскан дарчы. Видео

40
(жаңыланган 15:02 20.09.2021)
Франциялык экстрим Натан Полен асманда аркан менен 670 метр жолду жыгылбай, мүдүрүлбөй басып өткөн.

Бул туурасында жазган RT бул номерин ал Европа мурастарынын күнүнө арнагандыгын жазды.

Дарчынын "сапары" Эйфель мунарасынан башталып каршысында турган Шайо улуттук театрынан аяктаган.

Бул трюкту спортчу ар кыл кырсыктан камсыздаган жипти белине байлап алып жасаган.

40
Белгилер:
Франция, мунара, театр
Тема боюнча
Аскага чыкканына сүйүнгөн спортчу секире коюп олуттуу жаракат алды. Видео

Бизнестен, батирден баш тартып. Кыргызстандык түгөйлөрдүн шыктандырган видеосу

108
(жаңыланган 13:53 20.09.2021)
Калыбек Кадыр менен Чолпон Даниярова 30 жылдан бери бирге түтүн булатып келишет. Мурда алар бизнес менен алектенишсе, кийин бул үй-бүлө жашоосун таптакыр башка нукка өзгөрткөн.

Алар шаардагы бардык ыңгайлуулуктар түзүлгөн шарттан, батирден баш тартышкан. Жайында Ысык-Көлдө жашаса, кышында жылуу өлкөлөргө кетип калышат.

Калыбек кайтсёрфингге, Чолпон сапсёрфингге үйрөтөт. Түгөйлөр эми алардын өзүнүн сүйгөн ишине жана спортко көңүл бурууга мезгил келгендигин айтып беришти. Балдар чоңойду, аларга кам көрүп карагыдай кичинекей эмес. Андыктан өмүрдү кызыктуу кылып өткөрүп, рахатын көрүү керек дешет.

108
Белгилер:
Кыргызстан, Балыкчы, Ысык-Көл, түгөй, кайтсерфинг, сапсерфинг
Тема боюнча
"Орёл и решканын" экинчи бөлүгү чыкты. Ысык-Көлдө тартылган видео
Элчи Тотуяев этникалык кыргыздар менен жолугушуусу

Элчи Тотуяев Пакистанда жашаган этникалык кыргыздар менен жолукту. Сүрөт

22
(жаңыланган 17:17 20.09.2021)
Элчи боордоштордун Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген.

БИШКЕК, 20-сен. — Sputnik. Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту. Бул тууралуу Тышкы иштер министрлигинин маалымат кызматы билдирди.

Жолугушуунун алкагында элчи этникалык кыргыздардын Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген. Ошондой эле ар кандай укуктук, социалдык жана күнүмдүк маселелерди чечүүдө ар тараптуу жардам көрсөтүүгө даярдыгын айткан.

Встреча посла КР в Пакистане Уланбека Тотуяева с представителями этнических кыргызов, проживающими в Пакистане. 20 сентября 2021 года
© Фото / пресс-служба МИД КР
Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту

Өз кезегинде этникалык кыргыздар Кыргыз-Пакистан мамилесин өнүктүрүүгө жана Пакистанда Кыргызстандын имиджин бекемдөөгө багытталган мындан аркы биргелешкен иштерге кызыкдар экенин билдиришкен.

Тараптар Пакистандагы кыргыздардын жана Ала-Тоого көчүп кетүүнү каалаган кайрылмандардын укуктук сабаттуулугун жогорулатуу максатында жашаган жерлерине элчинин жакын арада баруусун макулдашты.

22
Белгилер:
Пакистан, этникалык кыргыздар, элчи, жолугушуу, Уланбек Тотуяев
Тема боюнча
Өзбекстанда канча этникалык кыргыз жашаары айтылды
Кыргыздардын Памирде жашашы Афганистанга пайда. Кандаштарды эмне үчүн көчүрбөө керек