Эстен тандыра муунтуп. UFC жай айындагы мыкты сабмишендердин видеосун чыгарды

278
UFC Russia уюму өзүнүн YouTube каналына жай айында өткөн Ultimate Fighting Championship мелдештериндеги мыкты сабмишендердин (багынып берүү) жыйнагын чыгарды.

Роликте таймашка чыккан мушкерлер бири экинчисин муунтуп эстен тандырган, колун же бутун кайрып жеңилүүгө аргасыз кылган учурлар камтылган. Арасында Хабиб Нумагомедовдун командалашы Ислам Махачевдин атаандашы Тиагу Мойзести муунтуп уткан учуру бар.

278
Белгилер:
UFC, видео, жай, муунтуу, мушкер
Тема боюнча
Сулата тээп, көтөрүп чаап. UFC турнириндеги кызыктуу учурлар бир видеодо
Чимирилип тээп, жыга чаап. UFC жай айындагы нокауттардын видеосун чыгарды

Бир нече мүнөттүн ичинде үч ажалдан кутулган антилопанын видеосу

13
Туристтер антилопанын бир эмес, бир нече ирет кургак жерден да, суунун ичинен да кол салууга камданган душмандарынан кутулуп, ажалдан аман калган учуруна күбө болгон.

Бул тууралуу видео Latest Sightings YouTube каналына жарыяланды.

Бул күлүк, бирок алсыз жаныбар алгач африкалык 16 жапайы иттин таландысына кала жаздаган. Жанына күч келгенде көлмөгө кире качкан. Кыңшылаган гиена сыяктуу иттер олжосунан кол жууп, шилекейин чууртуп жээкте кала берген.

Видеону ошол жерде туристтерди коштоп жүргөн 24 жаштагы Рейнжер Дэниел Хитчингс тартып алган.

Антилопа сууга кирип аркы өйүзгө сүзүп бара жатканда андан бир нече метр аралыкта крокодил пайда болуп, тооруп баштаган. Сырттан карап турган кишинин чыдамы кете турган бул картина эч кандай окуясыз аяктап, антилопа аллигатордон да кутулган. Үчүнчү дагы бир кооптуулук аны жээкке жакын жерде күтүп турган. Үйүрү менен сууга түшүп жаткан бегемоттордун эң ириси ага жакындап келип, секиргенде антилопа шамдагайлыгы менен чет жакка ойт бергенге жетишип калган. Алсыз, бирок эч кимге зыяны жок жаныбар бактыга жараша, бир нече ирет ажалдын чеңгелинен кутулуп, жээкке чыгып, андан ары секирген тейде бадалдын арасына кирип кеткен. Ошентип, бул ирет да ага жашоо жылмайган.

13
Белгилер:
Түштүк Африка Республикасы, жаратылыш, антилопа, жайыт, ит, бегемот
Тема боюнча
Кудум ниндзядай. Кабыландын антилопага чукул келип кол салган видеосу
Жан айласын кылып сууга кирген антилопанын кейиштүү окуясы. Видео

Бишкекте россиялыктар Мамдуманын депутаттарын шайлоодо. Видео

109
Ушул тапта Кыргызстандын төрт шаарында шайлоо тилкеси иштеп, өлкө аймагындагы россиялыктар РФтин Мамлекеттик Думасына кезектеги депутаттарды шайлоого добуш берип жатышат.

Шайлоо 17-сентябрдан 19-сентябрга чейин белгиленген. Аны менен биргеликте аймактык жана муниципалдык шайлоо да кошо өтүп жатат. Добуш берүүнүн негизги күнү катары 19-сентябрь эсептелет.

Россиянын Кыргызстандагы элчиси Николай Удовиченко шайлоо тилкелери 8:00дөн 20:00гө чейин иштей турганын айтты.

"Төрт шайлоо тилкеси ачылды: Бишкекте элчиликтин базасында, Оштогу башкы консулдуктун базасында, Кант менен Караколдо. Добуш берүүгө Кыргызстанда жүргөн Россия Федерациясынын бардык жарандары жана онлайн режиминде мамлекеттик кызмат көрсөтүү системасы аркылуу добуш бербегендер катыша алат", — деген элчи.

Мамлекеттик Думага 450 депутат тандалат: жарымы партиялык тизме менен болсо, жарымы бир мандаттуу округдар аркылуу. Жарышка ат салышууга 14 саясий партия катталган. Шайлоочулардын саны 110 миллиондон ашат.

109
Белгилер:
Кыргызстан, Россия, Мамлекеттик Дума, шайлоо, жер тилкеси, добуш берүү
Тема боюнча
Ош шаарында РФ жарандары Мамдума шайлоосуна добуш берип жатат. Сүрөт
Комуз. Архивдик сүрөт

Ош шаарында төкмө акындардын айтышы өтөт

0
Мэрия шаардыктарды жана анын конокторун акындарды колдоп жана айтыштан эргүү алып кетүүгө чакырды.

БИШКЕК, 20-сен. — Sputnik. Ош шаарында 23-сентябрда республикалык төкмө акындардын "Ак таңдай-2021" деп аталган айтышы башталат. Бул тууралуу Ош мэриясынын маалымат кызматы социалдык тармактагы баракчасына чыгарды.

Бул сынак "Алтын комуз" байгесине арналганы айтылды.

"22-сентябрда "Санжыра" эс алуу жайында тандоо туру, ал эми 23-сентябрда Султан Ибраимов атындагы улуттук драма театрында "Ак таңдай-2021" республикалык төкмө акындардын айтышы башталат", — деп жазылган маалыматта.

Мэрия шаардыктарды жана анын конокторун акындарды колдоп жана айтыштан эргүү алып кетүүгө чакырды.

Ага тиркелген жарнама видеодо Мамлекеттик тил күнү жана Ош шаарынын күнүн утурлай уюштурулган бул иш-чараны "Ак таңдай" коомдук фонду, Ош шаардык мэриясы жана ЭлТР каналы биргелешип уюштургандыгы кабарланган.

0
Белгилер:
Кыргызстан, Ош шаары
Тема боюнча
Кыргыз-казак эл аралык айтыш жыйынтыкталып, жеңүүчүлөр аныкталды