Депутаттыкка талапкерлер качан каттоодон өтөт? Шайлоо этаптарынын календары

131
Борбордук шайлоо комиссиясы Жогорку Кеңешинин депутаттарын шайлоону даярдоонун жана өткөрүүнүн негизги багыттары менен этаптары тууралуу календарь жарыялады.

Ага ылайык, 7-сентябрдан тарта округдук шайлоо комиссияларын түзүү иштери башталган. Ал эми чет өлкөдөгү шайлоо комиссиялары 13-сентябрга чейин түзүлүп бүтүшү керек.

Шайлоочулардын тизмеси менен иштөө:

  • Шайлоо участкаларына шайлоочулардын алдын ала тизмесин таанышуу үчүн илүү — 19-сентябрга чейин;
  • Шайлоочулардын контролдук тизмесин илүү — 29-октябрга чейин;
  • Шайлоочулардын тизмесиндеги ката же так эместик, тизмеден чыкпай калуу жөнүндө арыздарды кабыл алуу жана иштеп чыгуу — 19-сентябрдан 21-октябрга чейин;
  • Шайлоо участкаларына шайлоочулардын акыркы тизмесинин экинчи нускасын илүү — 21-ноябрга чейин;
  • ЖК депутаттыгына талапкерлерди көрсөтүү — 14-октябрга чейин;
  • ЖК депутаттыгына талапкерлердин тизмесин каттоо — 29-октябрга чейин;
  • Шайлоо алдында үгүт жүргүзүү — 29-октябрынан 27-ноябрдын саат 08:00үнө чейин;
  • Добуш берүүчү жайдан тышкары жерде добуш берүү — 27-ноябрь, саат 08:00дөн 20:00гө чейин;
  • Добуш берүү — 28-ноябрь, саат 08:00дөн 20:00гө чейин;
  • Шайлоонун расмий жыйынтыгын аныктоо — 18-декабрга чейин.

Белгилей кетсек, парламенттик шайлоо бул ирет аралаш система менен өтөт. Кыргызстандыктар 54 депутатты партиялык тизме аркылуу преференциалдык система менен шайлайт. Ал эми 36 эл өкүлү бир мандаттуу округдан тандалып келет.

131
Белгилер:
парламенттик шайлоо, календарь, тизме, тактоо, этап, Жогорку Кеңешке шайлоо
Тема:
Жогорку Кеңешке жаңы тартип менен болчу шайлоо (30)
Тема боюнча
Мыйзамдар өзгөрдү, ЖК депутаттары кантип шайланат? БШКдан видео түшүндүрмө
ЖК шайлоосу: Кыргызстан 36 округга бөлүндү

"Нокауттардын ханышасы". Шевченко UFC уюмун кантип багындырган. Видео

12
(жаңыланган 12:24 20.09.2021)
Аралаш мушташ спортун чагылдырган белгилүү ERA MMA интерактивдик журналы Валентина Шевченконун карьерасы тууралуу видео жарыялады.
"Таланттуу адам бардык жагынан таланттуу. Алардын бири Валентина Шевченко. Ал сүрөттү мыкты тартат, чимириле бийлейт, таамай атат жана бир нече тилде эркин сүйлөйт. Эң негизгиси ал күчтүү мушкер, атаандаштары ага туруштук бере албайт, кайталангыс кармаштары менен өзүнүн атын тарых бетине жаза алды", — деп айтылат видеодо.

Роликте Шевченконун бардык беттештери көрсөтүлгөн. ERA MMA сайты Шевченкону профессионалдык спортто жолу кантип башталып, UFC уюмунун чемпиондук курун кантип багындырганын баяндаган.

Мушкердин кезектеги беттеши 25-сентябрга белгиленген, ал америкалык Лорен Мерфи менен кез келмекчи.

12
Белгилер:
UFC, Валентина Шевченко, мушкер, карьера, видео
Тема боюнча
Валентина Шевченко ринг-гёрлз кыздарды жактап, Хабибдин сынына жооп кайтарды
Лас-Вегаста өткөн UFC турниринин урунттуу учурлары. Видео

Бир нече мүнөттүн ичинде үч ажалдан кутулган антилопанын видеосу

77
Туристтер антилопанын бир эмес, бир нече ирет кургак жерден да, суунун ичинен да кол салууга камданган душмандарынан кутулуп, ажалдан аман калган учуруна күбө болгон.

Бул тууралуу видео Latest Sightings YouTube каналына жарыяланды.

Бул күлүк, бирок алсыз жаныбар алгач африкалык 16 жапайы иттин таландысына кала жаздаган. Жанына күч келгенде көлмөгө кире качкан. Кыңшылаган гиена сыяктуу иттер олжосунан кол жууп, шилекейин чууртуп жээкте кала берген.

Видеону ошол жерде туристтерди коштоп жүргөн 24 жаштагы Рейнжер Дэниел Хитчингс тартып алган.

Антилопа сууга кирип аркы өйүзгө сүзүп бара жатканда андан бир нече метр аралыкта крокодил пайда болуп, тооруп баштаган. Сырттан карап турган кишинин чыдамы кете турган бул картина эч кандай окуясыз аяктап, антилопа аллигатордон да кутулган. Үчүнчү дагы бир кооптуулук аны жээкке жакын жерде күтүп турган. Үйүрү менен сууга түшүп жаткан бегемоттордун эң ириси ага жакындап келип, секиргенде антилопа шамдагайлыгы менен чет жакка ойт бергенге жетишип калган. Алсыз, бирок эч кимге зыяны жок жаныбар бактыга жараша, бир нече ирет ажалдын чеңгелинен кутулуп, жээкке чыгып, андан ары секирген тейде бадалдын арасына кирип кеткен. Ошентип, бул ирет да ага жашоо жылмайган.

77
Белгилер:
Түштүк Африка Республикасы, жаратылыш, антилопа, жайыт, ит, бегемот
Тема боюнча
Кудум ниндзядай. Кабыландын антилопага чукул келип кол салган видеосу
Жан айласын кылып сууга кирген антилопанын кейиштүү окуясы. Видео