Күйөрмандардын стадиондун үстүнөн кулаган мышыкты сактап калган кызыктуу видеосу

258
Майами шаарында футбол беттеши учурунда эки команданын күйөрмандарынын чогулуп алып бир кызыкчылыкты ойлоп, түйшөлгөндөн чаңырып, кыйкырып жаткан видеосу тарады.

Окуя Майами жана Аппалачи университеттеринин командаларынын беттеши учурунда болгондугун ESPN басылмасы жазган.

Миңдеген элди бириктирген ошол жердеги мышыктын тагдыры болгон. Видеону көргөн киши алгач эмнеге элдин баары адаттагыдан башкача түрүлүп, чаңырып жаткандыгын дароо эле түшүнө бербейт. Бир аздан кийин стадиондун жогорку трибунасынан мышыктын алдыңкы эки буту менен белгисиз нерсеге тырмыша жабышып турганын көрүүгө болот. Жаныбардын узун зымды бекем кармап турган алдыңкы эки бутунун бири бошоп кеткенде стадиондогулар жандан түңүлө чаңырып жибергени кадрга түшүп калган.

Алды жактагы аянтчада тургандар жогору жактан көзүн албай, мышык кулай турган жерге АКШнын туусун жайып, белендеп турган. Бир маалда карманып турууга шайы жетпей калган мышык бийиктен кулап келип желектин четирээк жагына түшкөн. Куткарган чоң эле кишилер менен ошол жерде тургандардын секирип, кыйкырып, колун чаап, жаңсап, жаныбардын тирүү калганына баладай кубанып жаткандыгын көрүүгө болот.

Мышыкты желекке тосуп алгандардын бири трибунанын өйдө жагындагылар аны сактап калууга аракет кылып, бирок иш оңунан чыкпай, жаныбар ылдый кулаганын айтып берген.

Ал эми оюн талаасынын ээси болгон команданын башкы машыктыруучусу Мэнни Диас бир канча стресске кабылып, бирок тирүү калган мышыкка стипендия берерин айтып, тамашалаган.

258
Белгилер:
АКШ, футбол, мышык, стадион
Тема боюнча
Тап берип, сүр көрсөтүп. Буйволдун кабыландын баласын коргогон видеосу

Токой аралап, чатырга түнөп... Путин менен Шойгу тайгада эс алган видео

118
(жаңыланган 13:00 26.09.2021)
Россия президенти Владимир Путиндин тайгада эс алып жүргөн учурдагы видеосун News24 Russia телеканалы жарыялады. Анда өлкө башчыны коргоо министри Сергей Шойгу коштоп жүргөнүн көрүүгө болот.

Кадрлардан Путиндин балык уулап, токой аралап, кайык айдап жүргөнү көрүнүп турат. Ошондой эле анын чатырда түнөгөнү айтылат. Шойгу президент отурган чатырды карап "мыкты экен" деп баа берсе, Путин "мыкты иштеген кишинин турак жайы дагы жакшы болот" деп тамашалап жооп берет.

Эске салсак, Владимир Путин көбүнесе тайгада эс алат. Адатта анын кыска мөөнөттүү эмгек өргүүсү бир нече күнгө созулуп, коргоо министри Сергей Шойгу жанында жүрөт.

118
Белгилер:
Россия, Владимир Путин, Сергей Шойгу, эс алуу, видео
Тема боюнча
Тоодон зуулдап түшкөн Путин менен Лукашенко. Эки лидердин лыжа тепкен видеосу

Мен чемпионмун, баарына даярмын! Шевченко кийинки атаандашы боюнча жооп берди

161
Кыргызстандык мушкер Валентина Шевченко жеңишинен кийин суроолорго жооп берип жатып ким менен кайсы дивизиондо болсо дагы таймашууга даяр экенин айтты.

Ага кийинки атаандашы тууралуу суроо беришти.

"Мен эч нерсеге карабай ким менен болсо дагы таймашууга даярмын. Мен бул жердемин, мен чемпионмун!" — деди спортчу.

Ошондой эле ал бир нече тилде күйөрмандарына салам жолдоп, ыраазычылгын билдирди.

Белгилей кетсек, UFC уюмунун жеңил салмактагы чемпиону Шевченко бүгүн, 26-сентябрда, америкалык Лорен Мерфини жеңип, алтынчы ирет чемпиондук наамын коргоп калды. Беттеш АКШнын Лас-Вегас шаарындагы T-Mobile спорттук аренасында өттү.

161
Белгилер:
Валентина Шевченко, жеңиш, маек, жооп
Тема боюнча
Валентина Шевченко атаандашы Лорен Мерфини шайын кетирип утуп алды. Видео
Силерди жакшы көрөм! Шевченконун Кыргызстанга салам жолдогон видеосу
Кыргыз желегин желбиретип... Шевченко кантип жеңгенин көрсөткөн видеолор
УКМКнын төрагасы Камчыбек Ташиев. Архив

Ташиев: мамкызматкерлер аралашкан фармацевтикалык мафиянын бетин ачтык

17
(жаңыланган 21:29 26.09.2021)
УКМКнын төрагасы кошумча кенен маалымат дүйшөмбү күнү берилерин белгилеп, дагы бир иштин четин чыгарды.

БИШКЕК, 26-сен. — Sputnik. Кыргызстанда ири фармацевтикалык мафиянын бети ачылды. Бул тууралуу УКМКнын төрагасы Камчыбек Ташиев Алай районунда атайын кызматтын бөлүмүнүн жаңы имаратынын ачылышында билдирди.

Анын айтымында, Кыргызстанда дарылардын баасы 3-10 эсе кымбат сатылып келгени аныкталган.

"Ири фармацевтикалык мафиянын бети ачылды. Кыргызстанда дарылар эң аз дегенде 3, эң кымбат дегенде 10 эсе кымбат сатылып келиптир. Мамлекеттик кызматкерлер дарыгерлер менен чогуу мафия түзүшкөн. Биринчи күнү толук маалымат берилет", — деди Ташиев.

Мындан тышкары, УКМК төрагасы күйүүчү май ташыгандардын мафиясынын да изине түшкөнүн белгиледи.

"Бүгүнкү күндө күйүүчү май 56-58 сомдон сатылууда, бирок 50 сомго жетпеген баада сатылышы керек экен. Муну мамлекет да, жетекчилер да, эч ким караган эмес, биз азыр ошого багыт алдык", — деди Ташиев.

Кызматкерлерге кайрылып жатып жетекчи ар кимиси элдин, мамлекеттин кызыкчылыгы үчүн иштеши керектигин, бул үчүн ар биринде бийлик да, мүмкүнчүлүк да бар экенин белгиледи. Сөзүнүн соңунда ар бир кызматкер отчет тапшырып, иши ошонун негизинде бааланарын кошумчалады.

17
Белгилер:
Камчыбек Ташиев, УКМК, Күйүүчү май, дары-дармек
Тема боюнча
Бишкек: заводдун аймагынан бомба табылган жок. Ишти эми УКМК изилдейт
Соцтармакка тараган "Ташиевдин тизмеси". УКМК төрагасы үн катты