Алай тоолорун көрүп ыйлап... Ошто тартылган "Орел и решка" шоусу чыкты

5130
Популярдуу "Орел и решка" трэвел-шоусу Кыргызстандын түштүгүндөгү саякаты тууралуу видеону YouTube баракчасына чыгарды.

Эс алууга каалаганындай акча коротуу мүмкүнчүлүгүнө ээ болгон алып баруучуну Оштун аэропортунан тосуп алып, жолтандабаска отургузуп туристтик милиция коштогон кортеж менен алып кетишкен.

Ал эми 100 доллар менен гана эс ала турган алып баруучу такси менен шаарга келип этномейманканага жайгашып, боз үйдө жатты. Ал жайма базарды кыдырып, шоро, чалап жана советтик автоматтан газдалган суу ичти. Эртеси Өзгөнгө барып күрүч талаасын көрүп, андан соң чыныгы палоонун даамын татты.

Бюджети чектелбеген кесиптеши Алай өрөөнүнө барып боз үй формасында жасалган мейманканада эс алды. Ал Кыргызстандын түштүгүндө туристтик тармак эми өнүгө баштаганын белгилеген. Ат минип тоонун үстүнө чыкканда көз талдырган кооз жаратылышка суктанып ыйлап да жиберди. Аны менен катар мында оюн-зоок жайлары аз экенин айтып өттү. Сапарынын экинчи күнү алып баруучу өзүн рафтингде сынап көрдү, андан кийин Тулпар-Көл жайлоосуна барды. Жергиликтүүлөр аны улуттук кийимчен чыгып, ыр-күүлөр менен тосуп алышты. Топоз мингизип, ак жоолук салып кыргыз келиндеринин кийимин кийгизип, ага күйөө да "таап" беришкен.

Ал эми салтка айланган 100 долларды бекитүү ырасмысын Тулпар-Көл боз үйлөр лагеринин айланасында кылган. 

5130
Белгилер:
'Орёл и решка', шоу, Ош, Алай району, тоо, жайлоо
Тема боюнча
Кыргызстанды кыдырган россиялык блогер кубанычтан жашып... Видео

Пил аялды тепселеп коё жаздап... Чочутуп, андан соң жылмайткан видео

122
(жаңыланган 16:02 27.09.2021)
Түштүк Африкага келген туристтер аз жерден өмүрүнөн ажырап кала жаздаган видео интернет айдыңына тарады. Окуя Крюгер атындагы жаратылыш паркына туристтер чогулуп, кире турган учурда болгон.

Эс алуу аз жерден трагедия менен аяктап кала жаздаганы кадрга түшүп калган.

Видеодон автоунаалар катар тизилип токтоп, ал эми жолдон артка кетенчиктеп бара жаткан пилди четте турган туристтин телефонго тартып жатканын көрүүгө болот. Сырттан караган кишиге ал жаныбардын аракети суроо жаратып, бирок ошол учурда бадалдардын арасынан бир үйүр пилдин чыгып келе жатканы буга жооп болгон.

Бир нече ирмемде болуп кеткен коркунучтуу окуяга күбө болгон коопсуздук кызматынын менеджери Андре Шваб андан ары эмне болгонун түшүндүргөн.

Видеодон балдары менен өтүп бара жаткан үйүрдүн башындагы пил алардын жолунда, бирок бир топ алыс жүргөн эки аялды көздөй чуркаган. Муну көрүп коркуп кеткен берки туристтер кыйкырып, чаңырып, машиналардын сигналын жапырт иштетип, айтор, эне пилди алагды кылганга аракет кылышкан. Ири жаныбардын келе жатканын көргөн эки аял эки жакты көздөй качкан. Пил бирөөнүн артынан түшүп алып, жакындап калганда жолунан кайрылып кеткен. Көз ирмемде өмүрүнөн ажырап кала жаздаган аял токтобой чуркап, трассага чейин келген. Кадрдан кооптуулук өтүп кеткенден кийин туристтер кыраан-каткы болуп күлүп жатканын, ал эми пилдер жолун андан ары улаганын көрүүгө болот.

Андре Шваб бул окуя боюнча комментарий берген. Бул ирмем эки аялдын аман калып, бактылуу күнү экендигин айтып, дегеле жалпы туристтерге парктын ичинде сак болуп, абайлап жүрүүгө кеңеш берген. Кызматкер бул аймакта байырлаган жаныбарлардын баары бир жапайы экендигин эскерткени айтылды.

122
Белгилер:
Түштүк Африка Республикасы, Крюгер паркы, пил, турист, кооптуулук, жаныбарлар
Тема боюнча
Кескелдирикти, жыланды да "сулуулайт". Өзгөчө кесиптин ээси менен видеомаек
Ээсине эркелеп жатып көз ирмемде "азезилге" айланган ит. Кызыктуу видео

Шевченконун көз ирмемдеги муштуму жана UFC 266дагы кызыктуу учурлар. Видео

244
(жаңыланган 14:44 27.09.2021)
UFC Russia уюмунун YouTube каналы Лас-Вегаста болгон UFC 266 турниринин кызыктуу учурларын кесип, чогултуп, видеосун жарыялады.

Бул беттештердин эң эсте каларлыгы жана кызыктуусу жеңил салмактагы спортчу, кыргызстандык Валентина Шевченко менен америкалык Лорен Мерфиники болду. Шевченко октагондо башынан аягына чейин лидерликти дээрлик берген эмес. 4-раундда катуу чабуулга өтүп, Мерфини жерге жыгып катар-катар ургулагандан кийин калыс беттешти токтоткон.

Кыргызстандык мушкер кыздын беттешиндеги кызыктуу учурларды редакция чогулткан видеотоптомдон көрүүгө болот.

244
Белгилер:
Лас-Вегас, Валентина Шевченко, UFC, сокку, октагон, видео
Тема боюнча
Силерди жакшы көрөм! Шевченконун Кыргызстанга салам жолдогон видеосу
Спортчу Мамашов АСА мелдешинде UFC уюмунун экс-мушкери менен беттешет
"Нокауттардын ханышасы". Шевченко UFC уюмун кантип багындырган. Видео
Ош мэриясы China Road компаниясы менен меморандумга кол коюу

Оштун мэри China Road менен жол куруу боюнча меморандумга кол койду

0
(жаңыланган 20:15 27.09.2021)
Компаниянын өкүлдөрү Алмаз Мамбетов менен биргеликте жолдорду, көпүрөлөрдү, тыгын учурдагы абалдарды, таштанды талаасын жана башка жерлерди жеринен көрүп келишти.

БИШКЕК, 27-сен. — Sputnik. Ош шаарынын мэриясы China Road компаниясы менен эки тараптуу кызматташуу боюнча меморандумга кол койду. Бул тууралуу аталган муниципалитет кабарлады.

Мэр города Ош Алмаз Мамбетов во время подписания меморандума о двустороннем сотрудничестве с компанией Чайна Роад. 27 сентября 2021 года
© Фото / пресс-служба мэрии города Ош
Жолугушуунун алкагында калаа мэри Алмаз Мамбетов жана компания өкүлү Хоу Хусян жолдорду оңдоп-түзөөдөн өткөрүү жана куруу, таштандыларды кайра иштетүүчү заводдорду куруу боюнча меморандумга кол коюшкан

Бүгүн, 27-сентябрда, кытайлык корпорациянын Кыргызстандагы жолдорду жана көпүрөлөрдү куруу боюнча өкүлчүлүгүнүн башкы директору Хоу Хусян баштаган жумушчу топту Ош шаарынын биринчи вице-мэри Марс Исаев кабыл алган.

Жолугушуунун алкагында калаа мэри Алмаз Мамбетов жана компания өкүлү Хоу Хусян жолдорду оңдоп-түзөөдөн өткөрүү жана куруу, таштандыларды кайра иштетүүчү заводдорду куруу боюнча меморандумга кол коюшкан.

Андан соң компаниянын өкүлдөрү Алмаз Мамбетов менен биргеликте жолдорду, көпүрөлөрдү, тыгын учурдагы абалдарды, таштанды талаасын жана башка жерлерди жеринен көрүп келишкен.

0
Белгилер:
Ош мэриясы, Алмаз Мамбетов, China Road
Тема боюнча
Мэр Мамбетов Ош шаарынын туристтик брендин түзүү ниетин билдирди
165 млн. бөлүнгөн. Марипов Төө-Ашуудагы жолдун оңдолуп жатканын көрдү. Сүрөт